#حنين_حاتم
#اهات_من_محطات_حياتي...#بارت8
#غير_محلل_نشر_القصة_بدون_ذكر_اسمي
طبيت للغرفة سلوتي جانت نايمة مدري بعدهة مغمة عليهة
وجهة جان شاخب حييل ومابي حياة ومشكليلهة مغذي بأديهة ثنيناتهن
كعدت يمهة تايه بمعاني وجهة الي ماعرفتة
بي ضربات وكدمات لونهن ازرك وبنفسجي
لزمت ايدهة وابوس بيهة
سلوتي حبيبي يبعد العمر كلة ولج والله مشتاقلج ماناوية تكومين وترجعين للبيت واجيج لصبح اوصلج للمدرسة ماشتاقيتي لهاي لأيام ولج والله مفتقدج حيييل وحياتي متوقفة تماما بعدج حييل اذاني
اريدج والله حبيبي اريدج وتعبان بفراكج
ماردت علية ولا فتحت عيونهة ولا اعتقد اصلا جانت تسمعني ضليت ابوس بيدهة
ولدموع مارحمن بحالي اريد اشوف من لدموع موكادر
شوية وسمعت لباب ندكت دكة سريعة
ركضت طلعت رنى جانت واكفة بلباب كلش بحيث اليطلع مينشاف درت وجهي ورحت من غير جهة بسرعة وكفت بلممر من بعيد عاينت امهة وابوهة وخالتهة وخوانهة جاين عليهة
اوووف وضعهة ماطمني وشوفتهة زادت قلقي وخوفي بدل ماتبرد ناري
رجعت للبيت واني عايف وراي روح وعافية
رجعت جسم خالي من كلشي
غادرت الفلوجة وعيني علة كل شبر بيهة هنا ربت سلوتي وكبرت وعاشت احلة ايامهة الي ماتكدر تنساهن وهواي تحنلهن
هنا ريحة سلوى هنا سلوى فتحت عينهة علدنية ومنا شافت الكون وكتشفتة
عيني جانت علجامة وتتفحص الفلوجة شبر شبر واشوف وجه سلوى بكلشي بيهة
رجعت للبيت منهك وتعبان حييل رأسا طبيت لغرفتي وقفلتهة حطيت راسي علمخدة ونمت نومة عميقة لليل ساعة ب8 كعدت علة صوت لباب تفلش علية
فتحتة وكوة واكف وفاتح عيوني
اول مافتحتة نامو فوكاي فيان وعلي
ها ولك لخاين تطلع بدونة
ها شفت الحب شفتهة
ولعباس مومتحمل حتة روحي لو تحجون عدل لو تراووني عرض جتافكم
تقربو يمي
خيرك نوار شبيك
تعبان علي تعبان حييل
سلوى موزينة ابد شكلهة حييل متغير
خايف عليهة كلش خليت روحي يمهة واجيت
علي: يمعود الله كريم تهون والله تطلع منهة وتصير سوالف واذكرك
فيان: خوية ماطول ماعدهة اي ضرر بجسمهة لتخاف انشاء الله ماكو شي
ضلو يمي يسولفون ويحششون شوية طلعت من ضوجتي لخاطرهم صارلهم شكم يوم داخلين نذار من وراي
ثاني يوم داومنة ومر اليوم عادي
بس مهند جان حييل مركز ويانة واحسة بداخلة شي وناوي علة شي
رجعنة من الدوام بلطريق شترينة موطة واكلنة وكلما نفوت من يم بيت علي وفيان يوكفون كدام الكامرات يعيبون ويتمركصون كدام الكامرات واني بس اضحك مكتفي بمراقبتهم لان مالي خلك كلشي
أنت تقرأ
اهات من محطات حياتي
Romance.حين ماتت احاسيسي امام عيني وماتت امانيي امام عيني ولفضت حياتي انفاسها الأخيرة امام عيني فأحتضن الصمت حينما ادرك ان مااحاول شرحه لن يفهم مطلقا فأقف حائرا بين الشعور والاشعور بين الشوق والأستغناءفلم اعرف قبلها الا قلبها ولم اعرف بعدها الا بعدها عني
