ثمن أخطائي

بارت 20

بارت مفاجئ لعيونكم 😘
/// بارت عشرون ///
#ثمن_أخطائي ❌
#بقلمي_الكاتبة_شمس

آآآه، تجعلني أكتب في اليوم آلاف الأشعار، تجعلني آخذ أيّامي وألملم حزن الأشجار، تجعلني أبكي ودموعي قد تملأ كلّ الأنهار..

من ضربني ماحجيت ولاشكيت ..
بقت بس عيوني تعاتبه بدموعي ..

هو من شاف الدم .. حسيته تندم . اجه راد يتقرب دفعت ايده ..
اخذت كلينكس ..
خليته ع خشمي ..
وسحبت الروب مالي .
لبسته وطلعت للحمام ..
غسلت وبجيت وطلعت قهري وطلعت ..

لگيته گاعد ع السرير ومخلي اديه ع راسه ..
دخلت سحبت مخده وبطانيه ..
وخليتهن ع القنفه ..
هالمره اني الي مااريد انام يمه ..
وبعد مااذل روحي اله . يريد يصدگني او لا مشكلته .

هو يباوع بس بطارف عينه .
اخذت الفرشه ..
خليتها بالغساله الفوگ ..
اجت هيفاء شافتها ..
گالت اتركيها وروحي الزوجج اني اغسلها ..
شافتني متوتره ..
گالت عادي نجمه اني بقيت اسبوع كل مايتقربلي ينزل دم ..
صفنت عليها ..
اوووه وين راح بالها لبعيد .. واني عبالي حست سيف ضاربني ..
گلتلها لا اني اغسلها عادي ..

خليت تايت ومي وفريتها ..
رحت للغرفه ..
نمت ع القنفه وتغطيت ..
وشفت نهله مراسلتني تسأل عليه وگالت بعد كم يوم يطلع الاربعين واجيج ..
واني دا اراسلها وسألتها ع اولادها ..
حسيت عليه يراقبني .
وكأنه الفضول كاتله يريد يعرف منو الي يراسل ..
خلصت منها ..
رحت للغساله شطفت الفرشه ونشفتها ..
وصحت هيفاء ..
مااعرف وين انشرها ..
گالت اني انشرها انتي روحي ..
اخذتها مني ونزلت ..

ملابسي تبللوا وبارده ..
رحت فتحت الكنتور . اباوع شفت ملابس النوع انواع واشكال اشتريت .
حتى البس كل يوم شكل واسعده .
تالي شلون يعاملني ..
اكو ثوب نوم طويل اسود .
ومفتوح من جميع الجهات ..
لبسته ..
وظهره مفتوح ..
ختلت ورى باب الكنتور لبسته .
ورفعت شعري ..
واروح واجي وهو عيونه تراقب ..
اشو حلت السالفه الي ..
گلت الا اعذبه ..
فتحت الصوبه الزيتيه .
ورحت للقنفه ..
سحبت شعري ع الجانب .
ونمت نطيته ظهري ..
حتى يبين الوشم ..
ونمت وفعلا غفيت بسرعه من التعب ..

حسيت عليه يتلمس بظهري .
طفرت ..
شعندك يمي ..

سيف .. شعندي يعني .. ميت عليج .
بس شفتج بردانه گلت اغطيج الصوج بيه .
وراح نام ..

لفيت روحي بالبطانيه ونمت ..

گعدت الصبح لگيته بعده نايم ..
احس جسمي متكسر من القنفه .
گمت . طلعت ملابس ورحت غسلت ورجعت .
لبست كيلوت وبلوزة ماروني حلوه .
اشتريت اغلب ملابسي ماروني عموده لان يحب هالون

رتبت نفسي ونزلت ..
لگيت الكل نايم ..
استغربت ساعه تسعه ..
لگيت بس ماما وعمو بالمطبخ .
عبالك عصافير .. ديشربون گهوه ..