ثمن أخطائي

بارت 24

اسعد الله مسائكم حبايب ..
اعذروني ع التأخير ..
لأن تعرفون ضروفي .. احبكم 😘😘

/// البارت الرابع والعشرون ///
#ثمن_أخطائي ❌
#بقلمي_الكاتبة_شمس

گلتلها .. زهره الي تحبيه اسامه مو ??
دخل سيف بهذي اللحظه ..
بقيت صافنه بوجهه وغلقت الموبايل من الخوف ..

سيف .. منو هاي .. وليش غلقتيه بسرعه !!
نجمه .. هاي زهره .. ولا مغلقته اصلا خلصنا وگلتلها مع السلامه ..
سيف .. اممممم خو ماكو شي ..
نجمه .. لا ماكو . جبت عشا .
سيف .. اي جوه الولد ديحظروه ..
نجمه .. لعد خلينا ننزل خطيه جاعوا هسا ..
وتركته ونزلت .. وگلبي يدوگ حيل من التوتر والقلق الي سببته الي زهرة ..
كانوا ياكلون واني بعالم ثاني ..
لا ياربي مستحيل اسامه يستغلها مثلي ..
لازم اسوي شي مااسكت هالمره ..
انتبهت السيف يحجي ..
نجمه .. حبي .. متاكلين ليش صافنه ..

-هاا اي دااكل ..
كملت اكل وشلت المواعين كانوا سفري . خليتهم بالحاويه ونضفت الطاوله ..
گلت للولد اذا يحتاجون شي ..
گالوا لا حنلعب بلي وننام ..

صعدت الغرفتي .. بدلت كالعاده بس بالي وتفكيري يم زهره ..
گعدت ع القنفه واباوع تلفزيون ..
اجه سيف ..
گتله سيف .. شنو الي خلاك تصدگ بيه وترجع وياي مثل قبل .. احد سولفلك شي .. او انت سألت احد وعرفت الحقيقه ..

سيف .. ليش هالسؤال ??
نجمه..  مااعرف بس احسك تغيرت فجأة ..
اجه گعد يمي واخذني الصدره ..
لا ماسألت ولاگلت ..
صحيح بالبدايه تأثرت وضجت لان كانت صدمه بالنسبه الي ..
بس من عشتي وياي وعرفتج شنو .. ولان گلبي تعلق بيج . قررت انسى الماضي وابدي وياج صفحه جديده ..
يعني حبج هو الي غيرني من ناحيتج مو الكلام ..

حضنته حييل .. وبقيت افكر ..
معناها مو اسامه .. كان كل توقعي اسامه مبرأني يمه ..
گال يله حبيبي نروح ع السرير ويضحك ..
گتله اشتهيت جبس بتيته هسا ..
وكون حامض ..

ضحك. گال .. بس لاتتنسين اشو تتشهين صايره ..
نجمه .. هههههه لا هو اني من زمان احبه ..

گال ديله گومي البسي شي بسرعه وخلينا نطلع ..

نجمه…  بهيج وقت لا مانطلع . الوضع مو امان ..
سيف .. لا مانبعد هنا بس نجيب بتيته ونجي ..
نجمه .. اشششاه بارده .مااريد اطلع ..
سيف .. حبي الجو زين هو وين اكو شتا عدنا ..
دلبسي كوت وخلينا نطلع ..

گمت بدلت . ولبس جينز وبلوزه وفوگاها كوت طويل للركبه .. ولفيت شالي هيج عادي .
ونزلنا ..
خبر فراس ومصطفى بطلعتنا ..
رحنا نفتر الى ان لگينا جبس بتيته كيلوات .. اموت عليه هذا ..
گتله خليلي نكهة ليمون عليه وكثر ..
واخذنا للولد بالملح بس ..

واخذنا بيبسي وكرزات ورجعنا ..
دخلت .. بين ماسيف قفل الابواب كلها ..
لگينا الولد بعدهم يلعبون بلي بالصاله ..
خليت الجبس بطاسات كبار زجاجيه .
وجبت گلاصات والبيبسي ..
وگلت السيف جيب الجبس والكرزات وراي ..