ضاري عقد حواجبه وهو يشوفه مستعجل استغرب وش فيه بس
ماتكلم ورجع ناظر لوليد اللي منشغل بجواله
ضاري: وليد فايز طلع مستعجل قوم شوف يمكن فيه شي صاير
داخل
وليد رفع راسه ماشاف فايز وشاف ضاري: وشو ؟
ضاري:اقولك فايز طلع مستعجل يركض قوم شوف وش فيه داخل
وليد قام مستغرب ومشى بسرعه خايف يكون فيه شي دخل لصاله
يتلفت ماشاف احد لف ومشى للمجلس وقبل يدخل وقف بصدمه
وهو يشوف البنت اللي قدامه ، كانت متحجبه حجاب خفيف وخصل
شعرها ع ملامحها وتناظر للجوال مندمجه فيه ، وقف مصنم شوي
هذي البنت اللي كانت مع لمى بالمستشفى ، حس ع نفسه وصد
وزادت سرعه انفاسه وبعد عن المجلس وشكلها للحين بباله ، نسى
وش كان داخل عشانه ورجع لمجلس الرجال وضاري يناظر فيه ،
جلس وليد بهدوء وهو ساهي
ضاري: فيه شي ؟
وليد ناظر له وحرك راسه ب لا وبلع ريقه واخذ نفس: مافيه شي ابد
، تقهوى
واخذ الفنجان منه وصار يقهويه وباله بمكان ثاني ، صح انه مادقق
بملامحها ، صح ماشافها زين بس ليش اخذت تفكيره؟
وقف فايز قدام الشقه
لمى:وينك ، البنت ماتفتح اطق الباب ماتفتح ، اترك لشقتك مفتاح
عندي عشان افتحها اذا ماكنت موجود
فايز ماتكلم وفتح الباب ودخل صار يتلفت ومشى للغرفه ع طول
ولمى معه فتح باب الغرفه وانصدم لما شافها نايمه ع وضعها لما
اخر مره شافها
مشى لها بسسرعه
فايز:ثريا ؟ ثريا؟
ماردت ولفها له وصار راسها بحضنه
فايز:ثريا تسمعيني ؟!
لمى خافت وهي واقفه عند الباب وتناظر لهم
ثريا رفعت يدها بهدوء وحطتها ع راسها وضغطت عليه وفتحت
عيونها شوي
ثريا بهمس: راسي
فايز لف للمى:جيبي ماء
ثريا ماقدرت ترفع نفسها وركضت لمى جابت ماء
لمى: وش فيها
فايز مارد وهو يناظر لثريا مايدري وش يسوي اخذ الماء من لمى
فايز بهمس:ثريا ارفعي راسك ، اشربي ماء
وساعدها ورفعها وشربت شوي وبعدها بعدته وناظرت لمى ورجعت
