ثمن أخطائي

بارت 25

مساء الورد حبايب ..
راح احاول اكتب وانزل الكم ..
حتى اختمها قبل العيد ..
/// البارت الخامس والعشرون ///
#ثمن_أخطائي ❌
#بقلمي_الكاتبة_شمس

دخلت للغرفه شفت سيف حواجبه طابگهن ومعصب ..
وجهازي بيده ..
ويباوعله ..

گتله ها حبيبي شبيك ..
بسرعه باوعلي وگلي .. بنت ال…… شعندج وي اسامه ..

صفنت بوجهه ومصدومه .. اني اصلا حتى رقمه من اتصلت بي ورزلته ماسحته ..
بعد شلون عرف بقيت واكفة وجامدة بمكاني من الخوف.. وهو شرايين وجهه كلها طلعت من الغضب ..

نجمه .. ماعندي شي شبيك سيف ??
سيف .. وج تردين تخبليني هذا دازلج رساله .. من شوكت انتو مستغفليني وبيناتكم مراسله احجججججي
وگام عليه سحلني العنده من شعري ووگعت المنشفه بالگاع ..
گتله .. والله ماعندي شي خليني افهمك ..
حتى مااعرف اي رساله تقصد ..

حط الجهاز بوجهي .. هاج اقري .. ليش كاتبلج هيج ..
قرأت الرساله واني دموعي تنزل من الخوف ..
كاتب ..
💬نجمه وربي فاهمتني غلط .. اني نيتي جاده .. انطيني فرصه افهمج ع كلشي ..

من قرأتها انصدمت ..
گتله خليتي افهمك سيف .. اعرف السالفه بالاول ..

سيف .. وج ياسالفه .. هي مبينه .. متندم ويريد يرجعج او تطعنوني بظهري ..
يعني لو مامسافر حتى للبيت ترحيله ..

سحبت ايدي منه . 
كااافي الخاطر ربك دوم ماتتفاهم وتحكم عليه هاي مو اول مره تسوي هيج ..
اني ماعندي شي وياه افهم ..

سيف .. اششششش خلص فهمت الي فهمته .. الي بينا اعتبريه انتهى واني المغفل الي صدگتج ورجعت وثقت بيج وحبيتج ..
والا الي تسوي بصغرها هيج .. بكبرها الله اليستر منها ..
اطلعي من وجهي بعد مااريد اشوفج ..
وگام يدفع بيه وضربني ع الحايط احس خشمي طگ دم  . 
اطلعي ..ولي لهلج مااريد اشوفج ..

گتله .. يجي يوم وتندم ع هذا الحجي كله .. بس ساعتها تحلم ارجعلك لان مافهمتني ولاسمعتني ..

سيف .. ههههههه يله يااب بسرعه لمي ملابسج وخليني اوديج الاهلج .. دقيقه ماابقيج هنا ..

ماحجيت شي ..خليت كلينكس ع خشمي وبدلت.. وگمت لميت بملابسي وكتبي .. ودموعي يجرن .. اوووف ينجمه شگد غبيه ..
ردتي تحافظين ع اختج وگعتي بيها انتي ..

لميت ملابسي ..
اندگت الباب .
دخل مصطفى وفراس ..

شكو نجمه شصاير ..

واني ابجي .. ماكو شي والله .. بس هو ميتفاهم ..
معقد وشكوكي دمرني ..
وتاليتها يضربني ويطردني ..

فراس .. گولوا يالله يمعودين .. ورجعي غراضج وين طالعه ..

دفر الباب سيف .. مالك دخل انت .. يله بسرعه كملي ..

فراس .. هسا لو ماليل جان اتصلت ع اهلي .  يشوفون صرفه وياك ..

سيف .. لاتتدخل فاهم .. حياتي واني حر بيها ..
دااگلج بسرعه ..