بعد ساعه استاذنو اهل يعقوب ومشوا وبقت زينب وثريا بالمجلس
زينب:متحمسه اشوف رده فعل يعقوب لما شاف لمى
ثريا ابتسمت:تصدقين ماشفناها لما رجعت من عنده؟ بقوم اشوفها
زينب:تمام وانا بتصل ب يعقوب
قامت ثريا ع صوت بسام وتغطت
بسام ابتسم:السلام عليكم
زينب:هلابك
بسام: تغافلت العيال وجيت
ثريا تركتهم ومشت خلتهم ع راحتهم ، مشى بسام وجلس جنب
زينب
بسام: من بتكلمين
زينب:يعقوب بشوف وش رده فعله
بسام اخذ نفس:من طلع من عند لمى وهو غريب ، ساهي ولا تكلم
كثير
زينب استغربت وبعدها ضحكت: عادي يمكن يفكر فيها
بسام : ههههههه يمكن
طقت ثريا باب غرفه لمى ورد عليها صوتها
لمى:بنام
ثريا استغربت بس مااهتمت وفتحت الباب
ثريا:خير تنامين هالوقت ، وش صاير معك
ومشت لها وجلست جنبها
لمى تنهدت وناظرت لثريا شوي وبعدها ابتسمت
لمى: قال لي انه ضاري ، اللي خاطبني يحبني وانه مايقدر يخليه
يعيش متضايق واني اقول لكم ان يعقوب مو عاجبني ولا ابيه
وتتكنسل الخطبه واخذ ضاري
ثريا بصدمه:نعم نعم؟
لمى عصبت:ضاري اللي مااعرف عنه غير اسمه يحبني ! وقايل
ليعقوب ويعقوب قرر يطلب النظره الشرعيه عشان يقول لي ان
ضاري يحبني ، وانا مثل الحما كاشخه وطالعه له
ثريا بصدمه تناظر لها
لمى انسدحت وسحبت لحافها: كذا انا ، حظي واعرفه
ثريا:لمى دقيقه لاتنامين وش بتسوين؟
لمى: ماابي اسوي شي ضاري ويعقوب قررو عني ، بس يبطون
يلعبون فيني لاابي لا ضاري ولا يعقوب ذا
ثريا بضيق همست:ياعمري انتي ، لاتشيلين هم ، بيجيك الاحسن
لمى:ثريا ماابي اتكلم اكثر عنهم ، ياقلبي ابي انام
ثريا قامت:تمام ، عوافي
ومشت لنور وطفته وطلعت وسكرت الباب وهي عارفه ومتأكده انها
سكرت الباب ع وحده تبكي قهر داخلها كانت متعشمه خير بس
