امير و سارة ( باللهجة الجزائرية)

العودة للجزائر

لحقوا لدار طريق كامل هوما سكاتين طلعوا لبيتهم دخلوا و سارة خبطت الباب امير محبش يهدر معاها شافها مقلقا و لوكان يهدر تزيد تتخلط الحالة خافها ما ترجعش معاه ، شافتو سارة ينحي في لڤاست تاعو نحى l papillonو زاد بدا يحل لقفالي
سارة : ماراح تقول والوا 😡
امير : واش نقول سارة
سارة : ضربت راجل لي تربا معايا خويا و بستني !
امير ( يحكي كالم ) : الحاجة الاول ماهوش خوك شفتو كاش يخزر فيك و الحاجة الثانية متكبريهاش خاطرش مام انت عجبك الحال
سارة : عجبني الحااال ! 😳😡
امير : ايه جاوبتي معايا
سارة حلت فمها تاع مخلوعة من واش سمعت
امير : سارة خلي غدوة نهدروا انت راكي مقلقا و انا ثاني خلي غدوة و نڤسروا ملييح
سارة : منسكتش نهدر اليوم 😡😡
امير : اهدري و انا نسكتك
سارة : واحد ما يقدر يسكتني😡
امير : مقبيل سكتك اذا راكي شافيا 😉😈
سارة خزرت فيه و حبطت عينها و راحت ديراكت لدوش غلقت الباب خزرت في المرايا و تحكي مع روحها : واش ندير معاه هذا دوكا ..... اووووف مقدرتلووووش 😡😡
دوشت خرجت صابتو يسنى يدخل هي خرجت و هو دخل راحت تكسلت ترقد شويا و خرج هو رقد ثاني
--------------------------------------
حل عينيه صباح صابها موجدا روحها
امير : وين بيها ؟
سارة : راح نطل على كيفنج
جا يهدر قاطعاتو : و من اليوم ما نزيد نهدر معاك ما تزيد تهدر معايا راني راجعة معاك برك على جال لاميا بقى سمانة لعرسها و مانيش حابة نفسدهولها
ناض امير مبلاصتو و بدا يقرب ليها 😳 مي هي مرجعتش للور هذي الخطرة
امير : أوكي منهدرش معاك كيما تحبي مي ask نتي راح تقدري متهدريش معايا 😉😈😛
خزرت فيه سارة : و علاش حتى منقدرش ( و هيا شدا روحها بسيف كي كان قريب ليها هكاك مي محبتش تبين )
امير : شوفي انتي 😛
بعد عليها : ارواحي قبل 4 كاين طيارة باش نرجعو
ممبعد هي خرجت و هو بدا يضحك

