امير و سارة ( باللهجة الجزائرية)

الإستفزاز

راحت تجري للكوزينة و بدات توجد لعشا و تخمم في امير راه كالم واش صرالوا هي غايسة حتى سمعت صوتو : فرغيلي قهوة
فرغتلوا
امير : ما جا حتى واحد سقسى عليا كي مكنتش هنا ؟
سارة : شكون يجي ؟ حتى رانيا و ديتها معاك
امير : ساااااااااااااااارة 😡😡😡( حكم الكأس لي كان في يدو خبطو و خرج )
سارة موراه : . شكون يسقسي عليه par ex ما قتلوا والوا ناض يعيط و يخبط حيوااااااااان😡😡😡 ........ ايييي malgré راهوا مقلق مي يقول اسمي شباب جنم بنيم 😍😍
صونا تيليفون appelle caméra : سلام
دارين : سلام ، راكي فرحانة ليوم❤😀
سارة : ايه امير جا 😁
دارين : كيفاش😑 ، سارة تتقعدي مور واش دارلك ڤاع راكي فرحانة كي شفتيه😡
سارة : واش ندير نعيا نهدر ممبعد كي نشوف وتشو ننسى كلش☹

دارين : عيطي لسارة نسحق صحبتي وين خبيتيها ، كيفاش هذي انت راكي تهدري هكا😑 ! سارة كان معاها و انت فرحتي كي رجع! ، بلا منحكو واش دارلك قبل ما يروح ، و زيد بقالكم 3 شهور و نص و تطلقوا
سارة : منسيتش😒 ، واش ندير ... انا و مفهمتش روحي .... عمبالك راهوا عجبني الحال هكا 😔
دارين : مالا كي مهوش عاجبك يا تجبديه ليك و تخليه يحبك يا تنسيه و تخليه لمولاتو
سارة : واش حبيتي ندير! ، انت مشفتيهش كاش يحبها راح نسيه فيها وقيل !
دارين : هبلتيني سارة خمي فواش قتلك و اذا سحقيتي حاجة عيطيلي 😡..... كوبات

-----------------------------------
من الجهة الاخرى امير راح لشركة و دخل للبيرو تاع وليد
وليد : هربت و خليتلي الخدمة صحيت 😜
امير : و الله لوكان مرحتش مكانش ڤاع علبالي واش كنت قادر ندير ، كان لازم نروح
وليد : نڤسر برك خو ، cv شوية ؟
امير : وي بانلي دورك كلش و الحسابات تستفو في راسي مليح
وليد : واش راح ديرلها ؟
امير : ساهل ... دوك ما ندير والوا راني بعيد عليها غير هذي الحاجة لي تهبلها
وليد : جاو لابوليس يسقسو عليك كي رحت السيد لي ضربتو دخل كوما سمانة باش فطن مي حمد الله هدرت معاه و فهمتو قدرت نفريها 😎
امير : خليه يستهل 😒
وليد : صحا و سارة ! امير : واش بيها سارة ؟
وليد : علاش مقتلهاش وين رحت المرا تقلقت عليك
امير : علاش تقلق عليا ! ديجا منقلهاش 😑
وليد : ما راكش شايف بلي راك تظلم فيها بزاف
امير : هي لي ظلمت روحها نهار كانت قادرة تقول لالا و ماقلتش😠 .... خلينا ، راني رايح للبيرو تاعي مبعد نهدرو --------------------------------

جازت سمانة امير و سارة بداو يهدروا شويا هو مراهش يعيط كيما كان مام هي والفت عقليتو
ناض صباح صابها موجدا القهوة : تحبي ديري سبور في لاصال ديري متزديش تخرجي برا هكا 😉(على حوايج لي دير بيهم سبور)
سارة : علاش ؟
امير : خطرش انت مرتي و الناس تهدر متزديش تخرجي هكا و خلاص ، معجبتكش هدرتي نجبدوا العقد و نطلقوا
سارة : ما نيش رايحة نزيد ندير
امير : ملييح
جا رايح رجع : ايه و متزديش تلبسي هكا في الدار لبسي جبة عريضة كيما انت كيما الناس
سارة : كيفاش 😶 راني لابسة نورمال سروال و تريكو
امير : لبسي جبة كي نجي لدار نحب نشوفك بجبة عريضة متزديش تلبسي هكا
خزرت فيه سارة 😡: معنديش جبة
امير : عندك 5 دقائق في يدك لبسي وراني نسنى فيك لتحت ،،،،،، راح
سارة : وين نروح معاه هذا دورك 😡😡
لبست سروال جين و تريكو بيض و ڤاست كحلة و بسكات بيضة و حبطت ليه جاية تركب ميزها من الفوق للتحت : وين نروحو
امير : ---------
طريق كامل هو ساكت لحق لواحد لحانوت يبيع حوايج نسا حبس الطوموبيل قداموا جات تحبط خزر فيه : انت ريحي هنا دوك نجي😒
راح واحد العشر دقايق رجع و في يدو ساشي عطاه لسارة
سارة : وشنو هذا ؟
امير : هكا نحبك تلبسي في الدار
حلت ساشي لقات 10 جبات لطاي كبيرة عليها en plus جايين تاع عجايز
سارة : هاذو ماشي style تاعي كامل
ضحك امير المرة لولا لي يضحك :😂😂 مي انا هذا هو style تاعي و هكا تلبسي في الدار
سارة : مي انا لي راح نلبس😑
قاطعها امير : تلبسيهم و لا نجبد العقد 😉
سارة خزرت فيه😡 : نلبسهم
امير bien ، شفتي شحال مليح كي تصنتي
لحقها لدار و هو راح للخدمة.