صباح يوم جديد
بمطار كوالالمبور ، خلص فايز اوراقهم وركبوا لطياره وثريا فيها
نوم مو مصحصحه وفايز كل ماشاف شكلها تجيه الضحكه ويكتمها
، ومن جلسوا بمقاعدهم لف لها
فايز: لاتقولين بتنامين؟
ثريا بقهر:اي بنام ، مو انت صحيتني ٥ ومانمت الا ساعتين
فايز بضحكه: لو خليتك تنامين بتطير الطياره
ثريا بهمس: ليتها طايره
فايز:سمعتك
ثريا لفت ناظرت له : وهذي طريقه تقعدني فيها من النوم؟
فايز كاتم ضحكته:طريقه حنونه صح
ثريا:اي حنونه ، فايز انت خلصت العطر ع وجهي
فايز:ههههههههه عشان ماتنسين ريحتي
ثريا:شوف هو اعشق عطرك بس مو كذا ، كنت بختنق منه
فايز:ههههههههه طيب خلاص لاتنفسين ، نامي ي قلبي
ثريا ناظرت له بطرف عين: بتفتك مني صح؟
فايز ناظرها بصدمه ورفع حاجب ومبتسم
ثريا:قول ثريا تعالي بس والله مااجيك
وصدت عنه وفايز سكت عنها شوي وبعدها لف لها:ثريا
ثريا:اممم
فايز:وش اللون اللي تحبينه!
ثريا:اسود ، اللون اللي اتمنى اشوفه الحين ، اسكر عيوني
ومااشوف شي وانام
فايز: هههههه ثريا بلا استهبال ماامزح ناظري لي ، ثريا
لفت له ثريا:ليش تسأل؟
فايز:كذا بعرف
ثريا:احب موف الموف الفخم
فايز:واضح اغلب اغراضك لونها موف
ابتسمت ثريا:اي ، وانت؟
فايز:اشوفك صحصحتي
ثريا:تبيني انام؟ عادي انام
فايز:امزح ماينمزح معك انتي ، احب الرصاصي
ثريا:الله حلو
ابتسم فايز ومسك يدها:انتي الحلوه والله
ثريا استحت وابتسمت:مافطرت ابي اكل
فايز:ههههههه عز الله ، ابشري
ضحكت ثريا وفايز لف يطلب لها
لمى ع سريرها جالسه لفت لجواهر النايمه
لمى بعصبيه:جواهر قومي طول الليل سهرانه
جواهر انزعجت من صوتها وتحركت
لمى:من تتكلمين معه بالليل اسمعك