Second Chance

THEODORE 21

“San punta mo pre??”, usisa nitong si Paul.
“Huh? Bakit??”

Dumaan lang muna ako sa office to pick up some important documents para sa nalalapit na event nina Clyde. I was bound to meet him this week anyway.

Paul was apparently, here in my office again.

“Bat di ka yata nakaformal ngayon?”, tanong niya.
“Ahh. May party kasi sila Becca sa school.”
“Huh?? Eh bat ikaw sasama?”
“Sab can’t make it. Mamayang gabi pa daw uwi niya.”
“Goodluck pre. Kapagod yang mga ganyan.”

I hesistated to tell him about Soyi coming with us. Pero, sinabi ko din.

“Actually…Soyi’s coming.”

Nanlaki naman mga mata ni Paul.

“Soyi? Yung ex mo???”

Tama bang sinabi ko?? Hay.

Di ko na lang siya pinansin. Pero lumapit sakin si Paul at tinignan ako ng masama.

“Kaya pala nagpapapogi ka! Jesus Christ. Bagets na bagets porma natin ngayon eh!”
“A-anong papogi ka dyan. Hindi no.”
“Nako, pre. Ang sabihin mo, tuluyan ka ng tinamaan ulit!!”

Tinamaan?? Siya kaya tamaan ko! Out of all people, Paul should know na hindi na ko babalik dun! That’s crazy!

Pero di pa din ako tinigilan ni Paul.

“Pst. Pre. Ano na bang lagay? Nakikipagbalikan ka na ba??”

Lumayo nga ko sa lokong to. Muntikan ko ng mabanatan eh.

Umilag naman yung loko.

“Sira ulo.”
“Nako nako nako! Masama to. In denial ka na!!”, panduduro pa niya.
“I’m not. Besides, may boyfriend siya.”

I didn’t want to share that too pero bigla na lang kasing lumabas sa bibig ko. Ugh. Pano ba naman kasi, sinong di maasiwa sa kanila? Laging tambay yung boyfriend niya dun, at palagi ko pa silang naabutan kada labas ko ng unit! I was so pissed the other day nung nagkasabay kami sa elevator and they were so close to each other! Di ko napigilan, lumabas ako eh.

“Boyfriend? Sino??”
“Sino pa. Yung katrabaho niya sa Korea.”
“Ahh! Eto ba yung kapartner niya nung movie niya??”

Wala akong pake.

“Oo. Yun.”, sabi ko na lang.
“Ay, oppa yun pre. Walang laban.”
“Oppa??”
“Oo. Mga koryanong lalaki, ganun. Uso kaya yun sa mga babae ngayon!”

Kinuha ko na lang yung envelope, ready to leave.

“Sus. Oppa-kan kita gusto mo?”

Oppa man o hindi, wala akong pake.

Sigurado namang mas matangkad at mas gwapo ako dun no. Ramisses yata to.

“Hoy Theo.”

Lumingon ako ulit sa kanya.

“Ano??”
“Siguraduhin mo lang na alam mo yang ginagawa mo ah.”, seryosong sabi nito.

I knew that expression and I knew what he meant.
Wala siyang dapat ipagalala. I won’t dig my own grave again.

-----

Becca’s first day party was a success. Kahit na nagalala ako na hindi kasama si Sab, it was relieving to know that it ended good. I was supposed to go alone with Becca pero turns out, Soyi was coming too. Yung boyfriend niya kasi ang nagvolunteer and Becca also agreed with the idea. How can I turn it down without upsetting her? Kaya pumayag na lang ako.

Yun pala di naman makakasama yung Koryanong yun kaya si Soyi lang ang nakapunta. I would lie if I told you that I didn’t like it. I mean, for once, di ko sila makikitang magkadikit. Nakakaasiwa na din kasi no.

Pero nung huli, parang mas gusto ko na lang na sumama siya. Naalala ko na naman yung binuhat ko si Soyi kanina. My heartbeat went crazy nung nagkatinginan kami. That girl....Mas gumaan na din siya ngayon…which made me concerned. Ano ba kinakain nila dun sa Korea?? Tsk. See? I’m thinking such unnecessary things.

But on the other hand, I was thankful of her. She treated Becca well. Sumali pa siya sa games kanina kahit halatang napilitan lang siya. Akala ko di sya sasali eh, baka umarte na ganun. I mean, her choice of clothes now are really different and she’s very feminine now. But yeah..at least, she made Becca happy. Saka pano na lang kung wala sya nun? Di ko alam gagawan ko pag tinawag ako ni Becca sa cubicle. I would have fainted.