ام صالح:ششفيها؟ شروق:يمكن من بعد التسسقط ، اكيد ماتحملت ليشش طلعتوها اللحين؟ ثريا كانت مسسكره عيونها ومن كلام شروق فتحت عيونها بهدوء وناظرت لهم وهي تتنفس بالقوهه وعقدت حواجبها وفايز سكر عيونهه وضغط ع ششفتهه مايدري وشش يقول ثريا ناظظرت لفايز وتحس بتموت من بطنها:وش تقول هذي؟ ام صالح ناظرت لشروق وشروق حطت يدها ع فمها فايز ناظر لثريا:تبين تطلعين لغرفتك؟ ثريا ناظرت لشروق وام صالح وجواهر اللي يناظرون لها وقامت بتعب واخذت شنطتها ومشت بهدوء وقام فايز ناظر لشروق وبيتكلم بس شاف شكل ثريا وهي تمششي بتعب ومشى لها وسندها وطلع من المجلس لدرج صارت تطلع وتحس نفسها ثقيييلهه وبالقوه تطلع ووقفت وهي تتنفس بصعوبه فايز:ماتقدرين تكملين؟ ثريا حركت راسها بـ. لا ع صوت زينب وراهم زينب:وييين الله يهداك فايز وين بتطلعها؟ فايز ناظر لزينب:الله جابك ، تعالي اخذي شنطتها زينب مشت لهم واخذت شنطتها:الله يهديك ، يلا نزلها يلا ثريا تعالي تحت ثريا:ماابي اجلس عندهم فايز اخذ نفس وبدون مايتكلم وبهدوء ششالها وثريا استسلمت له وزينب ابتسمت وهي تناظرلهم ومششى فايز ومشت وراهم زينب وصل لشقه وفتحت زينب الباب ودخل فايز ومشى للغرفه ونزلها ع السرير بهدوء فايز:وش تحسين فيه؟ ثريا ناظرت لزينب اللي عند الباب ورجعت ناظرت لفايز ثريا:كنت حامل؟ زينب نزلت شنطتها ع التسريحه وطلعت من عندهم بدون ماينتبهون لها فايز تنهد وجلس ومسك يدها:كنت بقولك اول ماتصحين بس كل شي صار ورا بعض ثريا وعيونها امتلت دموع؛ماكنت اعرف والله فايز مسك يدها وابتسم:عارف ، بالاصل كنتي بالاسابيع الاولى وطبيعي ماحسيتي ثريا:كلهم يعرفون؟ فايز:الممرضه قالت لي قدامهم ثريا بضيق تنهدت وسكتت شوي وبعدها ناظرت له وعقدت حواجبها ثريا:فايز انا سقطت من الحادث صح؟ فايز استغرب سوالها:اي ثريا:من الحادث او من الابره؟ فايز بهدوء:من الحادث ، انسي الابره وش قلنا حنا ثريا صارت تناظر له وكانها تفكر وفايز مد يده ومسح ع خدها فايز وهمس:الولد بداله ولد بس انتي من بدالك؟ ثريا تناظر له فايز ابتسم:خلاص انسي دامك عندي وش ابي بعد ، الحادث واللي صار بعد الحادث كلهه مانبي نتذكرهه ، انتي طيبي وبس ثريا:وانت بتدور اللي سوا فيني كذا؟ فايز بضحكه:توي اقولك خلينا ننسى ثريا:ماراح انسسى ، لين اعرف ، او بالاصل لين اتاكد فايز اختفت ابتسامته ثريا:ولين تدري اني قلت اللي احس فيه وتصدق فايز ترك يدها ووقف:بغسل وببدل وبنزل اخليهم يسوون لك اكل ومشى وثريا اخذت نفس وهمست:ليشش احسها هي ياربي مااكون غلطانهه
***********
طلع فايز من الشقهه ونزل وبالدرج رن جواله ، بمشرفه الدار اخذ نفس ورد وهو ينززل مع الدرج فايز:الو المشرفه:السلام عليكم ورحمه الله فايز:وعليكم السلام المشرفه:الاخ فايز ، بشرنا عنك وعن بنتنا ثريا فايز:الحمدلله بخير وامورنا تمام امري ! المشرفه:مايامر عليك عدو ، بس فيه شخص ، جانا يسأل عن ثريا ، ولما قلنا له انها تزوجت اصر الا يقابل زوجها فايز عقد حواجبه:من هذا؟ المشرفه:ماقال اسمه لكن قال انه عنده امانه لثريا فايز جممدت ملامحهه ، مقعوله الورث وفلوسها؟ المشرفه:تقبل اعطيه رقمك؟ فايز:ايه خليه يتواصل معي المشرفه:تمام ، مع السلامه فايز:الله معك وسكر وهو يفكر شششلون كذا؟ ، صالح وامه يدورونهه وهو جاء لفايز كذا ، طيب ليش يتواصل مع زوجها مو معها هي؟ قطع تفكيرهه صوت شروق شروق:حبيبي فايز والله ماكنت اقصد فايز ناظر لها وشوي استوعب:عادي مصيرها كانت بتعرف ام صالح:وينها هي فايز:بالشقه ، الخدامه بالمطبخ؟ ام صالح:ايهه ليه؟ فايز التسم وماتكلم ومشى للمطبخ ودخل فايز ناظر للخدامه:اسمعي ناظرت له فايز:سوي شوربه وحطي خبز وطلعيهه لثريا فوق وسوي نفس الصينيهه للمى زين؟ الخدامه:زين وطلع فايز لصاله شاف جواهر ماشيه جايه لهم وصد ناظر لامه فايز:شلون لمى؟ ام صالح:الحمدلله طيبهه ، الطاهر انها نايمه جواهر:لا صاحيه توي شفتها دخلت تغسل فايز لف:بروح اشوفها ومشى وجواهر تناظر له وواضح اللي متجاهل يناظر لها شافت شروق وام صالح لفو يتهامسون ويسولفون ، وبدون ماحد ينتبه مشت وراه فايز ، ثريا لمى حست ان ظهرها وبطنها خفو شوي قامت بهدوء ومشت للحمام عزكم الله غسلت وجهها وطلعت تحس ودها تاخذ دشش بس ماتقدر ناظرت لنفسها بالمرايهه ليدها والشاش ع رقبتها وراسها وتاففت بضيق وهميت:الحمدلله اخذت شنطتها الصغيرهه ومشت لسرير وجلست وطلعت جوالها وشافت مكالمات هاجر لها وابتسمت حستها فاقدتها جت بتتصل عليها بس الشحن ٢٪ مايمدي قامت وطلعت الشاحن وشحنت جوالها وتركتهه ومشت لسرير وانسدحت وتنهدت بتعب وسكرت عيونها وشوي شوي لييين نامت.
