امير و سارة ( باللهجة الجزائرية)

بداية الغيرة

واحد الخطرة سارة كانت راح توجد الفطور حتى صونا تيليفون تاعها لقات امير رفدت : ألو !
امير : اسمعي ما طيبي والوا دوك نجي
و كوبا سارة تقلقت واش بيه هذا ماشي من عوايدو خافت و قاعدا تدعي ربي يستر و ما يكون غير الخير بعثت هذيك لمرا لي طيب معاها و قاعد تسنى فيه يجي شويا و سمعت صوت الباب راحت تجري للباب شافتو دخل و جات معاه رانية
سارة واقفة هكاك جازو عليها مقيموهاش 😒، غمضت عينيها  تنهدت و قالت في قلبها ياربي اعطيني الصبر ، راحت موراهم شافتهم دخلوا للكوزينة تبعتهم : نقدر نعرف واش كاين ؟
جات رانية تهدر قاطعها امير : متهدريش معاها مكان ما دخلها 😑
سارة : كيفاش مكان ما دخلني هذي ! 😡
امير ( يعيط ) : ايه ما دخلك راكي تشوفي هاذ الدار و كلش تسال فيه هي ( على رانية ) انت زيادا هنا مدخلك في حاجة متخصكش😡😡
رانية ( بدات دمع ) : خلاص امير مام هي راهي ساكنة هنا و تسال في هذي الدار 😢
امير : الخماج ميسالش في داري
خزرت فيه سارة 😡( الخزر تاعها ) و راحت لبست لاڤاست تاعها و سباطها خبطت الباب و خرجت
دار امير لرانية لقاها تبكي قدم ليها مسحلها دموعها و بدا يحكي بالحنان تقول ماشي هو لي كان كيما الوحش يعيط مع سارة : و دوكا علاش راكي تبكي ؟ 😕
رانية : مكنتش حاب نديرلك مشاكل ، خلي كي تطلق منها و نطيبلك واش تحب 😢
امير : واش من مشاكل رانية متهبلينيش ، و زيد حبيت نأكل من تحت يدك اليوم كاش واحد دخلوا
رانية : لالا بصح😢
قاطعها امير : مكاش بصح واش نطيبوا
رانية : بصح علاه كانت لابسة هكاك
امير : كيفاش ؟🤔
رانية : كانت لابسة جين و تريكو متلبسش جبب كيما حنا نلبسو ؟☹
امير : ههههههه غرت منها ؟😂
رانية : منحبهاش تلبس هكا قدامك و زيد هيا شابة بزاف ☹😕
امير : خلاص عمري تعرفيني نشوف وحد من غيرك 😂! تلبس واش تحب مدخلنيش فيها انا منحملهاش لوكان مقبلتش بهذا الزواج ما رناش هكا درك 😑
تبسمت رانية : واش نطيبلك🙂 ؟؟.....
________________________
قعدت سارة في كرسي مقابلة لبحر ( كل ما متكونش
مليحا تروح لبحر تحبو بزاف ) و تبكي و تخمم يا تطلق منو و تنسى فكرة المشفى يا تبقى معاه و تحمل الذل باش توصل وين راهي حابة هي هكاك حتى صونا تيليفون تاعها رفدت : ألوو 😢
دارين : سارة واش كاين علاش راكي تبكي 😨
سارة : خلاص كرهت😢😢 ..... منيش حاملة 😢... المعيشة معاه ماشي ساهلة حتى السب منقدرش نسبو في وجهو نسبو غير في قلبي 😡😢
دارين : دوك راكي تبكي كي متقدريش تسبية ! 😲
سارة : ايه ، نكره كي بسيف عليا نحمل ڤاع واش يقول بلا ما نقدر نجاوبو 😡
دارين : خلاص متبكيش كملي 6 شهور هذو و نجي انا وياك و نسبوه كيف كيف ❤
سارة : ههههه ميفهمش التركي
دارين : معليش انت تعلميني نسب اللغة لي يفهمها
سارة : ان شاء الله ، هذا واش راني حابة لوكان نسبو ڨاع حياتي منكرهش
دارين : ايه هكا انا نعرف سارة ماشي ساهل يبكوها مسحي دموعك و حكيلي واش صر ؟
حكاتلها سارة كلش
دارين : و هذي علاش جات 😒
سارة : وين علابالي انا😡 ، قاعدا دمع زعمة جيا من هذوك لبنات لي يتمسكنو 😑😡
دارين : واش راكي تغيري عليه وقيلا 🤔
سارة : انا نغير على هذاك الحطبة مريضة انت😑
دارين : اسمعي مليح سارة بالكِ تخمي فيه هذا ما هوش تاعك مانيش حابا تتعذبي 😠
سارة : حبسي هذي الهدرة😡
دارين : سكتي نعرف خير منك ، سارة انت جامي حبيتي و ماشي هذا هو لبنادم لي تحبيه راكي تغلطي
سارة : راكي غير تخلطي مكاش منها هذ الهدرة انا عندي حاجة حابة نوصللها من غير هذا نحس غير بالكره من جيهتو 😡
دارين : ايه الكره يولد الحب
سارة : دارين حبسي جياحا تاعك طاح الليل هنا انا نرجع لدار يكون خرج باش يرجعها لدارها
دارين : خلاص مالا ، كي تلحقي اذا قدرتي عيطيلي 😘
ركبت سارة و رجعت لدار ما لقات حتى واحد دخلت لبيتها بدلت و تكسلت في بلاصتها تخمم حتى سمعت الباب خبط باين جا هو
جازت سمانة سارة كامل متهدرش معاه و هو ملقاش على واش يعيط و ولاو ميتلقاوش بزاف..