احببت جارتي ولكن

ازداد عشقا له

حبيبي بين يديك
اشعر بأني املك العالم
ويصغر كل شيء حولي
ويكبر الحب الذي بداخلي اليه 😍

لما تركت امجد رحت نمت وصار الصبح وكعدت على صوت العصافير احلى صوت كمدت رتبت غرفتي دخلت غسلت وغيرت ملابسي حتى اروح للدوام نزلت لكيت ماما مجهزة الريوك تريكت وحظرت نفسي سمعت الباب ندك طلعت شفت حنان تحجي ويه بابا تبلغه حتى اجهز نفسي واروح وياهم فرحت جدا لان معناهة امجد صار زين دخلت جبت حاجاتي وجنطتي ورجعت بست ماما وودعته وطلعت شفت امجد يطلع سيارته سلمت عليهم ردو عليه السلام شفته حبيبي ماشاء الله صحته متحسنه سالته عن وضعه الصحي كال الحمد لله اليوم احسن
صعدت بالمعقد الخلفي حرك سيارته وانطلقنه مسافه عن محلتنه ركن السيارة ع صفحه وكالعادة نزلت حنان كعدت ورة واني كعدت بالمقعد اللي بجانب امجد عاينت عليه ابتسم بوجهي وكلي شلونج حبيبتي
رديت بخجل😳تمام بشوفتك
ابتسم وحرك السيارة وفتح اغنيه كاظم الساهر اغازلك غصبا عنك غصبا عنك ترضى ما ترضى
وظلينه هيج لحد ما وصلنه للجامعه نزلت حنان ردت انزل سحب امجد ايدي وكلي اريد احجي وياج
كلتله ها امجد هم توجيهات
ضحك وكال لا حبي مو توجيهات بس فهميني اني احبج واغار عليج لخاطري تحمليني
جاوبته اوك ميكون خاطرك اله طيب
ابتسم وكلي تسلميلي حبيبتي
نزلت وهو ركن السيارة بالكراج ورحنه نتمشى للجامعه بعده افترقنه كلمن راح لمحاظرته وكالعادة كان اليوم يسير بشكل جميل وسريع خلصنه المحاضرات ورحنه اني وحنان ننتظر امجد يجي النه
امجد اجه يركض من بعيد سلم علينه وصعدنه وياه بالسيارة وبقينه نحجي عن يومنا شلون سار بدون وشنو الاحداث اللي صارت ويانه ومواضيع كثيرة
نسينه نفسنه دخلنه قريب المحله واني كاعده بالمقعد الامامي وامزح واضحك مع امجد وحنان بالطريق شفنه يوسف يأشر النه توقف امجد سلم علينه يوسف وطبعا يوسف هو جيرانه ردينه عليه السلام بقى يحجي ويه امجد وكال اله العصر محتاجك بشغله اذا تكدر تاخذني بسيارتك امجد وافق بسرعه يوسف سلم علينه وراح وامجد التفت شافني اني يمه ضرب ع وجه وكال اني شلون نسيتج ساعته انتبهت ركض نزلت وبدلنه اماكنه اني وحنان بس امجد ظل يأكل بكلبه خاف يوسف يحجي شيء واتأذة بسببه اني وحنان كنا نهدي بيه ونكوله لتخاف يوسف ميحجي طول عمره ميدخل بأحد وهو يكول كافي لا تدافعن عنه انت شتعرفن منه وهيج تحجن وصلنه ذبني يم بيتنه واخذ سيارته دخله جوة بيتهم اني رحت لبيتنه لكيت ماما وطبعا نفس الروتين اسلم ع ماما اغير ملابسي واصب غده واتغدة واروح احظر محاضراتي الجاية 
نروح لامجد لمن وصلت للبيت ظليت  افور شلون خاف يوسف يسويله شغله ويحجي على ريم واحجايه تاخذني وحجايه ترجعني الى ان صار العصر تذكرت يوسف طلب مني اروح وياه بشغله حظرت نفسي وبدلت وترخصت من اهلي ورحت اتمشى لبيت يوسف دكيت الباب طلع يوسف لكيته محضر نفسه اخذته وطلعنه طول الطريق نحجي
امجد ..ها يوسف شنو الشغله اللي تريد تروح بيه
يوسف ..والله اطلب ولد هنا فلوس ومحتاجهن هالفترة كلت اروح اشوفه بلكت ينطينياهن
امجد ..احتمال ما عنده ؟!
يوسف ..اذا ما عنده امري لله انتظرة وما اعسر عليه
امجد ..كفوو منك
يوسف ..لعد شسوي يخوي اني دا اشوف حاالي شلون اضايق الناس
امجد ..يوسف ليش ما تكمل دراستك
يوسف ..يخوي هو طايح بيدي وما كملت بس الجامعه مصاريف واني مو كده
