اهات من محطات حياتي

بارت10

#حنين_حاتم
#اهات_من_محطات_حياتي...#بارت10
#غير_محلل_نشر_القصة_بدون_ذكر_اسمي

جان يكلي اني ماراح احجي راح افتحلك الصوت وانتة اسمع

طلع تلفونة وفتح تسجيل صوت

علي وفيان يحجون ويمهم هوسة كوة افهم حجيهم
علي يكل لفيان اني لازم اكل لنوار بعد مااكدر اصبر احس نفسي جاي اخونة واخون ثقتة بس اني احبهة والله احبهة موبيدي

يرد علي فيان يكلة
بس حاف يزعل وتخرب خوتنة نوار سريع لانفعال وخاف ميفهم عليك ويتسرع بلحكم

سدة وكلي ها اعتقد وصلت لرسالة
انتة نايم ورجليك بالشمس وهاذ الخاين جاي يستغفلك ويلعب من وراك ومسوي روحة زين ويحبك

انتة منين جبت هاذ لحجي
نوار اني ماجبت شي من جبيبي شفتهم بلجم لوحدهم وستغربت بلعادة انتة تكون وياهم
شفتهم يتبسبسون وساعة يعلة صوتهم ساعة ينصة
فتحت تلفوني علتسجيل ودزيتة بيد ولد صديقي فات من يمهم خطف وخلة علكرسي بلة ميحسون
اني عبالي جاي يحجون علية بس كتشفتهم جلاب حتة وية صديق عمرهم

شمرت التلفون علي ورجعت للبيت ميت احس الدنية طلعت من عيني
علي يخوني معقولة ولمصيبة فيان يدري احس كلبي راد يوكف خويي وصديق عمري ومأمنة علة كل اسراري يطعني بضهري

كمت امشي راجع للبيت احس لدنية فترت بية كوة كملت طريقي امشي واتذكرة شلون يضربهة شلون يأذيهة ويسمعهة حجي
معقولة علي يكرهة من جنة جهال شلون يكدر يحبهة
طبيت للبيت نطيت الغراض لأمي وكتلهة اذا اجو علية فيان وعلي كليلهم ميروح تعبان ولتكين باب غرفتي ابد ولتخليهم يطبون علية

ركضت وراي كلتلي يمة خيرك موعوايدك صاير شي
كلشي ماصاير يمة تعبان واريد انام

هاذهو يمة نام نوم العافية

طبيت لغرفتي ارجف مومستوعب الي سمعتة معقولة مفبرك
لا شلون مفبرك صوتهم اني اعرفة
مايوم سميتة صديق طول عمري اكول عنة خويي الي ماجابتة امي
كل اسراي يمة حتة خصوصياتي
اوووووف راسي راسي
ضليت اصيح اجتني امي تركض فتحتلهة لباب

شبيك ماما خيرك
راسي يمة راح ينفجر ماجاي اشوف بعيوني من الوجع

ركضت نطتني بندول وسوتلي جاي وفركتة الي شوية صرت زين

لهناك سمعنة صوت لباب
كتلهة كومي ذولة علي وفيان كليلهم مالة خلك يشوف احد ولتطببيهم فهمتي علية

ماشي ماشي نام هسة انتة خل راسك يصير زين

طلعت امي وخلتني اضرب اخماس بأسداس وحجي علي يدك براسي

شوية وندكت لباب
هاي ادكة اعرفهة
ركضت فتحت لباب
هاولك لعار شلونك بعدك ادبس ماكشفت شوية .