بعد ساعه من الكلام مع بعض قام ضاري وصافح وليد ضاري:عاد ماعلي منك تجي وتشوف الشغل معي عمي كلفني بكل الشغل بحالي وليد:ههههههه معك معك ولا عليك ضاري:تمام ، اجل استاذن وسلم ع وليد ومشى لصالح سلم عليهه صالح:انا بوصلك للباب ضاري:لا لاتعب نفسك صالح:يلا يارجال مامن تعب تشرفت اني عرفتك ضاري ابتسم ومشى معهه للباب وقبل يطلع ناده صالح صالح؛ضاري لف له ضاري:سم صالح بهدوء ابتسم:عمك وش اسمه؟ ضاري طضحكه:حمود الـ. صالح:ايه عرفته ماشاءالله عليه ضاري:اسـ. صالح:ماني مسجل رقمك عطني اياه ضاري استغرب بس ابتسم ومد له الكرت واستاذن وطلع ومااهتم بس كل مايفكر باللي شافها يبتسم بهدوء وبعدها يبعد الافكار عنهه ويشغل تفكيره بااي شي ثاني يعرف ان وليد وفايز عنهم اخت بس مايدري عن عمرها واذا متزوجه او لا مايدري اللي شافها اختهم؟ الصغار ناودها عمه؟ بعد اسبوع بالرياض وخصوصاً بمجلس بيت الجابر كان جالس وهو مبتسم وقدامه صالح مبتسم صالح:والله فرحت من قالو لي الصغار ان ضاري عندنا نزلت وانا مااشوف قدامي ههههههه ضاري ابتسم واخذ نفس:ماادري والله وش اقول انا كلمت الوالده وكلمت اهلي بس قلت اكبمكم وتمنيت باقي اخوانك موجودين يعني صالح:والله الكل مشغول ، سم امر ضاري حس نفسه متوتر وابتسم وهو يناظر لصالح ضاري:جاي اطلب القرب صالح بصدمه سكت يناظر له ضاري استغرب وسكت صالح بضحكه؛ابررركك الساعات والله ، انت تناسبنا والله والله ماني مصدق ضاري انصدم من اسلوبه وعقد حواجيه وهو مبتسم صالح:ههههههههههه لمى اختي الوحيده وتاخذ واحد مثلك عمه حمود الـ. والله شششرف وفخررر ضاري انقهر من اسلوبه:لا وش هالكلام صالح صار يتنفس بسرعه من حماسه:هذا الصدق ضاري سكت شوي وصالح ابتسم:لك لمى ان شاءالله لك ضاري بااستغراب:ماانت مشاورها؟ صالح؛ليش اشاورها ، البنت مالها راي ، رايها عند اخوها الكبير ، بس بشرط ضاري رفع حاجب:وشو؟ صالح:مهرها نسبه من مشروعك اللي انت بادي فيه ومشروعك اللي بتبدا فيه ضاري بصصصدمه يناظر له وصالح ابتسم ضاري:نعمممم؟ صالح:ههههه ماهي شي عند عمك ، ونسيت اقولك تعرف البنات يحبون يكونون عندهم حريه وبيت لهم ، عشان كذا لمى نبي لها بيت بدبي ضاري بضحكه منصصصدم يناظر له صالح:هذي وحيدتنا عاد وياحظك فيها وياحظها فيك ضاري:انت تبيها او تزوجها؟ صالح:هذا مهر اختي ومااتوقع بيسبب لكم شي ضاري يناظر له منصصصصصدم مستحيل هذا اخو وليد وفايز اللي يعرفهم وقام وهمس:هذا بيع مو زواج وتركه ومشششى وصالح قام:فكر ورد لنااا ضاري انقهر من اسسلوبه وطلع بدون مايتكلمممم ومنقهرررررر
---------------
صار يفكر بالموضوع لليوم مرت شششهرين وصالح مو تاركه بحاله ، كره اليوم اللي راح لهم فيه صالح خلاه يندم انه فكر يتزووووج ، ناظر للجوال وهو صامت يرن برقم صالح تنهد بضضضيق ورفع جواله وقفله وحطه بجيبه وطلع من شقتهه ، شروق بهدوء فتحت باب غرفه جواهر شافتها جالسه ع السرير وساكتهه ومن شافت امها صدت بقهر اخذت نفس شروق ومشت لها ونزلت الجوال قدامها وجلست جنبها شروق:خذي جوالك جواهر ماتكلمت ولا تحركت شروق:جواهر ياقلبي انتي ، انتي اللي بقيتي لي بهالدنيا كله مالي غيرك كل شي تبينه ضغطت ع نفسي وجبته لك بس عشان ماتحتاجين احد وش غيرك ليش تغير تفكيرك ووصلتي لمرحله القتل ، كذبت الكل وصدقت كلامك انتي ، مااكنت ابيك تحسين بنقص بحياتك صرت لك ام واب بـ. قاطعتها جواهر:بسسس حسيت بنقص شروق:وش النقصصص اللي خلاك تحبين فايز جواهر ناظرت لامها بقهر:لاتقولين صرتي لي ام واب ، وانا اقولك يمه ابي اطلع تقولين لي اتصلي بفايز اطلعي معه اتصلي بااسامه اطلعي معه ، يمه ابي اتكلم معك تقولين لي روحي للمى تكلمي معها روحي لفايز تكلمي كنتي حاطه كل شي ع فايز واللحين تلوميني ليش حبيته هو اللي صار لي اب واخ صار لي صديق واقرب واحد لي اذا طلعت اطلع معه واتكلم له اخذت نفس ونزلت دمعتها وكملت تتكلم جواهر:يومي صار متعلق فيه انتي متى جيييتني متى؟ فايز صار لي كككككل شي تعرفين شلون كل ششي وبيوم وليله يتزوج ويصير دايم معها يبعد عني يصير يحبها ويبيها اكثر مني اذا احتجته مااحصله اذا ابي اكلمه يناظر لي بنظره استحقار كله بسبب ثريا وفوق هذا تقولين وش غيرك ، ابي يوووومي يرجع مع فايز ، اذا كان فيه ذنب عند الله مو ذنبي ذنبك انتي وفاييييز وقامت وهي تبكي ودخلت الحمام عزكم الله وسكرت الباب بقوه وشروق منصصصدمه من كلامها كل هذا تحسس فيه وماتكلمت لها حسسست جد انها مقصره وش ذنب جواهر اذا اهملتها وخلتها ع فايز ولا انتبهت لها واكيد بتتعلق فيه تنهدت بضضيق وقامت وطلعت من الغرفه وهي تلوم نفسها مليون مره ، ثريا ناظرت له وهو جالس جنبها ويناظر للبحر بهدوء ثريا ابتسمت:وش تفكر فيه فايز لف لها وابتسم واخذ نفس:ماادري افكر شلون بتكون حياتنا الجديده ثريا:قصدك اذا رحنا جده؟ فايز حط يده ع يدها وناظر لعيونها:ايه ، اللي عشناه ببيتنا الكبير بناخذ الحلو منه واي ذكرى شينه بنرميها مانبي نبي نتذكرها ثريا ابتسمت فايز بهمس:زين؟ ثريا بهدوء حركت راسها بـ ايه وفايز رفع يدها وباسها وضحكت بهدوء ثريا
