Misty Eyes (Book 2 of Eyes Trilogy)

Chapter 46

Chapter 46

"Calm down, Commander." Dahan-dahang itinataas ni Tristan ang kanyang kamay.

"Dad, please.." hindi man lang nito nagawang lumingon sa akin.

He looked so serious. At alam kong hindi siya nagbibiro, minsan na niyang binaril si Tristan sa harapan ko at alam kong hindi siya mag-aalinlangan sa sandaling makilala niya ang traydor.

Nagsisimula nang humakbang si Tristan papalapit kay Daddy. Samantalang nabitin sa ere ang mga baril ng apat na pinaghihinalaan namin.

"Commader, self defense! Self defense lang ang baril ko. Bakit lagi na lang ako nadadamay?" Armando looked frustrated.

Ganitong-ganito rin ang hitsura niya nang tutukan ng baril ni Daddy si Tristan.

"Shut the fuck up, Armando!" sigaw sa kanya ni Enna at Hazelle.

"Commander, please stay calm. It's a shot gun." Paalala ni Tristan.

Isang putok lang nito, buhay na agad ang kapalit.

"Stay right there, Theo." Asik na sabi ni Daddy.

Hindi na muling nakahakbang si Tristan patungo rito nang sa kanya itapat ang baril.

"Daddy!"

Patakbo na akong pumunta kay Tristan pero agad iniharang ni Tristan ang kanyang braso sa akin.

Muling humarap si Daddy sa apat na siyang pinaghihinalaan naming.

"I had enough of betrayals. Itinuring ko kayong sarili kong mga anak, saan pa kayo kumukuha ng lakas at dahilan na pagtaksilan ako? Hindi nyo ba alam na kailangan natin si Vicente sa kanyang matinong pag-iisip?"

"Commander—" magsasalita pa sana si Enna nang malakas na sumigaw si Daddy.

"Ibaba nyo ang mga baril nyo! Mga bastos at walang galang! Bakit ang tatapang nyo?!" dumagundong ang mas malakas na boses ni Daddy.

Halos mapayuko ang apat nang ikasa na ni Daddy ang kanyang baril. At sabay-sabay nalaglag ang kanilang mga baril.

"Nagtutukan pa kayo ng baril sa mismong harapan ko! Hindi na kayo marunong rumespeto?!"

"Daddy.." hindi niya pa rin ako pinapansin.

"Commander, ikaw na ang aking ikalawang ama. Halos dito na kami ni Hazelle lumaki sa ahensiyang ito. Walang rason para gumawa kami ng hakbang na malayo sa inyong kagustuhan." Paliwanag ni Enna.

"Hindi dahil bago ako ay may dahilan na kayong husgahan ako. Yes, I can be a traitor kung gugustuhin ko, pero kahit kailan ay hindi ko magagawang traydurin ang sarili kong kapatid." Madiing sagot ni kuya.

Lahat kami ay nakatitig na ngayon kay Armando.

"I don't know what to say anymore, but I was really expecting this scenario. My plan is to act like I didn't have any idea about this, bahala na kayong magkagulo. But what the hell? Can't you get it people? Sinasadya tayo, someone is manipulating us. Gusto nilang magkagulo tayo dito sa loob."

Nagulat ako nang marinig ito mula kay Armando, kahit si Tristan ay bahagyang napatitig sa kanya. We're not expecting that we'll receive good explanation from him.

"Coming from you, Armando? You let your guard down! Hindi ba at sa'yo ipinabantay si Dr. Vicente? Palibhasa ay nahumaling ka na naman sa dibdib ng bagong doktor! Pinabayaan mo na ang trabaho mo! Tang ina mo!" gigil na sabi ni Enna.

"What the—I was actually serious here Enna. Huwag mo akong murahin, hahalikan kita."

Sabay kaming napamura ni Tristan sa pagtatalo nila ni Enna. Bakit ang lalakas ng loob nila? Mas ginagalit nila si Daddy. Mapapatay sila nang maaga.