امير و سارة ( باللهجة الجزائرية)

العرس

وصلوا لدزاير و غير لحقوا تيليفون تاع امير ماحبش يحبس غير يصوني و امير يشوف و يكوپي ركبوا في الطونوبيل باش يروحو لدار حبس عند واحد الباب قالها 5 min و نولي و حبط سارة غايسا حتى سمعت تيليفون تاعو يصوني نساه محطوط رفدت تشوف لقات رانيا تعيطلو حطاتو زاد شوية لحقو مساج من عندها ( علبالي بلي راك هنا أرواح نشوفك )
سارة تحكي مع روحها ( كذاب و يقولي نسيتها و مانيش معاها 😡)
جا ركب و بقاو ساكتين لحقوا لدار حبط لبڤاج تاعهم و سارة حبطت
امير : عندي شغل نروح نفريه و نجي
سارة في قلبها ( ايه شغل هذيك هي😡 ...... طريق السد )
جازو يومين و هوما هكاك واحد ما يهدر مع الاخر
خطرا هو ناض راح يخدم و هي قاعدا حتى جات ليها رحاب و قعدوا مڤسرين
رحاب : ماشي كنت حابا تخدمي
سارة : حوست وين نروح مكاش
رحاب : كاين سكريتيرة تاع امير راح تدي كونجي 15 يوم روحي في بلاصتها
سارة : روح نخدم مع خووك اواااه لالا 😧😵
رحاب : كنت راح نقلك فتحي بيرو مي بقالك شهرين و تروحي .... صح ارواحي انا معنديش سكريتيرة و نخد مو كيفك كيف ( رحاب تخدم في الشركة تاع امير مستشارة أفكار )
سارة : معاك مليح😃😄 ... صحا وقتاش نبدا ؟
رحاب : تحبي من غدوة تحبي من مور عرس لاميا ،
سارة : مور العرس نبدا
تفهموا على كلش.....

