#اهات_من_محطات_حياتي
#بارت..18
#غير_محلل_نشر_القصة_بدون_ذكر_اسمي
#بيج_قصص_عراقية_من_واقعنا
#حنين_حاتم
سلوى هاي انتي وينج ولج
شنو هاذ الحجي شكو شصاير
رأسا بجت
نوار مصلح ابن خالي خطبني وامي كلتلة اني موافقة بس بعد رأي ابوهة
شنووووووووووو
شهلخرط وامج شنو حتة توافق بكيفهة هوة
نوار تصرف ابوس ايدك هسة فتحت الموضوع وية خواني اليوم كلهم اجو ويانة
وكلولهة موافقين احنة وين نلكة احسن من مصلح
لا بلله سلوى شهلحجي هاذ وانتي شلون تسكتين
بعدهم مماخذين رأي وبابا خفر اتاني يجي اذا هم وافق اكلب لدنية واكللهم ماموافقة
بس انتة تعال اخطبني نوار حتة يصير عدي حجة
ماشي حبيبي يجرالج باجر احاجي امي وخوالي واجي بعيوني
بس انتي احجي وكليلهم ماريدة موتضلين ساكتة سمعتي
لا شلون اسكت
يلله خل اروح هاذ تلفون امير اخذتة بلة ميدري لان رنى ماعدهة رصيد لتدك علي ابد
ماشي حبيبي وانتي هم مسحي لمكالمة موتنسين واني باجر ادزلج رصيد علة تلفون رنى
سديتة منهة واني لغضب متملكني
بدي اروحلة بهلحضة للفلوجة وافكس عيونة الي يحطهن عليهة
وبكل جرئة يخطبهة وهية بكد بزرة
اه وكبور اي والله شلون نفسيات
ااااخ الله كون يوكع بيدي الة ازوعة العافية وحق محمد
سديت التلفون منهة وكمت افتر بلغرفة وكلسا اضرب الحايط بيدي لحد ماحسيت وجع موطبيعي بأصبعي السبابة
جان بي دم
ابد مااكدر اعوف هاي لعادة دائما من اعصب هاي ردة فعلي ائذي روحي اكثر من مائذي المقابل
حتة ايدي بيهة اثار لونهن بني قديمات
رياضة الكيك بوكسنج خلتني ادمن هاي الحركة
يووووووو شلون نسيت يلكعبة
باجر عدنة مبارات وية محترف اجنبي هاذة الشي من ضمن التدريب بس من خلالة راح يقيمونة منو الي يصعد للبطولة من فريقنة ضمن الدوري ومنو يستبعدو
لازم جسمي يسترخي اذا ابقة هيج غضبان ممكن ائذي لكدامي ادري بروحي راح اذب غضبي علي
اووووووووف سلوى اوووووف
سلوى: ثاني يوم اجة بابا جان تعبان كبل طب نام كلت من يكعد احاجي
اصلا مصلح جبير اكبر مني ب12 سنة ذاك اليوم جنت اصيحة عمو انشاء الله بابا ميوافق يارب
للعصر يلله فز كام تغدة وكعد بلمطبخ يشرب جاي ويسولف وية ماما
اجيت كعدت يمهم كلسا اريد اكلة ابلع ريك واخنس اخاف من بابا حيييل عصبي وعصبيتة دمار وماعدة لغة حوار ابد شلون راح احاجي ماادري يارب قويني
كلت خل يكمل جاية واحجي
كمل لاستكان وكل لماما صبيلي بعد واحد
شرب 3 واني اباوع علة حلكة وكلسا اريد احجي وابطل
لحد ما هوة كال
سمعتكم تحجون بمصلح اليوم لصبح
أنت تقرأ
اهات من محطات حياتي
Romance.حين ماتت احاسيسي امام عيني وماتت امانيي امام عيني ولفضت حياتي انفاسها الأخيرة امام عيني فأحتضن الصمت حينما ادرك ان مااحاول شرحه لن يفهم مطلقا فأقف حائرا بين الشعور والاشعور بين الشوق والأستغناءفلم اعرف قبلها الا قلبها ولم اعرف بعدها الا بعدها عني
