اهات من محطات حياتي

بارت7

#حنين_حاتم
#اهات_من_محطات_حياتي...#بارت7
#غير_محلل_نشر_القصة_بدون_ذكر_اسمي

بعدني اريد اكلة هاولك شتريد جبتني
جان تطب علينة سلوى فيان من شافهة رأسن كام وسد لباب ورا بعدني اتقرب عليهة اريد اسلم مد راسة فيان جان يكلي نوير صير عاقل ولتتهور ويغمزلي
دروح لاصيحلك ايناس
ههههههه
سلوى جانت ضامة شي ورة ضهرهة

شلونهة سلوتي
زينة حبيبي كل عام وانتة بألف خير
جان تطلع من وراهة قفص زغير بي ارنب ابيض
يبعد العمر كلة وانتي بالف خير
شنو هاذ ولج
هههه ردت اشتريلك شي بس ماكدرت اطلع ماصارت فرصة وهاذ لارنب كلش عزيز علية جابتليا خالتي من نجحت من السادس
جبتة الك لان مايغلة عليك

تقربت علأرنب جانت لازمتة بيدهة
لزمتة وضليت اشم بي
افييييش بيك ريحة سلوى ولك بس لاتنام بحضنهة جنت
هههههه لا اني صح احبة بس شوية اكش من عدة العب ويا من بعيد
همزين
هاذة نثية لو فحل
لا ولد
هههههه
لعد راح اجيبلة نثية وازوجهم
هههه ليش
حتة يخلفون ويصيرن هواي ونضل اني وياج نتاجر بيهن
ههههه
لا والله بس خطية هاذ يضوج لوحدة ميعيش ترة لازم ويا بعد حيوان
ماشي سوي الي يعجبك هوة بعد صار الك

شجابج هنا ولج
اجينا اني وخالتي بحجة تتعرف علة ام فيان خالتي خططت علمود انطيك الهدية

اروح فدوة لخالتج لج هاي تعرف دروب الحب كلهن
هههههه هية هم حبت خطيبهة وهسة راح يتزوجون
اوووف ربي يوم الألنة يمة واشوفج عروستي ولابسة بدلة بيضة ولج هوة انتي بدون لأبيض تضوين

كافي تتحلم يلله خل اروح يم خالتي خاف ام فيان تحس كتلهم رايحة اودي لأرنب البيت وارجع

روحي حبيبي الله وياج وصيحيلي هاذ السليت وياج

راحت واجة فيان كتلة سويلي طريق ورجعت للبيت
اول ماطبيت لكيت لعيطة كابة خالتي وامي
خالتي متريد لرجال المتقدملهة وتكل لامي جبير وماعدة لا راتب لا شي
وامي تخبلت تكللهة يومية مفشلتني وية صديقاتي
نفض النزاع وكلت لامي عوفيهة علة راحتهة هية عاجبهة تموت عانس
خالتي نقهرت من حجايتي بس اني تعمدت احجي هيج لأن لعمر يركض ركض وهية جاي تكبر وتضيع ايام من عمرهة حريمة

طبن لغرفتهن واني هم طبيت لغرفتي
حضرت جدولي وكلبت كتبي شوية ونمت
كعدت لساعة بل5 لكهرباء جانت طافية وكعدت سابح بلعرك
طبيت للحمام سبحت وطلعت صليت ورحت للمطبخ طلعت جبن وسويت جاي اكلت بل6 اجت لكهرباء بعد مومال ارجع انام
بدلت صارت بل7 دزيت رسالة لسلوى كتبتلهة اريد اشوفج من تطلعين للمدرسة بل7 ونص احنة نطلع
ماردت علية
طلعت لكيت ام فيان كلعادة ترش بلباب
كالت طب كعد فيان صارلي ربع ساعة اكعد بي ماكو
طبيت لبيتهم فيان عدة ثنين خوات بس زغيرونات بلأبتدائية فأطب لبيتهم عادي
رحت علثلاجة كبل طلعت بطل مي مجرش شربت منة شوية واخذتة ورحت لغرفة فيان
جان نايم هوة واخو محمد
تقربت علي فرغت لبطل مال لمي بضهرة
طفر من لجرباية ووكع بلكاع يصيح شكو منو شنو
واني ميت من لضحك علة منضرة
جر لريمونت مال لسبلت ضربني بي اجت لضربة بكصتي احس شاغت روحي خليت ايدي عليهة وثاني جسمي بكد ماوجعتني
اجة علية يركض هوة واخو
وخر ايدي من وجهي جانت كلهة دم
ضل يتعذر ويبوس براسي خطية
بهلأثناء طب علي شافني تخبل تولة فيان كفخ يكلة مستسبع علينة وايناس ماسحة بيك الكاع
راح طلعلي كطن وضمدوهة الي ولدوام فاتنة وفاتتني شوفت سلوى
ضلت لضربة تنزف والدم يطلع من ورة الزكة
رجعت للبيت جانن بس نسوان خوالي وخالتي رضية بلبيت كوة قنعتهن فيان ضربني
عبالهن متعارك بلمدرسة وراجع
طبعا خالتي رضية زعلانة مني ومتحجي وياي
مر اليوم عادي لعصر طلعنة رحنة للجم اني والولد
ومن رجعت طلبت من خالي امجد اطلع ويا سبت وجمعة للشغل
طبعا اني متعود بلعطلة اطلع ويا كل سنة
هوة يشتغل سقوف ثانوية
امي ماقبلت بس اني اريد اعتمد علة روحي واريد اشيل عنهة شوية
لمغرب طلعت اخذت موطة وعصاير للبيت وجبت لخالتي ثوب وشال اريد اراضيهة واحبر بخاطرهة
طليت للبيت تلكوني جهال خوالي نطيت كل واحد حاجتة وكلت لامي تصبح لخالتي راحتلهة للغرفة تكللهة ماريد اشوف نوير يتجاوز علية صاير رجال براسي
رحتلهة للغرفة ماقبلت تطببني ومافتحتلي لباب
الي فهمتة من امي هية حييل متأذية من حجايتي وامي ضلت تحجي علية تكلي
انتة جرحتهة وهنتهة مهما يكون تبقة مرية وحساسة حتلو بينكم ميانة
بس من فهمتهة غايتي من هاي الحجاية سكتت وكلتلي اريدك دائما تسمعهة هيج حجي بلكي تقنع
بلله انلام من اسميجن منكر ونكير
ههههه لا والله متنلام تفكير مال دكتاتورين