الكل بالصاله ومتوتر ، ع نزله ثريا وتلثمت من شافتهم ودخلت ثريا:السلام لفو لها كلهم وردوا السلام ومشت ثريا للمى وجلست جنبها ثريا:ماردت؟ لمى؛لا للحين فايز:لمى بعرف وش موترك لمى:فايز امي راحت بالليل ، يعني تخيل طاحت ع صالح وموديها او صاير لها شي وموديها مسسستحيل كذا فجاءه ياخذها ويروح وهي مو فيها شي وليد:قسم بالله انك توترين الواحد غصب لمى ماردت عليه ع دخبه عبير عبير:صباح الخير لفو لها كلهم لمى:جااايك الله عبير ، متى مشى صالح مع امي شششلون راحو كذا؟ عبير جلست:ياعمري لمى ، امك جتنا حول الساعه ٢ وطقت الباب ونزل لها صالح ، وشوي طلع عندي قال بيمشي للقصيم مع امه لمستشفى وبس سعد:ماقال شي ثاني يعني امي تعبت؟ عبير:لا وليد:غريبه لمى:اوووووف طيب ليش مقفلين جوالتهم فايز:انا عندي واحد اعرفه بالقصيم ، سامر اذا تذكرونه بتصل فيه يسأل بمستشفياتهم لمى:ايه ايه قام فايز وثريا مسكت يد لمى وهمست:اهدي ان شاءالله مافيهم الا الخير لمى:ان شاءالله ع دخله زينب عليهم زينب:السلام عليكم الكل رد بهدوء:وعليكم السلام واستغربت اجواءهم ومشت وجلست جنب بسام ولفت له وهمست زينب:وش فيكم؟ بسام؛امي وصالح طالعين من امس لمسشفى بالقصيم ومقفلسن جوالتهم زينب:يوه الله يستر يارب ، الله يحفظهم ابتسم له بسام زينب بهمس:اجل اقول ليعقوب واهلي مايجون اليوم هاه؟ بسام:لا خليه يجي مع اخوانك احنا موجودين ونتكلم بالموضوع وان شاءالله اذا جت امي تجيها امك زينب:اخاف اخوانك يـ. بسام بهدوء:خليهم يجون وماعليك ، تونا ع الليل ، وان شاءالله امي وصالح بيردون الى متى بناجل زينب:طيب ضغط ع يدها بسام وابتسمت زينب وقامت تكلم اخوها ، صالح بهدوء:يمه! ام صالح فتحت عيونها بهدوء ومن حست السياره واقفه لفت لصالح صالح:قومي وصلنا نبي نرتاح بالفندق ونتكلم ام صالح جلست بتعب:روح لبيت عمر صالح صد ورجع يناظر لها ام صالح:يلا صالح:ماادله ، يمه خلينا نتكلم ام صالح:كلم فايز يلا ، نبي نروح له صالح عرف انه مايقدر يقنع امه:طيب واخذ جواله واتصل بفايز وهو يناظر لامه
---------------
فايز:الله يجزاك خير سامر ماتقصر سامر:ولو ابشر فايز بيتكلم وجاءته مكالمه انتظار ورفع جواله ومن شاف اسم صالح جمد شوي ورد ع سامر فايز:سامر اكبمك بعدين لاتطلع اللحين تمام سامر:تمام وسكر فايز ورد ع صالح فايز:الو! صالح:هلا فايز فايز:وييينكممم وامي وينه وين رحتوا؟ صالح:احنا بجده ، نبي بيت عمر وينه فايز بصدمه:بجده؟ وعمر؟ صالح:امي تبي بيت عمر ، فايز ارسل الوصف ع الواتس فايز:دقيقه دقيقهه وشش تبون فيه؟ ليشش رحتو له؟ عطني امي صالح لف لامه:فايز يبي يكلمك ام صالح حركت راسها بـ. لا ورجع صالح كلم فايز صالح:امي تعبانه ، انتظر الوصف فايز عصب:عططططني امي اقولك صالح تنهد ولف لامه:يبيك ام صالح تعدلت واخذت الجوال ام صالح:الو! فايز:يمه وش تبين بعمر؟ ام صالح:جايه اتكلم معه؟ ليش عندك اعتراض؟ فايز بقهر:لا ماعندي اعتراض ، بس اذا ع الورث لاتتكلمييين معهه تكبمي معي انا ام صالح:فايز ارسل مكان بيته فايز بهدوء:الورث كله معي ام صالح سكتت فايز:عمر طلع منها ، وكل شي معي اذا تبينه تعالي تكلمي معي ومع ثريا ام صالح؛انتظرك ترسل الوصف وسكرت بدون ماتنظر رده وصالح استغرب صالح:وش قال؟ ام صالح:ننتظره خمس دقايق اذا ماارسل الوصف نكلم عمر صالح بهدوء:تمام ، دخل فايز لصاله لمى:كلمت صديقك؟ فايز جلس واخذ نفس:امي وصالح بجده سكتوا كلهم وناظروا له شششوي بسام:وش عرفك؟ فايز:توه كلمني صالح ، رايحين يقابلووون عمر وليد:تمممممزح؟ لاعااااااد سعد:وش يبون فيه وليد:وش يبوون بعد اكيييد ورث ثريا بيطالبون فيه من عمر فايز لف لوليد:الورث معي كله وليد لف له بصدمه:صصدق؟ فايز:ايه لمى:ياربي امي وصصالح مايرتاحون الا لين يتفشلون ويفششلوننا معهممم ثريا:فايز قول لهم ان الورث معك فايز:قلت بس يبون يروحون له ماادري ليشش عبير عقدت حواجيها وهي تناظر لهم بسام:الله يستر بس فايز:ماراح ارسل لهم وصف بيته ، اما يلقونه هم او يرجعون لمى تنهدت بضيق وصارت تفكررر والكل تصور وش بتسوي امهم وتضضايقو ، امهم مستحيل تبقى بدون مشاكل ، حتى لو ماجتها هي تروح للمشاكل ع صوت رن الجرس سعد:بسام قوم بسام:الصغار وينهم مايفتحون؟ سعد:فوق بشقه بشقتي كلهم بسام:والله عاجز وليد قام:عزتي للي ينتظر منكم شي بسام:هههههه روح روح قواك الله ابتسم وليد ومشى للباب وفتحهه واستغرب من اللي قدامهه وعقد حواجبه.
