امير و سارة ( باللهجة الجزائرية)

اعتراف امير

خرجو من لاصال صابهم ڤاع خارجين سارة راحت تجري ركبت في الطونوبيل تاع امير باش ما يشوفهاش باباها و لا تشوفو ممبعد جا امير و ركب و جاب زوج بنات خالتو باش يركب معاه شافتهم جايين معاه و يهدرو و يضحكو غارت مي محبتش تبين المهم دارو كورتاج و ڤلبوها بالغنا و الكلاكسون سارة نحات شويا الغما لي كانت في قلبها لحقوا لدار امير قال لسارة طلعي للبيت
طلعت بدلت حوايجها نحات المكياج شويا و جا امير دخل
سارة : وين راه ( على باباها )
امير : راه بايت هنا
راح دخل امير دوش و خرج راح قعد معاها فوق البونك
سارة : سما غدوة نشوفو ؟
امير : لالا تشوفيه كي تحبي déjà بلاك غدوة يروح
سارة : عمو احمد قالوا يجي ؟
امير : لالا انا ، عيطلي يسقسي عليك قلت بلاك راكي حابا تشوفيه مي كي ماحبيتيش ماشي بسيف
سارة ( تغرغرو عينيها بالدموع ) : ه😏 يسقسي عليا ، نهار كنت مسحقا يسقسي عليا ما سقساش و دوك زعما جا
امير : سارة علاش قلتيلي على جالو ماتت ماما ؟ دارين قاتلي..
قاطعاتو سارة : ما حكيت لحتى واحد حتى جدي و معلبالوش ، كي كنت صغيرة مانيش شافيا مليح ماما كانت مريضة واحد المرض تاع القلب😢 و بابا كي سمع هكذاك دار مرا يخدع في ماما  لي راه مزوجها دوكا😢 قالولو بلي لازم متسمع حتى حاجة متحبهاش و لا قلبها يحبس و تموت
و كي فاقتلوا راه مع وحدوخرا....😢😢😢 ( مكملتش طرطقت بالبكا )
حكمها امير من يدها و مسحلها دموعها : خلاص اذا ماركيش قادرة تحكي ما تحكيش
سارة : مور ما ماتت ماما جاب هذيك و تزوج بيها قاتلو مانيش حابا تخلي حتى حاجة تفكرك فيها و هو رماني عند جدي حرمني من ماما و زاد حرمني منو راحو في زوج و خلاوني 😢.... ( تنهدت ) من تما والفت كامل يروحو و يخلوني😢
امير : بصح انا جامي راح نخليك
سارة : امير برك تعيش ، انت ثاني راح تروح عندك رانية تحبها
امير : مانحبهاش سارة😑 .... نحبك انت❤
سارة : 😳😳😳
امير : خلاص منقدرش نعيش بلا بيك ، مهدرتيش معايا يومين حسيتهم 100 سنة ، وليت نحب كل حاجة تاعك ريحتك مشيتك هبالك كاش تهدري كاش تتلفلك كي نقرب ليك حتى ديك الخزرة لي تخزري بيها كي تكوني مقلقة  نعشق فيها 😍😍
سارة غير تسمع و ماشي مأمنة😳😳 دموعها يطيحو و قلبها ماشي واسعها من الفرحة هو يحكي حتى يشوف فيها تقرص في روحها
امير : واش راكي ديري ؟ 😧
سارة : صح هاذي مانيش نوم
ناضت قدامو و بدات تدور في الشومبرة تتفكر كيفاش دارلها على جال رانية
امير يضحك عليها : واش راكي ديري يالمهبولة😂
دارت ليه سارة : مي انا منحبكش
امير : تحبيني 😜
سارة : منحبكش شكون قالك نحبك ؟
امير : انت قلتي لدارين نهار كنا ناكلوا و قتيلها ما يفهمش...
سارة : من ثما و انت علبالك😳😳
امير : و محبيتش نهدر باش منحشمكش 😜😇
سارة : لالا فهمتني غالط منحبكش
امير فهمها بلي مزالها زعفانة عليه محبش يفورصي عليها ...
سارة : راني داخلا نغسل وجهي
دخلت و بدات تغني بلعقل و تشطح مالفرحة بعثت مساج لدارين حكاتلها و خرجت صابتو مزال مارقد
سارة : مازال ما رقدت
امير : كنت نسنى فيك مقدرتش نرقد بلا بيك
سارة تمتم ( ا يماااا قلبي😍😍😭 )
امير : ارواحي
سارة : وين نجي ! 😳
امير : ترقدي 😜😈
قعدت فوق البونك دخلت داخل لغطا و عطاتو بظهرها و قلبها يخبط يخبط... حاسة راح يخرج من بلاصتو هي هكاك حتى حست يد حوطتها في كرشها
سارة : 😳😳
امير قرب ليها و بقى يشم في شعرها و معنقها من اللور سنها تهدر ما قاتلوا والوا دارت روحها راقدا و محستش ( عجبها الحال الستوتة ) تبسم هو 😈 و رقدو هكاك
------------------------------------------------
طلع النهار فطنت ماصبتوش قدامها ناضت تضحك و تعنق في المخدة لي كان راقد عليها كي المهبولة حتى خرج من الدوش
امير : صباح الخير 😁
رمات لمخدة : صباح الخير
سوطات من بلاصتها و دخلت لدوش كملوا حبطو شربو قهوة ڤاع كيف كيف باباها كان خرج صباح بكري رجع لإسبانيا لحق وقت الفطور مشطو و لبسو جاز كلش بالطبع و مليح ..... كملوا و رجعت سارة و امير لدارهم دخلت لبيتها لبست بيجمتها و راحت للكوزينة كاش ما تأكل طلت في الصالون صابت امير يتفرج
سارة : واش راك دير
امير : راح نتفرج فيلم
سارة : فيلم ؟
امير : فيلم تاع خوف
سارة : نشوف معاك
امير : ماتخفيش ؟
سارة. : لالا .... اصبر ما تبداهش نروح نوجد popkorn ونجي
راحت وجداتو و قعدو يتفرجو و يأكل كيف كيف
امير : كليتيه كامل 😜
سارة : راك تحسبيلي 😒
امير : لالا عقلي مايقدرش يحسب ميكفيش باش يحسبلك 😜
سارة : انا وجدتوو نأكل كيما نحب 😳😡
امير : كولي 😂
هما يتفرجو و هي ( اه بلاكي تدخلي بلاكي تدخلي😨 ) و دخلت راسها في امير و طل بنص عين ( كي يحكمها قلي😨 ) ( حكمها ! )
امير : مزال😂😂
سارة : حكمها
امير : مزال 😂😂😂
خرجت راسها : حكمها علاش ما قتليش😡
امير : عجبني الحال و انت متشبطا فيا 😈😜
سارة تكاكات بعدت عليه و سڤمت روحها و دارت للتليفزيون تشوف محبتش ڤاع تعاود تخزر في امير
امير : 😂😂
قعدو يتفرجوا جازت واحد الساعة سارة بدات تثاوب محستش بروحها حتى حطت راسها على كتافو زاد نص ساعة و خلاص الفيلم
امير : سارة خلاص
سارة : ----
عرفها بلي رقدت ناض رفدها بلعقل و داها لبلاصتها غطاها ..... نحلها الشعرات لي كانو على وجها بيدو ( نوعدك نسيك في ڤاع واش عشتي ماشي مليح معايا و نخليك تسامحيني ) ممبعد باسها من خدها و خرج خلاها.