ثمن أخطائي

بارت 3

صباح العسل حبايب ..
بارت مفاجئ لعيون السهرانين 😘

///البارت الثالث ///
#ثمن_أخطائي ❌
#بقلمي_الكاتبة_شمس

🌲قد نمضي في هذه الحياة مغمضي العيون
    لا نأبه لما ما قد نمضيه من اللحظات
    والى اين ستأخذنا المتاهات .. 🌲

صعدنا بالسيارة .. واني كنت متردده وخايفه . التفتت السڤانه فتحه حلگها من والابتسامه ع وجهه ..

حس اسامة بتوتري .. بسرعه لزم ايدي ..
وگال ليش متوتره الحلوه .
ابتسمت بقلق .. وسحبت ايدي ..

نجمه .. وين رايحين منگدر نبعد هواي ..
اسامه .. مانبعد بس نروح نتغدا بمكان وارجعكم ..
نجمه .. لا مااگدر وبعدين يشوفنا واحد .. لا نزلنا .
اسامه .. لتخافين مااخطفج هههههه .. وبعدين لاتصيرين مثل الاطفال وتخافين تعرفين نيتي شنو ..
التفت ع سڤانه ..
وگلها ..
گولي شي سڤانه ..
انتبهت .. هذا منين يعرف اسمها..
گرصتني سڤانه ..وگالت شبيج خايفه اني وياج ..
شويه ونرجع ..الكاتبة شمس

ماحجيت شي .. لان ماردت اخليه يحس اني طفله مثل ميگول واخاف يبطل يحبني ..
التفتت عليه وابتسمت ..
نجمه .. ماشي بس مانتأخر ومانروح مطعم لو مكان عام ليشوفنا احد ..

اسامه .. خلص اعرف مكان حلو نروحله ..

طول الطريق ادعي ليشوفنا احد وخايفه ..

ابتسمت وبداخلي توتر ..

اخذنا المكان زراعي .. مااعرف وين ..
گال انزلي نتمشا ..
نزلت ..
حسيته يباوع من فوگ لجوه .. نضراته كانت تعجبني .
معناها عاجبته ..
وهاي كان اول مرة احد ينضرلي بهيج نضره ..
انطاني الثقه بنفسي ..
راد يلزم ايدي ونمشي سوه ..
ترددت ..
گال عادي تتعودين شويه شويه ..
گمنا نمشي ويسولف عن نفسه ويسألني عن دراستي وشوكت الامتحان ..
اشياء عاديه ..
وماحسيت الا ابتعدنا عن السياره ..
وسڤانة بقت بالسياره وحدها..
گتله ابتعدنا هواي ..
كانت اكو نخله بالوسط ..
سحبني من ايديه وخلاني وراه ..
وگال وهو المطلوب ..
الدنيا حاره واني احتريت من الحراره .. واحس كمت اصب عرگ ..
وگمت اتخيل وجهي شصار بي بهذا الجو ..
مخليه الكلينكس واطبطب ع وجهي خفيف حتى ماينمسح الكريم ..
وفوگاها هذا مخلي عينه بعيني ..

ردت اخلص منه بأي طريقه ..
گتله .. ليش اني ..
اسامه مستغرب .. شنو مافهمت ..
نجمه .. انت شفتنا سويه نمشي ليش مااختاريت سڤانه وهي بيضه ..
قاطعني وضحك ..
ههههههه المعصعصه هاي .. صحيح بيضه بس مو جميله .
تعرفين شنو الجمال ..
يعني طول وجسم متناسق ومليان مثل جسمج يعني عيون ناعسات وكبار مثل عيونج يسحرن ويذوبن بنضرتهن يعني صدر مليان وانثوي ..
واتقرب عليه حيييل ..

نجمه .. ياااااا عزا هذا شبي گام يتجرأ بالحجي وشويه ويحضني .. وعيونه صارن حمررر.
بسرعه سحبت روحي منه ..
وگتله لانتأخر خلينا نرجع وبعدين سڤانه خاف تفهمنا غلط
هو ضاج وفرك وجهه وسحب شعره لفوگ ..
وگال مااعتبر هاي طلعه ..
اني مشيت گدامه وهو وراي ..
وكل ساعه اريد اوگع من التوتر والخوف والمشاعر الي حسيت بيها ..
حسيت روحي انثى حقيقيه وياه ..
ابد ماكان احد يرسم اوصافي بهذا الشكل ..
الكل كان يباوع السماري ويقارني ببياض اخواتي ..
وصلنا للسياره ..
وهاي تبتسم وتغمز وتسوي حركات ..
معناها شسويتو ..
خزرتها ..
صعدنا ..
التفت اسامه ع سڤانه وگلها .. المره الجايه اجيب وائل وياي حتى متضوجين ويضحك ..
وهي فرحانه مصدگت ..