لحق الليل جا امير سارة حطتلوا العشا بلا ما تهدر معاه و جات رايحا لبيتها حكمها من يدها و رجعها ليه حتى لصقت كامل فيه و حط يديه مور ظهرها كيشغول معنقها و بدا يحكي ( بصوت عيان ) : تبقاي هكا
سارة مقدرتش تخزر فيه خافت تضعف تحكي و محبط راسها و قلبها يخبط يخبط ؛ كيفاش هكا ؟
امير : متهدريش معايا ؟ 😕🙁😟
سارة : منهدرش علاش نهدر ؟
نحى يدو وحدا حطلها على خدها و طلعلها وجها : شوفي فيا سارة علاش راكي ديري هكا 😟😕
سارة بدات تهرب بعينيها كي شافتو كاش كان يشوف فيها : امير أطلقني
طلقها و خرج ما تعشاش
هي قعدا و بدات تبكي : انت لي علاش راك دير هكا تحب رانيا و جاي تنساها بيا 😢😢
راحت تكسلت في الفوتاي تتفرج حتى داتها عينها و رقدت جا هو لقاها راقدة كيما البيبي قاعد يخزر فيها شوية😍 ( علاش راكي ديري هكا انت تحبيني و انا ثاني علاش راكي تعذبي فينا😔 ) راح جاب غطا و غطاها طفى التيليفون و راح لبيتو يرقد
زاد جاز هذاك النهار كيف كيف و لحق العرس تاع لاميا ناضت سارة دوشت و مشطت و لبست خرجت تهبل و امير ثاني لحق الوقت راحو وصلها لصال و دخلت شطحو و زهاو و صوروا لحق الوقت لي يدخل فيه لعريس لبست لاميا لاغوب بلونش و دخلها بابها و امير قعدوها في بلاصتها امير شاف سارة واقفاً جا وقف قدامها و همسلها ( درتيهالهم كامل 😍😈) بداو يدخلوا رجال تاع لافامي طلعت سارة راسها حتى تشوف باباها داخل لاصال مع جدها😳 يبست في بلاصتها بلا ما تحس حكت يد امير و زيرت عليها : و...واش.... واش راهو يدير هنا 😯😯
امير حكمها من يدها لي كانت مزيرتها على يدو و بدا يمسحلها عليها : جا يشوفك
طلقاتو سارة و بعدت راحت دخلت فواحد البيت يبادلوا فيها راح مورها امير دخل عليها : سارة عطيلو فرصة بلاك عندو كاش حاجة يقولهالك
سارة قاعدا حكما دموعها بسيف و مجاوباتوش
راح طابس و قابلها دارلها يديه فوق خدودها و بدا يبعدلها في شعرها على وجها حتى طاحتلها الدمعة : امير منيش حاب نشوفو 😢
امير : سارة علبالي بلي خلاك وقت كنت تحتاجيه مي ماركي خاسرة والوا اسمعي واش حاب يقولك
قاطعاتو سارة ( بدات تعيط و تبكي و العرس قايم ) : مانيش حابة نشوفو😢😭 ...... على جالوا ماتت ماما😭😢 ..... مانيش حابا نشوفو ..... امير ديني منا تعيش
حكمها جبدها لصدرو و عنقها و هي بدات تبكي : اسسسسسسس خلاااص ماركيش حابا تشوفيه ما تشوفيهش .... خلاااص واحد ما يسيف عليك حاجة
قاعد معنقها و يسكت فيها حتى تكلمات شويا مسحلها دموعها
سارة : أيا نروحو منا 😔😢
امير : حبسي ما تبكي ( يمسحلها في دموعها ) ... دوك نروح نهدر مع يما و نجي بقاي هنا
دارتلوا ايه برأسها باسها من جبهتها و ناض خرج يمشي فالكلوار لي فيه البيت باش يخرج وين كاين الناس سمع واحدا تعيطلو دار صابها عجوزة شويا كبيرة
امير : انعم !
العجوزة : واحد الپوپيا كانت واقفا معاك مقبيل مصبح و انا نحوس عليها ما شفتهاش وين راهي
امير : سارة !
العجوزة : هديك لي كانت لابسة غوب حمرا كانت وقفا معاك
امير : غير الخير الحاجة واش ديري بيها ؟
العجوزة : عجبتني تهبل حبيت نخطبها لوليدي
امير مصاب يضحك و لا يزعف : يا الحاجة هذيك راهي مرتي 😅
العجوزة : خسارة طارت ، و معندهاش ختها ؟
امير : معندهاش😂 .... سمحيلي الحاجة عندي شغل لازم نروح
دخل و بدا يحوس على بابات سارة صابو راح ليه
كي شافو سليم ( بابات سارة ) ناض يجري و جا ليه : وين راهي سارة يا وليدي مصباح و انا نحوس عليها ما صبتهاش
امير :.عمي سارة ماهيش حابا تتلاقا بيك
سليم : كيفاش ماهيش حابا جيت من بلاد بعيدة علا جالها
امير : معلاباليش عندها أسبابها لي خلاوها ما تحبش تشوفك 😉
سليم : وريهالي و ين راهي و انا نهدر معاها
امير : لالا سمحلي عمي مانسيفش عليها حاجة ماهيش حابتها ، اذا بدلت رأيها نعيطلك
و راح خلاه واقف و جا راجع للبيت لي كانت فيها سارة حتى سمع ياسمين تعيطلو
ياسمين : وين راك رايح و وين راهي سارة ؟
امير : راني رايح لدار يما سارة راهي عيانة شويا
ياسمين : واش من دار
امير : داري
ياسمين : لالا روحو لدار عندنا غدوة نديرو فطور لعروسة
امير : غدوة نجيبها
ياسمين : خلاص ما فيها والوا ديها و طلعوا لشومبرة واحد يقلقها صحا وليدي
امير : صحا يما صحا
راح دخل شافتو سارة وقفت : علاش طولت ؟
أمير : قاطعتلي عجوز خطباتك😜 ( قالها باش يضحكها شوية )
سارة ( تبسمت ) : هذا الخطرا ماشي لافوت تاعي راني داير الخاتم و (وراتلوا يدها )
امير : المكياج انا راني دايروا، سارة يما قاتلي نروح لدار عندهم نباتو على جال فطور لعروسة غدوة ... اذا ما حبيتيش..
قاطعاتو سارة : لالا معليش🙂🙂
و خرجو