ثريا:بس تبي ربع ساعه وتخلص اصلاً لمى:طيب تعالي ساعديني دام خلصتي ثريا مشت لجلالها واخذته:مااقدر عيني بروح لفوق قبل يجي فايز انتبهي للفرن زين لمى:تعالي اشرت لها ثريا وطلعت وتاففت لمى ومشت ثريا لدرج ع فتح باب الصاله وتغطت ولفت تشوف اذا كان فايز شافت وليد داخل وشكله تعبان ام صالح:هلا وليد تعال وليد ناظر لامه ورجع ناظر للموجودين وثريا الواقفه وعرفها وصار يناظر لها وثريا استغربت ام صالح:وليد!! وليد لف لامه:هاه هلا ام صالح؛شفيك يمه؟ وليد اخذ نفس:تبون تطلعون اليوم؟ ام صالح؛ايه وكلكم معنا وليد ناظر لثريا:فايز مايقدر يجي معنا سافر ثريا بصدمه ناظرت له وعقدت حواجيها ام صالح:غريبه وين راح؟ وليد بهدوء:انا اوصلكم اليوم وانتي ثريا معنا ثريا:دقيقه ، فايز وين راح ماقال لي وليد:راح لشغل ضروري ، ادعو له يرجع سالم ثريا بصدمه:وليد فايز وووين راح؟ ام صالح؛وش فيك ثريا ، رجال عنده ششغل ليش معصبه ماردت ثريا ومشت لدرج وجوالها بسدها وتدق عليه ، مايرد وانقهرررررت وصلت لشقه ودخلت ورمت جلالها وهي تحاول تتصل مايرد فايز كان بمكتبه يخلص شغله ويشوف اتصالاتها عرف ان وليد قال لها ، ليته مااستعجل كذا ، فكر يرد او لا لو رد وسمع صوتها يمكن مايروح ، حط الجوال صامت ورجع يكمل شغله وعقله معها انقهرررت ثريا وارسلت له ثريا:(وين تسسافر بدون ماتقول لي ، ليشش طيب شلون تخليني كذا ، فايز رد علي) شاف الرساله فايز وتضايق اكثر ورفع جواله ورد عليها فايز:(لاتضغطين علي ، انتي بييتك خليك انا يوم يومين وراجع شغلي ضروري) ثريا تنرفزت:(تمام رد ع اتصالاتي) فايز:(مايلقط جوالي ، وابيك تعرفين اني اعشقك ماعشقت غيرك) ثريا بصدمه وهي تقراء رسالته حست نفسها توترت اكثر وردت:(ارجع ، او خذني معك) فايز عرف انها بتقول هالكلام وسكر جواله وقام واخذ لاب توبه وجواله وطلع من الشغل ورماهم بسسارته وركب وشغل سيارته واخذ نفس ومششششى اما ثريا حست نفسها ترجف من التوتر مايرد عليها وسكر جواله وش الشغل اللي يخليه يمشي فجاءه ويقول هالكلام ..!
------------------
الساعه صارت ٤:٣٣ م وماجاء صار له ساعتين من كلمته مارد او كلمها ، قامت من مكانها واخذت جوالها وسحبت جلالها ونزلت من الشقه لتحت ومشت لصاله شافت ام صالح وصالح وعبير جالسين يسولفون ومن جت ناظروا لها وثريا ماتكلمت وتلفتت ومشت لمجلس الرجال صالح:هيه وين رايحه هذي ام صالح استغربت وقامت مشت وراها اما ثريا دخلت مجلس الرجال كان فيه اسامه ووليد ومن شافوها انصصدموا ماحد من الحريم تتجراء تجي لهم بالمجلس وثريا سوتها ثريا ناظرت لوليد:فايز وين راح؟ وليد بهدوء:شغل ثريا بعصبيه:ششغل ويودعني كانه ماراح يرجججع؟ وليد:تعوذي من الشيطان ماهو مطول ثريا بتتكلم ع صوت ام صالح داخله ام صالح:وش فيه؟ ثريا لفت لام صالح:مو راضي يقولي فايز وين راح وفايز ارسل لي يودعني وكانه مطططول وليد:ماراح يطول ثريا لفت له:ليششش اسلوبه كذا طيب؟ وليد بهدوء:فايز راح لجده لعمر يومين يخلص ويرجع ثريا عقدت حواجبها:عمر مو هنا؟ ام صالح:وفايز ليش يروح لحاله فجاءه؟ وليد:لاتسألوني عن شي ثريا صدت ومسحت دمعتها بصبعها وسكتت ماردت ام صالح بهدوء:ماهي اول مره يسافر فجاءه قبل يتزوجك كان يصبح بجده ويمسي بالدمام ثريا بصوت خانقته العبره:اسلوبه بالرسايل يخوف وكانه ماراح يرجع ابد ام صالح:لاتقولين كذا تعوذي من الشيطان ثريا بهمس:اعوذ بالله من الشيطان الرجيم ، بطلع ومشت عنهم وولفت ام صالح لاسامه واشرت له يطلع واسامه فهم لها وطلع ومشت لوليد وجلست جنبه ام صالح:تكلمت معه انت؟ وليد بضيق:ايه ، ماابي اخوفك بس كان اسلوبه غريب ام صالح تنهدت بضيق:الله يستر عليه وليد:امين ام صالح سكتت شوي وبعدها ناظرت لوليد:كلمه لايروح خليه يستخير ويرجع او يروح بطياره وليد حرك راسه وطلع جواله وكلمه وشافه مقفل ونزل الجوال وليد:ثريا ماتنلام ، مقفل جواله خوفنا وراح ام صالح تاففت وقامت بدون ماتتكلم ومشت ووليد دعاء ان مايصيب فايز اللي ببالهمم دخلت ام صالح لصاله عبير:وش فيكم خاله اشوف ذي ثريا دخلت تمسح عيونها وطلعت فوق لايكون بتخرب علينا مثل ماخربت بالمخيب بعد ام صالح ناظرت لعبير بطرف عينها وماردت وجلست وعبير تفشششلت وصالح يناظر لامه حاس فيها شي بس مايبي يكلمها وهي بالوضع
