#اهات_من_محطات_حياتي
#بارت...16
#غير_محلل_نشر_القصة_بدون_ذكر_اسمي
#بيج_قصص_عراقية_من_واقعنا
#حنين_حاتم
طبيت لامي لكيتهة كاعدة كعدت يمهة دست على روحي وتصرفت طبيعي ضليت اسولف وياهة واضحك اريد نفسيتهة شوية تتحسن
اخذناهة اني وخالتي بلكرسي المتحرك فترينة بحديقة المستشفى وطلعتهن يم الاستعلامات شوية شتمت هوة رتاحت
طببتهن جوة وطلعت جبت موطة وكرزات وحلويات كعدنة ناكل وسوالف وضحك
مر سبوع والوضع كما هو
امي بلمستشفى بين يوم ويوم تسوي علاج طبيعي الصبح وخالي بعدة بلسجن والرجال يريد فلوسة وميرضة يتنازل عن لدعوة لرافعهة علي
وخالي مامقصر كاسر خشمة وايدة فصخ وسنونة الاماميات موكع 3 من عدهن
خالي محمد نطة خبر للعشيرة واجتمعو وراحو علة عشيرتهم حجو وياهم وصار تفاوض وكلولنة يتنازلون عن الدعوة وطلبو 10 ملاين يعني فوك الفلوس المتداينهن والفرق فوك كل مليون 400 الف اجتهن اضافة ال10 ملاين مال لكتلة
العشيرة جمعولة 5 ملاين وامي وخالتي ومرت خالي باعن ذهبهن جاب 7 ملاين بس
وخسرن بي هواي خطية بس كالن فدوة الة
دفعولهم العشر ملاين وبقة الحق العام مال الدولة 4 اشهر
يكدر يطلع بكفالة قيمتهة 5 ملاين بس رفض كال خلوهن ذني للدين عاد شوية يفكن عازة
عدة شهر الوضع تمام الرجال بعد ماجاب طاري الفلوس وخالي متفق ويا مدة وكت ويرجعهن الة شي ورة شي
الدوام حييل هملتة قربت امتحانات نصف السنة واني درجاتي كلهة علة كد النجاح
علي وفيان ماعافوني ابد وكل جمعة وخميس يجون وياي نروح لامي يسولفون وياهة ونضحك شوية تتعدل نفسيتهة وتطلع من جو الكئابة الي خلقتة النفسهة
جان يوم خميس وجنت نايم بلكاع يم جرباية امي طبعا همة ميقبلون الة مرافق واحد بس الردهة الي بيهة امي جانت فارغة محد بيهة غيرهة كل الغرف فارغات
فجانو الحرس والأستعلامات يدخلوني بسكوت لان عرفو وضعي وعلاقتي بيهم طيبة
خالتي جانت نايمة بصفي ولمكان ضيك حييل الغرفة زغيرة بحيث رجلية صايرات جوة الجرباية
حسيت شي طخ رجلية رفستة لان جنت حلمان بلأرنب مال سلوى جنت مرات انام وانسا برة القفص وبليل يجي يطب يمي بافراش
سمعت صوت بس مو واعي على روحي
احد صاح نوار
فتحت تك عين لضوة طافي اباوع كبالي واحد واكف
صحت منو هنا سلام قول من رب رحيم
ولك نوير هاي اني ادري شبيكم موتة صارلي ساعة انده بيكم محد تحرك من مكانة
فتحت عيوني عدل مامصدك
يمة هاي انتي
أنت تقرأ
اهات من محطات حياتي
Romance.حين ماتت احاسيسي امام عيني وماتت امانيي امام عيني ولفضت حياتي انفاسها الأخيرة امام عيني فأحتضن الصمت حينما ادرك ان مااحاول شرحه لن يفهم مطلقا فأقف حائرا بين الشعور والاشعور بين الشوق والأستغناءفلم اعرف قبلها الا قلبها ولم اعرف بعدها الا بعدها عني
