ثمن أخطائي

بارت 10

///البارت العاشر///
#ثمن_أخطائي ❌
#بقلمي_الكاتبة_شمس

دروب ترسمها الصدفة...
ونهايات دروب يرسمها القدر...
وما بين بداية.... ونهاية
أرواح منهكة وقلوب تائهة وأعمار تتهاوى
وتبقى السعادة قيد الإنتظار.....

بعد الحنه رجعنا للبيت وماشاء الله البيت مگلوب گلاب لان الولد بقوا بي وديحظرون للحنه بالحديقه ..

نهله حايرة بأبنها وحامل .
وزهره تتشرد منا ومنا .
بس اني وهديل وبنات خوالي كل وحده لزمتلها شغله وكملنا .
الحمد لله العشا كان من الحنه .
لان بابا اجر شوايه مال گص وولد هو الي يشوي ويسوي لفات للمعازيم ووياها ببسي

فدزوا حصتنا للبيت گمنا ناكل ومطفين اضويه الغرف الفوگ ونباوع من الشباك ع الحنه .
تخبل حنة الولد ورگصهم ..
تونسنا حيل ..

ثاني يوم صارت الزفه .. وهم نفس التعب العرسان راحوا للفندق .
واحنه رجعنا وكلها رجعت ويانا ونفس الروتين تنضيف وعشا ومواعين .
احس رجلي ماتشيلني من التعب .
تعبت اكثر مما تونست ..

ثاني يوم بابا سوالهم غدا . بعد مارجعوا مهند ونبراس
وكلها عدنا عماتي وبيت عمي وخوالي واقربائنا كلها ..

ماصدگت خلص اليوم نضفت . ونمت من المغرب گلتلهم حتى عشا مااريد .
والثاني يوم يله گعدت ع صوت هوسا .
اجت ام نبراس واخواتها ..
سلمن وصعدن .
گمت اني وزهره سوينا ريوگات .
تالي نزلت نبراس لابسه فستان وتبجي وتحظن بأمها .
وامها توصي امانه عندكم لاتعبوها احسبوها مثل بناتكم .

گلت بداخلي .( اذا حسبوها مثلي لاهاهي معناها تدگ شغل ومتلحگ )

بعد كم يوم . اجن خالات نبراس ووياهم المريه الي شفتها بالحنه ..
اني طول الفتره الي بعد الزواج .
العصريات ابدل وارتب نفسي عمود الخطار الي يجي .
شعري طويل حيل واسود . كنت مسويته ضفيره جانبيه لسا احب اضفره .
ولابسه جينز وقميص قصير لونه وردي ترابي بس حلو شگله .
ومخليه بس كحله وماسكرا وحمره فاتح .
بشرتي صافيه وهذا الي كان ميزها .
ابد ماطلعلي حب شباب او اثار بوجهي بقت .

المره هم بقت عينها عليه . بعدين سألت امي .
المحروسه شأسمها ..
گالتلها نجمه .
المره .. اللهم صل على محمد وال محمد
هي شمخلصه ..
ماما .. والله هستوها قدمت ع الجامعه . سنه اولى
المره .. يا صلوات بس جسمها حلو وطولها عبالي مخلصه . الله يحفظها الكم .

ماما من شافت المره عينها عليه .
گامت تمدح نجمه ونجمه . ام بيتي . تدرس وتشتغل ومااثرت ع دراستها.
وكل ساعه تصيحلي . نجومه ماما ..
تريد تستعرض بيه گدام المره ههههه .

خلصت فترة الزواج وارتاحيت .
طلع قبولي هندسه محافظات بابا ماقبل .
حولت كلية علوم جامعة بغداد..
رحت قدمت اني وهنودي ..
وكملت اوراقي . وبس بقت اداوم .