اهات من محطات حياتي

بارت22

#اهات_من_محطات_حياتي

#بارت..21

#غير_محلل_نشر_القصة_بدون_ذكر_اسمي

#بيج_قصص_عراقية_من_واقعنا

#حنين_حاتم

ماشي بس انتي احجي لتضلين سااكتة كليلهم اريدة 

نوار شلون احجي وهمة  اصلا ماسائليني

اني متانيتك تجيب عمامك حتة بابا يطلع علة حجيكم لان امي متوصلة كلشي وتخرب صورتكم كدامة
يعني امك كالت المهر الي تطلبو ودراسة تكمل وحتلو بيت وحدهة قابلين بس هية متكل لباب هيج ابد

هاذهو حبيبي فهمت عليج

يلله لعد خل اروح

الله وياج

كعدت ثاني يوم صباح الله خير رحت بوجهي لامير المؤمنين بجيت يمة وطلبت سلوى من عدة كتلة يابو لايتام اني واحد من ايتامك ورايدهة نفسي بيهة ساعدني مولاي ماريد انحرم منهة

رجعت للبيت جمعت امي وخوالي وكتلهم اني اريد اجيب عمامي واخذهم لبيت اهل سلوى

صارت هوسة وحجي اشكال خالي امجد تخبل وكللي سنين صارلك عدنة ماسالو عليك ولا وصلو

خالي اني مالي شغل بيهم يسألون ميسألون هاذ شي راجعلهم همة وضميرهم بس اني ابقة ابنهم يعني  غصبا ماعليهم يومفولي بخطوبتي وبعرسي وبلفصل مرجوعي عليهم والضفر مايطلع من الحم

لحجي جان هواي مابين مؤيد ومعارض
ختمت الحديث الي دام  اكثر من ساعة وكتلهم من رخصتكم انتو خوالي وعلة راسي وممنون منكم والعمر كلى ابقة شايل جميلكم بركبتي بس تعرفون لناس من يردون ينطون مرة يسالون علعمام هاذي عاداتنة وتقاليدنة وانتو اكيد راح تجون ويانة
ازامط بيكم اني انتو لاصل ولفصل عمامي جايبهم شكليات لا اكثر والا اقل

خالي محمد قتنع بس خالي امجد اصلا رافض فكرة خطوبتي لسلوى تماما بس من شاف اصراري وشاف امي موافقة ماكدر يحجي

ثاني يوم خابرت علة عمامي كلهم اجوني للبيت بس ماطبو طلعتلهم للباب
طبعا القاء بيهم جان صعب علية حيييل جنت اتمنة مااحتاجهم ولا اذل روحي الهم لان من زغري عرفتهم موضهر ولا سند
بس شسوي مجبور
سلمت عليهم ومشاعري جانت غريبة حييل اهلي بس مو اهلي اعرفهم بس مااعرفهم
مادار بيناتنة اي حديث عدا السلام اني مفهم عمي الجبير علة كلشي بلتلفون وكتلة شنو يحجي ويكللهم
طلعنة من فرعنة ورحنالهم علي وفيان جانو متانيني بلفرع سلمو علية وعرفتهم علة عمامي سلمو عليهم ودكينة لباب

ماانكر لخوف بداخلي ومتملك كل ذرة بجسمي بس احاول اكون طبيعي علة قدر لامكان

فتحلنة لباب سرمد متفاجئ سلمنة وعمي كلة كل للوالد جايينك ضيوف
كال تفضلو ياهلة ورحب