ثمن أخطائي

بارت 23

بارت مفاجئ لعيون السهرانين 😘😘
/// البارت الثالث والعشرون ///
#ثمن_أخطائي ❌
#بقلمي_الكاتبة_شمس

گعدت الصبح شفت روحي بحظنه .. گمت اتمعن بوجها .
يخبل وهو نايم .. بس اذا انطبگن حواجبه الله اليستر ..

بوسته بخده وردت اگوم .. سحبني العنده ووووو💑.

-احبج ..
- وشنو الي تغيير .
-ماكو شي .. بس مثل ماگلتي الماضي فات .. ولازم نطوي صفحة الماضي ونعيش حياتنا ..
-بوستة بخدة وگمت ..
گتله ورانا دوام يله گوم ..

گمت سبحت .. وبدلت جففت شعري ولفيته خليت مكياج خفيف لبست شالي وكملت ..
حظرت ملابسه بدل ونزلنا ..

هلاو ماما صباح الخير بوستها ..

ام هيثم .. هلو حبيبتي . خابرتني هيفاء .  حيسوولها عمليه بعد يومين ..
واني راح اروحلهم ..

سيف .. يعني تبقين هناك .
ام هيثم .. اي ماما . ادري نجمه راح تبقى وحدها بس انتو يمها ولاتتعبوها لان دوام ومتلحگ .
وابوكم راح يروح وياي كم يوم ويرجع ..

سيف ..والشغل ??
ام هيثم .. عمك يحيى بمكانه ..

سيف .. ان شاء الله بس اليوم بعد الظهر حودي نجمه الاهلها لان من عزمونا وبعد ماراحت وانتو راح ترحون بعد متروح ..

ام هيثم .. عادي ماما .. واني العصر اخلي المره تجي تنضف البيت قبل منروح ..

طلعنا للكليه ..وفراس ويانا ..
واول مره ناخذ الطريق كله ضحك وسوالف ..
ماصدگت رجعت حياتي طبيعيه ..

رحت للقسم سلمت ع البنات ..
گالوا مسويلج حفله صغيره بالكافتريا ..
گلتلهم لعد اتصل ع سيف يجي ..
اتصلت واجه ..
والبنات فتحوا عينهم عليه ..
خفت ليحسدنه هههه وهو لابس سمائي يخبل طالع ..

الضحكه مافرگت وجهه .. وايده بإيده ..
كان يوم رائع ..
مادخلت للمحاظرات اخذني القسمه ..
واجت يمنا رحاب سلمت وراحت ..
واني بقيت يمه الى ان كمل دوامه وطلعنا ..

گال هسا نروح الاهلج .. لو ناخذلنا فرة ..
گتله لا حبيبي ..
خليها نروح الاهلي وبالليل نطلع زهره ويانا خطيه ضايجه وماتطلع ..
سيف .. اوك لعد نروح ناخذ زهوره العزيزه .
نجمه .. احم احم ..
سيف .. وج تدخل للگلب مرحه .
نجمه .. هو ادري بيك اتفقت وياها عليه .. تدري كانت صغيره دوم تصيحلي الزرگه واني اضوج ..
سيف .. ههههههه لا عليج الله .. هذا الحسن كله وتگول عليج زرگه لعد هي الحلوه بس بياض ..
والله عندي انتي احلى اخوانج ..
كلهم معانيهم محلوه ..
انتي مرسومه رسم سبحان الخالق .
نجمه .. ترى انغر ..
سيف .. انغري يروحي بزودج 😘

وصلنا الاهلي رحبوا بينا .. وسوتلنا ماما غدا لان اجينا من الكليه الهم ممتغدايين ..
لگينا زهره منتضرتنا هم مماكله ..
گالت اليوم گلت مااكل الا وي النسيب حتى يطلعتي بالليل ..
سيف .. هههههههه لعد لاتاكلين هواي لان نطلع نتعشا برى ..
زهره .. واصلا ماراح اكل اضم جوعي للطلعه ..