ثمن أخطائي

بارت 21

/// بارت الحادي والعشرون ///
#ثمن_أخطائي ❌
#بقلمي_الكاتبة_شمس

اغمرني بحنانك….
اغمر خوفي ..شكوكي .. أملي ..حبّي ..خيباتي آلامي ..
اغمرني بحنانك بعفويتك بعشقك بعصبيتك ببرودك بخوفك علي بقلبك الواسع ..

دعنا نجتمع بكلّ هذا ..
ونعلن انتمائنا لروح واحدة في قلبينا💙

بيومها سبحت ونمت فحسيت جسمي سخونه ..
وبردت حيل رغم التدفئه ..
غفيت للصبح گعدت جسمي مكسر وراسي مأذيني ووجع بكل جسمي ..

ردت اگوم مااگدر ..
واحس عيوني غوشت ..
ومااشوف ..
گمت اهذي ..
احس عيوني غوشن ..
سيف نايم ع القنفه .. سمعني طفر ..
گمت اون ..
من السخونه واحسها بعضامي ..
صارت مثل الرجفه بيه ..

حسيته يتلمس بوجهي ويگعد بيه ..
نجمه .. شبيج گومي نجمه ..

-وخر عني انت ماتحبني .
-شتحسين اشو حرارتج عاليه ..
-معليك بيه روح ..
-اي ميخالف اروح بس گومي غسلي وجهج واشربي مي مسخنه جسم نار ..

رفعني بإيده وخلاني بحظنه جاب مي ويمسح بوجهي وايدي .
دور جاب خاولي ..
وگام يسويلي كمادات ..
ماحسيت بس بروده تجي ع جسمي واني مسخنه .
گمت افز كلما يخلي الخاولي ..
دور يمسح برجلي بالمي ..
گتله .
كاااافي بردت راح اموت ..
واون .. ااااه ماما الحگيني ..
بارده .. غطيني ..
جاب بطانيه لخ ..
واجه نام بصفي وغطاني ..
وماحسيت ع روحي ..

سيف ..
بعد مااستفزتني البارحه وضوجتني ..
اخذته غصب عنها وبطريقه ماكنت بيوم افكر اسويها ..
وانتقد كل واحد يسويها ..
العلاقه للحميميه .
لازم تكون برضا مو اجبار والمرأه تعامل برقه ..
بس مااتحملت كلامها وصار الي صار ..
كانت بيومها بارده .
وهي سبحت ونامت ..
اني نمت ع القنفه ..
وكان ضميري يأنبني ..
اباوعلها مثل الملاك ..
ليش هيج وصلنا نجمتي ..
مو هيج كنت احلم اخلص ايام عرسي ..
ردتهن عسل صارن بصل لييييش .
لو مصارحتني من البدايه وگلتيلي علاقه عابره ..
كان تفهمت وضعج ..
بس ماسمعت منج ..
واسامه خربطلي افكاري ..
ومستحيل اگدر اوثق واصدگ بعد ماسمعت منه ..

اخذني التفكير وماحسيت ع روحي وغفيت ..
گعدت ع صوت نجمه وتون ..
وتصيح بارده راح اموت ..
گعدتها ماقبلت ..
اتلمست وجهها حار جمر ..
خفت عليها ..
گومتها ..
گالت وخر انت ماتحبني ..

ضحكت .. هههههه عبالك طفله وبين اديه وتدلل عليه ..
جبت خاولي ومي وسويتلها گمدات ..
لابسه ثوب نوم قصير ..

من شفت جسمها نسيت زعلي ونسيت الي صار ..
وحسيت روحي لافت الها ..
وهي تون وتصيح بارده ..
جبت بطانيه ثانيه ..
واخذتها الحظني وتغطينا سوه ..
هي قرفصت بحضني ..
وتتنفس بصدري ..
حركت مشاعري كلها ..
وتهت بحضنها ..
ماحسيت الا گمت اشم بيها وبشعرها ..
ورحت وياها العالم ثاني ووووو💑..