*** فلاش باك *****
لبارح كمل تدواش جا خارج يسمع سارة تحكي في التيليفون مع دارين و تقولها : جنم يااا شفتي كيفاش غار كي شافني نشطح مع كيفنج ... خلاص دوك تشوفي نهبلو نوريلوا سارة واش تكون
***فلاش اند***
--------------------------------------
سارة خرجت من الدار و دارين دخلت مورها فتحت عليها الخادمة
دارين : سارة راهي هنا
الخدامة : لالا خرجت
في هذاك الوقت جا الجد سلمت عليه دارين
الجد : كيفاش راه كيفنج
دارين :.منارڤي ، لوكان مهدرتش مع عمو هالوك ( بابات كيفنج ) لوكان راهم شتكاو
حبط امير لقى دارين قاعد مع الجد في الصالون
الجد : انا نوض عندي خدمة
هو ناض و امير جا خارج
دارين : امير معليش جي تريح نهدروا دقيقة😁
قعد امير : انعم
دارين : كنت جايا نسبك لوكان ماشي حاجة راهي مانعتني منقدرش نقولك واشنو هي سارة تقتلني
امير خزر فيها و قالها : كيفاش ! 😒
دارين : مي نقولك عجبتني البارح كاش ضربتو كنت غير نتفرج و الله لقطة كيما هذي كنت نشوفها غير في لفيلم ❤
و امير غير يسمع معرفش ڤاع باش تبلى 😳😳
دارين : معليش نسقسيك ؟
دارلها امير برأسوا ايه
دارين : واش درت البارح حنا نسموه غيرة .... و الغيرة متكونش بلا حب ... تحب سارة ؟
امير 😂😂 : معليش نسقيك انا دوكا
دارين : ايه !
امير : نتوما ڤاع هكا مهابل
دارين : شكون حنا
امير : انت وسارة
دارين ( تحكي بنيتها ) : ايييه تأمن لوكان نقولك مالف يقولولنا الناس😍 مي بقينا حايرين اذا هي لي عداتني و لا انا لي عديتها
امير بدا يضحك مخلوع : ربي يعونو لي يديك تهدري بسلامتك ( هدرها بالدزيرية ) 😂😂
دارين : انعم
امير :.والوا كملي
دارين : كي قاتلي سارة من الاول راح نتزوج محبيتش psk هي ماكنتش حابة و محبيتش سارة تتزوج هكا ......... اه و واش درتلها مور الزواج باش نقولك ميليقش كامل عليك حرام عليك😡😡
-------------------------------
في داك الوقت الجد كان في الطونوبيل عيط لسارة : الوو بنتي دارين جات تحوس عليك بلاك راهي مسحقاتك عيطيلها
سارة : وين راهي دوكا ؟
الجد : خليتها في الدار مع امير
سارة : علاش خليتها وحدها معاه 😳😳
الجد : كيفاش
سارة : والوا دوك نروح ليها
كوبات و بدات تحكي مع روحها ( ليوم تحرڤني يا ربي ما تقولوا والوا ) 😨😨
------------------------------------
نعاودوا نرجعو لدارين و امير
دارين : سارة جامي كانت في علاقة مع واحد ..... شوف نجيك ملخر منيش حابا صحبتي تبكي و تتعذب 😉
امير : صح غلطت معاها بكري مي دوكا راني نادم و ندير لپوسيبل باش ما نشوفش دمعة من عينها
دارين : بلاك تبانلك هكا مي هي عانت بزاف في حياتها لوكان ماجتش عندها شخصية قوية لوكان راهي طاحت عندها شحال ملي ماتت يماه ممبعد حكاية باباه و جدها انت تعرفو كاش داير
امير فاق لدارين بلي تزرع كلش حاب يستغل الفرصة : باباها !
دارين : ايه كي ماتت يماها باباها زوج ممبعد عيط لجدكم قالوا ديها مانيش حاب نخليها عندي تحرمت من باباها و هو عايش 😩😠
امير جا يزيد يسقسي حتى دخلت سارة
سارة : دااااارين 😳😳، كملوا علاش سكتوا ؟
امير : جيتي بكري
سارة : نوجدو حوايجنا و نروحو هذاك هوا
دارين : شريتي حوايج ؟
سارة : مشريتش راحت نشوف كيفنج ( خزرت فيها باش تفهم )
دارين : اييييه تفكرت رحتي عند كيفنج
امير : انا نطلع نخليكم تڤسروا
طلع و سارة قعدت و قابلت دارين : قولي الصح واش قلتيلوا
دارين : والوا سقسيتو برك اذا يحبك
سارة : وشنوو ووو
دارين : اااااه مي مجوبنيش و نسيت أوووف 😩😯
جات نايضا حكمتها سارة من يدها قعدتها : وين راكي رايحة ؟
دارين : نقولو يجاوبني
سارة : ايه خطرش هو حابس راح يقلك ايه نحبها روحي قوليلها
دارين : أوووف .... مي باينة يحبك ... على حساب الغيرة تاع البارح
سارة : ايه البارح غار .... اليوم قتلوا راني رايحا عند كيفنج مدار والوا كيشغول راني نحكي مع حطبة .....😡😡 ايه كي قولنا كيفنج راهوا مليح شويا مزالوا زعفان عليا
دارين : تعرفيه دوك يتنحالوا زعاف😉
سارة : انا نوض باش نروح هذاك هو الوقت
دارين : انا نوصلكم للمطار
وجدو كلش و لحقوا للمطار عنقت دارين سارة
دارين : راح نتوحشك عاودوا ارواحوا 😢
سارة : نجي مام انا نتوحشك 😢😢
امير واقف حتى يشوف دارين جايا ليه تعانقو 😳و قاتلوا في وذنو ( تهلا فيها و لا انا نجي و نقتلك )
المهم كملوا و ركبوا في الطيارة و رجعوا لدزاير.....