امير و سارة ( باللهجة الجزائرية)

الرجوع الى تركيا

امير خرج من الدار ركب في الطونوبيل و شعل لغنا افووو و طار ( la vitesse ) من الفرحة راح لبلاصا فارغة بدا يعيط ممبعد قعد يخمم و يتفكر ( علابيها كي نقرب ليها يصرالها هكاك...)
المهم لحق الليل سارة بدات تخمل في حوايجها لي تدي دخل امير طل عليها
امير : واش راكي ديري ( يهدر و يتبسم ) 🙂
سارة : راني نطم حوايجي
امير : وقتاش الطيارة تاعك 🙂
سارة توسوست كي شافتو يتبسم : على العشرة
امير : وشحال تقعدي ؟ 🙂
سارة : يومين ....
امير : البسي روح نبدل حوايجي و نروحو تنعشاو برا
راح لبيتو يلبس حتى شاف سارة تعيط دخلت عندو الشومبرة و غلقت الباب و تكات عليه
امير : سارة واش كاين 😵
سارة : راهو جاي راهوا جاي راهو يجري مورايا 😖🤢😨😨😱
امير : شكون ؟ سارة بلاكي من الباب خليني نشوف شكون 😡😯
سارة : لالا لالا لالا لوكان تحل الباب يدخل 😱😱
حكمها بيديه من وجها : راني هنا معاك متخفيش خليني نشوف
سارة : لالا يدخل 😨
امير : شكون
سارة : ڤرلو
امير : ڤرلو ! 😯
سارة : ايه راهو في بيتي
امير :😂😂😂😂 دقيقة هذا لي راه برا و راهو جاي و راهو يجري موراك 😂😂😂ڤرلو !😂😂😂
سارة : ايه😨 .... علاش راك تضحك عندي فوبيا منهم 😡
امير : بلاكي خليني نروح نخرجو و لا يأكلك 😂😜
سارة : لوكان نحل الباب يدخل 😨
امير : نقتلو اذا دخل😜 بلاكي يالموصيبة خليني نخرج 😂
سارة : لالا نخاف
قرب ليها امير حتى خبط ظهرها في الباب و بدات تحس بالنفس تاعو : تحبي نباتو هنا نباتو معنديش مشكل انا ❤😈
قعدا غايسا في عينيه كبار و ديك التبسيمة حست قلبها راح يخرج من بلاصتو حلت الباب و بعدت تجري و هو غير يضحك
امير : وين راه هذا الڤرلو😂😂
سارة : راه عند الباب
راح خرجو و جا : راني خرجت ها ريحتي
سارة : ايه ..... بصح معليش تبركا ما تضحك😡
امير : نوضي نروحو
سارة : لالا مانيش حابة راني عيانة نروح نرقد تصبح بخير
امير : تصبحي بخير
راحت و عاودت رجعت طلت عليه من الباب : توصلني غدوة للمطار
امير : وي ان شاء الله😂
خرجت راسها و غلقت الباب
----------------------------
طلع النهار سارة ناضت بكري توجد في روحها ناض امير وجد روحو و خرج صابها تجري
امير : ايااا سارة راح الحال تروح عليك الطيارة...... مزال !
حبطت تجري و ركبت معاه في الطريق
سارة : راني فرحااانة راح نتلقا مع mes amis توحشتهم كامل
امير : ملييييح ....... سارة و باباك مسمعتكش ڤاع تهدري عليه
سارة : بلاك psk منحبش نهدر عليه 😒 ( بالتشناف )
امير : عايش في اسبانيا هو ماشي في الترك ؟
سارة : ايه ( تمتم ) يعيش في جهنم اذا حب 😒
امير : انعم !
سارة : والوا امير مانيش حاب نهدر عليه 😡
امير : أوكي خلاص ماتتقلقيش
لحقوا للمطار ريڤلات كلش و ودعت امير و ركبت في الطيارة قعدت قدام التاقة و قعدا طل حتى تسمع واحد يقلها : مادام لبلاص لي قدامك فارغة
دارت : امييير !
قعد قدامها
سارة : واش راك دير
امير : نخليك تروحي وحدك 😁
سارة : 😄😄😄😄

----------------------------------
لحقوا صابوا طوموبيل بعثها جدهم وصلهم للقصر تاعو لقاوه عند الباب ستقبلهم
سارة : راني حابة نروح نشوفو
الجد : خلي بدلي تحبو تريحو و روحو حوسو شويا تلقاي مع صحباتك
سارة شافت في امير
امير : وين نروحو ؟
سارة : نعيط لدارين و نخرجو
عيطت لدارين و تفاهمو يتلقاو في كافيتريا راحو لقاؤها تسنى فيهم تعانقو و تنادبوا
سارة : امير هذا..... امير هذي درين
دارين : ما شاء الله 😳
دربتها سارة
دارين : هذا هو امير (هدرت معاه بانجليزية )
امير حاير فيها : نروح نغسل يديا ونجي
سارة : هبلتي 😡
دارين : شباب بومبا ديفو ما عندو ❤
سارة : قولي الله يبارك .... بلاكي كاش ما تزلقي قدامو نعرفك و الله نقتلك 😡
دارين : مانقولش بصح نحاسبو على واش دير فيك 😑
سارة : اوووش راه جاي
جا قعد
سارة : عيطي لسافاش و كيفنج ( des amis تاعهم كيفنج يحب سارة )
عيطولهم جاو قعدوا معهم déjà امير كي شافها ناضت سلمت عليهم و عنقتهم معجبوش الحال قعدين مڤسرين
سافاش : كرهنا بلا بيك وين نروح تخصينا
كيفنج : واش بطلتي الموطو
سارة : لالا تفسدتلي و محبتش تسڤم كي نولي نشري وحدا
كيفنج : صاحبي راهو يبيع فيهم كي جي نروح ليه و نعاودوا وحدا من تاع بكري ( غمزلها )
امير : واش تعودوا 😑😒
سارة : كنا انا و كيفنج نروحو في واحد لبلاصا نديرو لاكوغس تاع الموطوات
دارين : كنتي دايمن تربحيهم
سافاش : ايه واحد ماكان يديهالك
سارة : كيفنج ربح خطرا
كيفنج : هههههه تحبي نروح نشوفو دوكا انا و انت برك ! 😉
امير خلاص بدا شد روحو بسيف لوكان مهدرتش سارة كان راح يقلب الطابلة : لالا ماشي ليوم راني رايح ندور شوية انا و امير ......... غدوة الافتتاح بالكو تنساو موراه جدي راه داير حفلة ارواحو سلمت عليهم و راحوا هوما يمشوا و امير ساكت الزبل (حاشكم ) كان طالعلوا لرأس
سارة : هذو هوما لي تربيت معاهم كثر من خاوتي
امير : بصح ماهمش خاوتك😒😒
سارة : امير واش بيك ؟
امير : علاش تسلمي عليهم و تعنقيهم هكاك !؟
سارة : كيفاش ؟
امير : كي نروح لدار نهدرو ...... اه و هذاك كيفنج معجبنيش كامل 😑
سارة : 😳😑😯
راحو حوسو مليح امير راحلو شويا القلق مي بقى مشنف....