احببت جارتي ولكن

لقاءات جميله

نمت وكعدت العصر على صوت مريم وهي تصيح يلا ريم ماما تكول خلي تكعد ميصير تظل نايمه لهذا الوقت ميصلح كمت عيوني حسيته منفوخه من ورة النوم كمت دخلت للحمام وغسلت وجهي ونشفت وطلعت رجعت رتبت غرفتي ورحت نزلت جوة بديت ارتب وغسلت القوري وخليتله ماي وجاي وهيل وسويت جاي ماما كلتلي صبيلي وياج اني هم صبيت اله جاي وصبيت لنفسي وكعدنه نحجي سوة بعدين ماما كلتلي حظري عشه النه اني كمت نكعت تمن وقلمت الباميه وسلكت لحم وسويت تمن ومرك باميه  وثرمت الزلاطه وهدرت الاكل بعدين طفيت ورحت للصاله ظليت اعاين للتلفزيون اني وماما ومريم صار وكت المغرب دخلت توضيت وصليت ورحت جهزت عشه لاهلي وصبيت الهم كعدنه كولنه نتعشه بعدين مريم اخذت المواعين وغسلتهن ورتبت المطبخ واني حظرت جاي لاهلي وصبيت الهم ووديته للصاله هم كاعدين يتابعون تلفزيون كعدنه كولنه نعاين لهناك صارت ساعه تسعه مكدرت اروح بنفس الوكت لان اهلي لساتهم كاعدين ظليت محتارة شلون ويه امجد هسه يخبص الجو ويزعل المهم ظليت كاعده على عصابي بعدين شفتلي عذر وصعدت فوك تقريبا ساع 9:15لكيته صاير نار واستلمني رزايل وحجي ماله داعي بعدين كوة هدئته وكلت اله اهلي لسا كاعدين وخاف يعرفون بينه وصعبه تصير مشاكل بين العائلتين هو صفن كال لعد شوكت احجي وياج كلتله خليه لساعه عشرة لان اهلي هيج وكت ينامون ويظلون للصبح اله يكعدون هو قبل بكلامي وراح واني نزلت ظليت كاعده ويه اهلي ابويه اترخص وراح نام وامي كذلك بقت مريم كامت تنعس كالت رايحه انام اني جاوبته براحتج اني هم كمت سديت التلفزيون وكمت رحت للغرفه عاينت مريم راحت بسابع نومه صارت بالعشرة صعدت لكيت امجد فوك سلمت عليه وظلينه نحجي لحد ساعه وحده الوكت جان يركض ركض وبقينه على هاي الحاله تقريبا شهرين يوميه ساعه عشرة نصعد فوك نحجي والكلام طبعا يوم غزل 😍ويوم طلايب 😡ويوم مواضيع عامه عن مستقبلنه 💑  وتمر الايام بسرعه وتقرب ايام الدراسه وايام الصحبه الحلوة وتتعمق علاقتي بامجد بحيث كمت اشوف امجد تؤم روحي وهو العافيه اذا ما اشوفه واحجي وياه حياتي تتعب بهذا اليوم وهو كذلك  نفس وضعي  ويجي يوم الدوام اول يوم النه بالجامعه اني وحنان وطبعا امجد ويانه هو يوصلنه 😍😍وياه بالسيارة طبعا كدام اهلي حنان تصعد بالصدر واني ورة بس نمشي مسافه ينزل حنان ويصعدني وحنان تنزل تدردم عليه واني وهو بس نضحك  وصلنه للجامعه وطبعا استلمني امجد ممنوع تحجين ويه الشباب ممنوع تضحكين ممنوع ووووووووووو  وهواي توصيات وحنان كاعده بس تضحك عليه اني بس اكوله اي اي اي حاضر اخر شيء كال يلا روحن اني اركن السيارة واجي وراجن نزلنه وحنان الخبله طاكه عليه من الضحك واني اكول اله اني اعلمج  مشينه ودخلنه للجامعه وهناك التقينه بزملائنه وكانت سعاده لاتوصف من التقينه بيهم اخذنه محاضرات قليله بهذا اليوم بعدين رحنه لامجد وشفناه واكف هو جماعته واشرنه اله جان واحد من جماعته نط من مكانه وكال  شوف هذني يأشرن الي  رفع امجد راسه شافنه اني وحنان واكفين صدفه حنان التهت بجنطته ظليت اني  حظي المصخم رافعه راسي واعاين عليه واضحك هو عافهم واجه يركض عليه سحبني وصاح ع حنان يلا تعاي كام يجر بيه واني اركض وراه  فتح السيارة وشمرني بيه وكلي حسابج بعدين سد الباب واني ارجف وحنان صعدت ورانه وهي تصيح امجد شبيك ع كيفك ويه البنيه  ليش هيج تسوي مو عيب هو يكول اله انتي اسكتي ما اريد صوتج اسمعه وهي ظلت تدردم عليه واني بس ابجي وهو يعيط ويصيح وعيونه من العصبيه صايرة حمرة ويمشي بسرعه حسيت بخوف شديد بس مو مثل