امير و سارة ( باللهجة الجزائرية)

الغيرة الواعرة

ناض الصباح صابها وجدتلو القهوة شربها و طل عليها في الكوزينة : وجدي روحك نجي نصيبك واجدا ( بالتشناف )
دارت ليه : نروح 😮😁😄😄
امير : ايه رحمي على يما جزتي على وجها
سارة : أااي خلاص كي جي تصيبني واجدا 😁👏🏿💃
خرج مشنف و يحكي في قلبو ( اوااه هذي ماهيش صحيحة ) هي خملت ممنبعد جات عندها لاميا
لاميا : واش متروحيش عند الحفافة راح الحال ، تعرفي امير يجي ميحبش يسنا يهبلنا
سارة : لالا مانيش رايحة نمشط وحدي دوك 2 سوايع نكون واجدة
لاميا : خلاص انا مشطت نلبس و انت وجدي روحك قبل ما يجي يعيط تعيشي
رحت سارة لبست غوب حمرا قصيرة جاتها تهبل و شعرها دارتو بوكلي و دارت ماكياج بانو عينيها ملييح خرجت تاع الصح بوبيا ، جا امير حلت عليه لاميا سلمت عليه راح لبس و سڤم روحو مليح خرج يهبل هو ثاني
امير : واش مزال ما كملتوا ؟
لاميا : خلاص نورمالمون انا راني واجدا ( و بدات تعيط ) سارة سارة
خرجت سارة كي شافوها حلو فمهم في زوج تقولها ماشي تاع الصح كاملة من كلش ❤
سارة : خلاص كملت
لاميا : شحاااال راكي شابة الله يبارك عليك😍😍 ، لازم نرقولك اليوم و لا يعينوك 😍😜
سارة حشمت حبطت رأسها ☺ و امير مازالوا غايس فيها
لاميا : خلاص نروحو ... امير .. امير
تنبه امير مع روحو : ايه نروحو راه الوقت
سارة : أيا 🙂
امير : أووووو وين أيا
سارة : ماشي قلت نروحوا ؟
امير : ايه تروحي هكا ؟
سارة : و كيفاش نروح مالا
امير : لبسي حجاب كيما تاع لاميا ، ما تروحيش هكا
سارة : مي انا ماشي دايرة حجاب
امير : معليش ليوم تروحي بيه
لاميا : امير طفلة معندهاش حجاب و راح الحال علينا ماشي نروحو معهم نجيبوا لعروسة
امير : ما دخليش روحك ( بالعياط )😡😡 ريحو هنا و دوك نجي
راح واحد الساعة و رجع جابلها حجاب و رماهولها : هاكِ لبسي
لبساتو سارة و راحوا لاصال لخطرش راح الحال طريق كامل و هوما ساكتين غير لاميا تهدر كي لحقو لحقوا مع لعروسة هذاك وين جات الحالة مخلطة و الزراناجية مڤلبينها جاو حابطين
امير : صبروا شوية متحبطوش دوكا
سارة : وقتاش تحبطوا كي يخلاص العرس 😠
خزر فيها : ساااااارة 😡😡( بالعياط)
لاميا خافت خوها ينوض يعيط تعرفوا منارڤي و قالت : خلاص سارة 10 دقايق و نحبطوا
امير : ديجا متحبطيش هكا مسح هذاك لي راهو في فمك
سارة : نمسحوا ! 😑
امير : اييييه مسحيه و زيدي تاع عينيك ثاني ممبعد حبطي
سارة ثاني تقلقت : راني جاية لعرس ولا لجنازة 😡😡
لاميا قعدا غير ساكتة خافت بعثت مساج ليماه باش جي ليهم
اميير : متهدريش بزاف مسحي و بلعي ، و لا نرجعك لدار قسما بالله ماركي حاضرتها 😡
سارة : ما نمسح والوا انا ، تحب نرجعوا نرجعوا جبتني و كرهتلي حياتي 😠😡
امير : هكااا ، لاميا حبطي 😡
حبطت لاميا و جا يشعل الطونوبيل باش يروحو قاطعتلوا ياسمين طبطبتلوا في الكارو حبطوا
ياسمين : وين بيها ، سارة علاش محبطتيش ؟
امير : ماهيش جاية 😒
ياسمين : علاش يا وليدي ڤاع راهم يسقسوا عليها حبوا يشوفوها خليها تحبط في وجهي
امير : تمسح واش راهي دايرا في وجها و تحبط
ياسمين : علاش ، كيفاش هذا راهي جاية للعرس نورمال
امير : انا هدرت واش عندي😠
وسارة ساكتة خلاص تقلقت همست لاميا ليماه : ماما وليدك هبل راهوا يحوس على المشاكل هبلها الطفلة مسكينة😒
ياسمين ؛ خلاص حبط خليني نهدر معاها
حبط و طلعت ياسمين في بلاصتو
ياسمين : يا بنتي هو راه راسو يابس و انت راكي كثر منو ساعفيه شويا ، راه كي شافك شابة بزاف غار عليك هذا مكان وليدي و نعرفوا
سارة تهدر في قلبها باين الغيرة لي قتلاتو 😏
ياسمين : امسحي بنتي قيس ما يسكت و كي تدخلي عاودي ديري يا بنتي شوفي لوجهي زيد بزياد انت شابة بالمكياج و بلا مكياج
مسحت المكياج و جات حابطا عيطلها : متخرجيش من لاصال حتى نعيطلك ( مشنف )
راحت مجاوبتوش كانت تشوف فيه زوج دخلت عاودت دارت مكياج خفيف و شطحت ڤلبتها نساتو كامل تعرفت على فاميلتو عجبتهم كامل و فايت 5 نسا جاو خطبوها من عند ياسمين يحسبوها يماها .... المهم قرب يخلاص العرس عيطلها في التيليفون قالها خرجي
مسحت وجها و لبست خرجت طريق كامل واحد فيهم ما هدر
ياسمين : وين راهي سارة، عروسة عفاف حبت تشوفها
رحاب : عيطلها امير خرجت تجري
ياسمين : واش بيه
رحاب : تعرفيه ماما داها قبل ما تلبس العروسة لغوب بلونش و تتخلط الحالة ، امير ميتبدلش 😏
ياسمين اصبري نعيطلوا نهبلوا شويا قيس ما هبل بنت الناس مسكينة مخلاهاش تتهنى بالخرجة
عيطتلوا رفد عليها
امير : وي يما
ياسمين : وين راكم متقوليش رحتوا
امير : ايه خلاص هذاك هو
ياسمين : بوووه واش نقول لمرا دوكا هذي 6 لي خطبتني في سارة محبتش تأمن بلي مرت وليدي قاتلي جيبيها نشوفها
امير : قولها راحت😒 ( بالتشناف ) و كوبا
رحاب : ماما علاش هكا دوك يدور على سارة
ياسمين : خليه يحس بقيمتها ، واش بيه هذا .
لحقو لدار كل واحد وين راح
------------------------
قعد في بيتوا يخبط و يرمي مفهمش علاش معجبتوش الهدرة لي سمعها مور ما تكالما شوية خرج رايح يدوش جا داخل و سارة خارجة بسوغ تيدبان غوز قصير كي شافتو قدامها ساااااغت
امير قاعد يشوف معاها ❣
سارة محبطا راسها : سمحلي نجوز
بعد خلاها جوز و قعد يتبع فيها بعينيه حتى دخلت لبيتها حك راسو و دخل يدوش.....