ثمن أخطائي

بارت 5

///البارت الخامس ///
#ثمن_أخطائي ❌
#بقلمي_الكاتبة_شمس

🌲عندما تجتاحك الأحلام..
وتطلق بتفكيرك الى العنان ..
وتبدأ الأحلام الوردية تتعمق تفكيرك..
وتشعر حينها أنك أسعد مخلوق خلق على وجه الأرض...
وتصل حينها الى قمه السعاده..

تذكر حينها..!!!
أن كل هذا السعاده ربما تكون سراب...
فشعورك هذا مجرد شعور خاطف..
فثق انه ربما يتحقق وربما ينكسر حلمك..
فعد حالاً وباقصى سرعه لديك الى أرض الواقع ..
حتى لاتصيبك الحسره بخذلان حلمك..

فمثل ماهناك "قمه" هناك "قاع"..
ولا تطمح الى القمه دائماً فلربما تصل قريباً من القمه وتهوي مخذولاً الى القاع..

فالاحلام "خيال" واغلبها "سراب"...

"فطبع الحياة .."حزن" و"فرح"..
وطبع الورود"شوك" و"زهور"

بعد ماحذرني اسامه من وائل .. مافهمت شيقصد
معقوله وائل يريد يخرب بينا ..
لو !! عزااااا .. اخاف هذا وائل يفضحني ..

استمرت الامتحانات .. كان ادائي وسط ببعض الامتحانات رغم كنت جيده باليوميات والفصول ..

اما سڤانه رجعت علاقتي بيها وصالحتها بس مو مثل قبل يعني كنا مانخفي اسرارنا عن بعض بس هسا ..
ع گد الروحة والجيه للامتحان ..

قربت الامتحانات تنتهي .. ومن طلعنه شفت وائل .
تذكرت كلام اسامه . ومشيت عنه ..
بس هو صاح وراي .
نجمه نجمه لحظه .

التفتنا اني وسڤانه ..
باوع السڤانه وگال اريدج بكلمه الوحدج ..

گتله .. شرايد بنتر ..
سڤانه بقت متحركت ..

وائل .. خويه لو مالشغله مهمه ماوگفتج ..
اشرلي بإيديه ثواني ..

رحنا ع جهه ..
گال .. لو مااعرغج واعرف اهلج جان ماحذرتج ..
گتله .. شنو .
گال .. اخذي حذرج من اسامه .. ترى ملعب ولو ماخوفي عليج ماحجيت ..
گتله .. هاي عود ابن خالك وتحجي عليه ..
گال .. ابن خالي واعرفه ملعب وجاي يخونج ..
گتله .. شكرا ع النصيحه .. بس ماتخاف اروح اگله .
گال.. اصلا مانتحاجه .. لان سولفلي ع الشقه ومارضيت
اني .. شنوووو !!شتقصد
وائل .. هاهي اني سويت الي عليه ..

راح وعافني اتخبط بأفكاري .. شيقصد بالشقه شمسولفله اسامه ..
افكار تاخذني وتجيبني ..
تالي گلت لا لان متعاركين يتبلى عليه ..

الطريق كله افكر وسڤانه تحجي وياي واني ماافهم شي
تالي انتبهت ..
نجمه . هاا سگلتي ..
سڤانه .. شبيج وائل شعنده شيريد ..
نجمه .. يمسلت وحده .. امشي امشي كتلني الجوع .
سڤانه اليوم خالي عازمنا ع العشا عندكم ..
نجمه .. اي يسوي ثواب الجدو ..لان الليله جمعه ..

دخلت للبيت .. لگيت بابا جاي ومالي البيت مسواگ متعود كلما يجي من الاردن هيج ..
گال هلا بالمملوح اشتاقيتلك ويضحك ..