خوفي منه  ظل طول الطريق بس يصيح عليه ويكولي اني حذرتج بس انتي متسمعين كلامي  رفعت راسي وكلت اله بس اني مسويت شيء غلط هو وكف السيارة بسرعه واندار عليه ونزل من السيارة وفتح الباب وجرني قوي وكام يعيط عليه واني واكفه مخليه ايديه ع وجهي وابجي وهو تطورت عنده العصبيه كام يضرب بالسيارة قوي نزلت حنان كامت تحجي عليه وسحبتني صعدتني ورة وهي كعدت كدام وكلتله يلا وصلنه للبيت اني ظليت طول الطريق بس ابجي بعدين قريب بيتنه التفت عليه حنان وكلتلي ريم لخاطري امسحي دموعج وسكتي راح نوصل اني حاولت امسح دموعي وصلنه اني رأسا نزلت من السيارة هو نزل صاح وراي ريم اني عفته ورحت  دخلت للبيت مريت بالمطبخ الحمد لله ما شفت امي هناك دخلت غسلت وجهي ورحت شفت ماما تصلي سلمت عليه هي اشرتلي برد السلام صعدت لغرفتي دخلت للحمام وكفت جوة الدوش فتحته وظليت ابجي من تصرف امجد شلون احرجني كدام الطلاب خلصت بدلت وطلعت  وخليت مكياج خفيف  وبقيت شويه كاعده بعدين نزلت سلمت على ماما واني اتصنع الفرح كدامه هي ردت عليه السلام وكامت صبت الي غده كعدت اريد اكل ما اشتهي حسيت شيء بمعدتي يأذيني فأكلت شيء خفيف وكمت ترخصت من ماما لان كولش جنت تعبانه ورحت لغرفتي ظليت متمدده ع جربايتي وحسبه تاخذني وحسبه تردني الى ان غفيت ونمت ما حسيت اله دنيه العصر واسمع واحد يحجي ويايه من الالم اللي براسي مكدرت افتح عيني زين مسحت عيوني عاينت هاي حنان جانت تصحي بيه وتحجي ويايه كعدت سلمت عليه هي ردت عليه السلام ظليت احجي وياهة وهي جانت تتعذر نيابه عن امجد واني كلت اله عادي بس قلبي 💔 جان حيل يوجعني ومتأذيه من تصرف امجد   هي ظلت تحجي انو امجد عصبي وهو حجه بسبب غيرته عليج وحبه الج  اني ظليت بس ساكته واسمع اله بعدين كلت اله هو دزج الي هي دنكت راسه 😔كالت بصراحه لا هو بعده عصبي وحتى ما قبل يتغده 
انوب مرت علينه موجت هدوء  وراهة ندك الباب طلعت مريم فتحت الباب واجت تركض على حنان كلتله امجد عيونه حمر من العصبيه مبين عليه حيل عصبي ويكول اريد حنان
عاينت عليه حنان كالت راح اروح اشوف هذا الخبل شيريد  مني
طلعت حنان بسرعه اني نزلت وراهة اوصله هي فتحت الباب وصار امجد كدامي عاين عليه ودار وجه وراح هو وحنان واسمعه يكول اله وين رحتي تعاي صبيلي اكل اريد اكل    هي دخلت وبعد ما سمعت صوت رحت دخلت جوة ظليت الهي نفسي بالشغل  لحد ما صار الليل صارت ساعه عشرة كلت ماكو داعي اروح لان اعرف مراح يجي رحت لغرفتي وتمددت واني مالي واهس بشيء
نروح شويه لامجد
من شفت الولد يكول هذني يأشرن الي رفعت راسي اشوف منو ذني شفت حنان باله مو يمنه وريم واكفه تعاين وتضحك اني حيل انقهرت طبعا متحملت ورحت جريته وصار اللي صار واللي تعرفوه انتم دخلت لبيتنه حتى سلام ما سلمت وصعدت لغرفتي كمت احجي واسب وووو امور اخرى بعدين صعدت حنان كالت تحب اصبلك غده كلتله كلشي ما اريد كالت اوك براحتك وراحت واني ظليت اروح وارد بالغرفه مثل المخبل واحجي بيني وبين نفسي ليش هيجي ريم تتصرف وكمت اكسر اي شيء كدامي  واعيييط بصوت واضح امي كامت تصيح يمه امجد شبيك خيرك ليش هيج عصبي  .صاير شيء نزلت اله حنان لاماما لتخافين ماكو شيء تغدت حنان وصعدت لغرفته ظلت بيه لحد العصر شفته طلعت كلت اكيد راحت لريم وفعلا هي راحت لريم اني احترك كلبي ورة ربع ساعه لحكت حنان حتى اصيحه وبطريقي هم ردت اشوف ريم حتى لو المحه بنظرة خاطفه وفعلا شفته بيني وبين نفسي تصورت من اشوفه راح ارتاح بس من شفت علامات الحزن على وجه ضجت اكثر ورغم هذا ظليت مصمم على زعلي منه صار الليل وقرب الوقت اللي التقي بيه بريم بس كلت لا ما اريد اشوفه رحت لغرفتي طفيت الضوة وحطيت راسي ونمت بس ظليت الليل كوله اتكلب عبالك مضيع شيء مكدرت انام وظليت لوجه الصبح اله كدرت انام واهدأ
