#اهات_من_محطات_حياتي
#بارت..20
#غير_محلل_نشر_القصة_بدون_ذكر_اسمي
#بيج_قصص_عراقية_من_واقعنا
#حنين_حاتم
سلوى بت ابو سرمد
اني كلت هيج وجان كلهة تصيح
شنوووووووو
سلوى بت ابو سرمد يمة نوار صدك تحجي ومنو ينطيكياهة ولك يمة مليون مرة كتلك لاتباوع لبعيد وبعدين ذولة دليم ماينطون للغربة يمة وبناتهم الهم مايطلعن لغريب
امجد: عوفج من هاي ام نوار ذولة من الفلوجة ومن غير طائفة ابني حتة عشيرتهم ميكولون اسمهة مامعروف اصلهم من فصلهم والله لعالم ليش هجو من مدينتهم بليلة ضلمة
محمد : نوار ابني احنة ادرة بمصلحتك ولك وليدي انتة صح عاقل ورزن وعقلك اكبر من عمرك بس مومعناهة نزوجك بهيج عمر
معود احنة تزوجنة 25 سنة اعمارنة وهم عانينة وتبخذلنة لزواج مسؤلية انتة موكدهة لاتورط روحك وتورط امك
هسة تصرف عليك خية باجر عكبة تصيرون نفرين ويصير عدك جهال هم امك تصرف عليك لو تترك دراستك وتروح تستغل عمالة
ميصير هيج وليدي انتة هسة لحب عاميك متعرف تفكر
والله تكبر وتطب جامعة وتضل تضحك علة هاي سوالفك
وبعدين انتة موكدهم ذولة يضربون بلعالي ابني وينك ووينهم
خلصتو
غير سلوى مااتزوج لوبعد ميت سنة وحق امير المؤمنين
والبنية متقدملهة ابن عمهة وهية تريدني وخابرتني تبجي تكلي تعال اخطبني اذا متجون وياي احطبهة اروح اجيب ناس من الجوارين واروح اخطبهة وانتو بكيفكم
لام: واذا مامطونة
احاول مرة وثنين وتلاثة ومية لحد ماينطوني البنية رايدتني واني رايدهة مااعوفهة
شوف نوار راح اخذ خالتك واروح موعن شي بس حتة اثبتلك شنو ردت فعلهم واراويك ان حجينة صح واحنة رايدين مصلحتك
هسة هاذهو يمة روحي ويصير خير
بس موتكعدين من ورة خشمج يمة فدوة ليني وياهم واحجي بلطف لخاطري
ماشي نوير ماشي اريد اشوف وين توصل وياك
بدلت امي هية وخالتي وراحن ضليت كاعد يم علي برة وعيني علباب متانيهن يطلعن ومييت خوف ومتوتر وعلي يهدء بية
سلوى: كاعدين بلغرفة اني ورنى ومتانين بابا ليوم يجي حتة نحاجي علدوام وسمعنة صوت حجي بلهول
طلعت لاكتني امي يم باب لاستقبال كلتلي جيبي عصير من لثلاجة
نطيتة الهة صبتة وكفت يمهة اني مااحجي وياهة زعلانة منهة بس فضولي خلاني احجي
ماما منو اجة
خطار
اي منو يعني
ام نوار واختهة
طلعت من المطبخ ارجف وخايفة حيييييل
يربي دخيلك هدور ماما زعلانة علية شلون هسة الله لايوفقك مصلح منين طلعتلي
أنت تقرأ
اهات من محطات حياتي
Romance.حين ماتت احاسيسي امام عيني وماتت امانيي امام عيني ولفضت حياتي انفاسها الأخيرة امام عيني فأحتضن الصمت حينما ادرك ان مااحاول شرحه لن يفهم مطلقا فأقف حائرا بين الشعور والاشعور بين الشوق والأستغناءفلم اعرف قبلها الا قلبها ولم اعرف بعدها الا بعدها عني