نرجع لريم
ريم اني هم خليت راسي عالمخده بس عيني ما اخذت نوم ظليت قريب صلاة الصبح صليت ونمت شويه وكعدت رحت غسلت وفرشت اسناني وبدلت تنورة سوده مثل ترتيب السمجه وقميص لونه رصاصي فاتح وعليه ربطه شفاف سودة ملمعه مشطت شعري ورفعته ونزلت خصلات بسيطه وخليت مكياج خفيف ونزلت شفت ماما ومريم   وبابا كاعدين يتريكون كلت صباح الخير ردو عليه صباح النور كعدت اتريك وكلت لبابا اريدك اليوم توصلني انت بابا رد ليش مو ترحين ويه حنان وامجد  طلعت عذر لبابا انو امجد اليوم يمر على ابن خاله واني اخجل اصعد وياهم كلي بابا ميخالف اني اوصلج عاينت لمريم مخلصه ريوكه كلت اله روحي لحنان بلغيهة خاف يظلون ينتظروني كالت اوك
راحت مريم لبيت حنان دخلت الهم لكت امجد   كلتله امجد ريم اليوم تروح ويانه بابا راح يوصله هو راد عليه براحته  اني من كالت الي مريم هيج حيل انقهرت طلعت اني وبابا ومريم رحنه وصل مريم للمدرسه بعدين اخذني للجامعه وراح للدوام اني ظليت هناك لحد ما شفت حنان وامجد وصلو للجامعه اجتني حنان ورحنه اني وهي للمحاضرات وامجد عاين عليه من بعيد وراح اني سويت روحي ما مهتمه دخلنه للمحاضرة الاولى وكلشي مفهمت منه لان بالي مو يمه والمحاضرة الثانيه والثالثه خلصت المحاضرات وردت اطلع حنان لحت عليه انو اروح وياهم اني مقبلت بعدين كالت اذا مترحين ويانه ازعل عليج طبعا قبلت لان ما اكدر على زعل حنان وهي صديقة العمر
نروح لامجد من اجتني مريم كالت ريم راح تروح ويانه اني حيل انقهرت لان مراح اكدر اشوفه اليوم ولا اسمع صوته صح زعلانه عليه بس هواي مشتاق اله سويت روحي ما متهم كلت اله براحته اخذت حنان ورحت وصلنه للجامعه شفت ريم من بعيد بس هي ظلت تحجي ويه حنان وما اهتمتلي رحت اني لمحاضراتي شفت صديقي اللي البارحه حجه حسيت مو ع بعضه من خلصت المحاضرة اجه عليه تعذر مني كال اني اسف عن الموقف اللي صار البارحه بس اني  جنت اتشاقه وحجيت هيج بس الله شاهد البنات مو يمي ولا مأشرات الي واني عبالي صديقات الك حبيت اثير غيرتك واشاقيك  لا اكثر ولا اقل واخواتك هنه اخواتي  واني اسف جدا اسف ياريت تقبل اعتذاري
دكيت على كتفه وكلت اله ولا يهمك ابو الشباب حصل خير ان شاء الله بس مرة ثانيه لا تعيده لان بنات الجامعه اعتبرهن كولهن اخواتك واحترمهن
هو دنك راسه خجلانه وكلي اي والله كلامك صح
طلعنه وظلينه نفتر وندخل من محاضرة ونطلع من محاضرة واني افكر شلون ظلمت ريم واذيته واتمنى اكدر اشوفه واعتذر منه وياريت تقبل اعتذاري وبصراحه لمن شفت ريم هي وحنان جايات عليه مصدكت روحي حيل فرحت بشوفته لمن وصلن حنان تقربت وريم ظلت واكفه بعيد استغربت اجتني حنان وحجت وياي كلتلي امجد ريم راح تجي  ويانه نوصله لبيته بس ممنوع تحجي وياهة كلمه اني قبلت المهم اكدر اشوفه راحت حنان وجابته تقربت يمنه اني رفعت راسي وكلت اله شلونج ريم هي هزت راسه بزينه بس بدون متحجي ضجت لان عرفت هي بعده زعلانه صعدت ورانه وحنان بس تحجي وياي واني بالي كله يم ريم شلون اصالحه وصلنه قريب بيتهم وهي ما فكت حلكه بكلمه نزلت من السيارة سلمت ع حنان وراحت واني مكلتلي ولا كلمه بصراحه حيل ضجت بوكت حسيت انو ريم حيل زعلانه مني دخلت السيارة ورحت للبيت صعدت للغرفه ومددت ع السرير وفكرة تاخذني وفكرة تردني وما اعرف شلون راح اعتذر من ريم .........
للقصه تكمله نلتقيكم غدا بأذن الله