امجد ..ادري يا يوسف الشهادة باجر عكبه تفيدك وراهة مستقبل الك وحتى من تريد تتزوج وعندك شهادة العروس تقبل بيك 😂😂😂😂
يوسف 😂😂😂😂😂ليش المرة ما تجي صايرة اله بشهاده
امجد هههههه اي صايرات بالخطبه يطلبن شهاده
يوسف .ههههههه لعد اذا هيج اني ضامن حبيبتي توافق بيه لان هي راح تاخذ شهاده واني مستعد انتظرهة لحد ما تخلص
امجد ...🤔🤔ليش ابو الشباب انت تحب
يوسف ..اي والله خويه وغركان بحبه يوميه اشوفه بيوم اللي ما اشوفه احس نص عمري خسارة عايشه
امجد ..لهاي الدرجه تحبه
يوسف ..لهاي الدرجه واكثر لان هي تستاهل الحب
امجد ..عاد من المنطقه من خارج المنطقه
يوسف ..لا يخوي من المنطقه وانت شايفه وحاجي وياه
امجد ..منو هي
يوسف...لا لهنا وكافي تحقيق اكثر من هيج ما اكدر اوضحلك بس وربك اذا اهله ما انطوهة اخذه واشرد بيه
امجد .. ليش تشرد بيه اخطبه من اهله
يوسف ..اكيد اخطبه بس اني خليت احتمال بس
امجد ..لا ان شاء الله يقبلون  وتصير الك
يوسف ..الله يسمع منك
امجد ..مدام هي تحبك وانت تحبه محد يكدر يفرقكم
يوسف ..اكيد تدري حتى هي متكدر تتخلى عني احنه واحد مرتبط بالثاني بشكل مو طبيعي
امجد ..تدري تفاجئت اول مرة اسمع قلب يوسف يدك واخيرا
يوسف ..اي يخوي قلبي واكع بالحب ومنتهي امره
امجد ..الله يوفقكم يارب
يوسف ..الله يسلمك بعد روحي ...خويه هذا بيت الولد اوكف هنا خلي اشوفه
نزلنه دكينه الباب طلع ولد شاب عمره بالعشرين وجه بشوش ومبتسم رحب بينه وطلب ندخل لكن احنه عارضنه وكلناله والله نريد نروح مستعجلين حجه وياه يوسف على الفلوس الولد ما قصر انطاه الفلوس وكام يتشكر منه ترخصنه منه ردنه نروح لح علينه اله نتعشه وياه بالكوة اله خلصنه نفسنه منه ورجعنه للبيت يوسف راح لبيته واني رجعت لبيتنه
ظليت افكر بكلامه منو هاي البنت اللي تدرس وتريد تتخرج المشكله اني ما اعرف كل بنات منطقتنه ويوسف اكثر علاقته بيتنه وبيت ابو ريم معقوله ريم لا ما معقوله كمت اضرب ع راسي اني شلون افكر هيج ريم تحبني مستحيل هيج تسوي وياي وتخوني
ياربي ابعد عني هاي الافكار الشيطانيه رحت كعدت يم اهلي حتى الافكار متظل تفتر براسي صليت المغرب وتعشيت وكعدت يم اهلي اتابع تلفزيون لان باجر يصادف عطله فكلت ابقى يمهم لمن تصير بالعشرة اصعد اشوف ريم مشى الوقت بسرعه ترخصت وصعدت لكيت ريم بعده صراحه تعصبت ليش هيج تتاخر  ظليت اعاين شفت سطح بيت يوسف قريب بيت ريم ورجعت الي الافكار الشيطانيه معقوله ريم هي المقصودة وليش يوسف كلي يمكن لان شافه اليوم وياي وحب ينبهني انو ريم اله ظليت افكر لحد ما سمعت باب سطح ريم انفتح عاينت شفته اجت مبتسمه وتقربت مني وكالت شلونك حبيبي
بصراحه من شفته شكد جنت اشوفه ملاك بهذا اليوم ما اعرف ليش شفته شيطان
رديت عليه بعصبيه تمام وانتي
هي كالت يمه يمه اليوم عصبي
جاوبته لا مو عصبي
كالت لعد ليش هيج تحجي
كلت اله ممكن اعرف ليش تأخرتي
جاوبت لا ما تأخرت بس اهلي توهم نامو وصعدت
جاوبته امممممممم😏اوك مسامحه
ردت ليش اني غلطت بشيء
جاوبته لا حشاج ماكو غلط
كالت شبيك اليوم احسك مو طبيعي
جاوبته ليش شفتيني مخبل واشلع شعري
كالت لا حشاك اسفه خاف ضوجتك 
بيني وبين نفسي اني ما اعرف ليش هيج تصرفت ويه ريم مع العلم ما شفت عليه شيء من احنهواطفال لحد هذا اليوم وريم هي حب الطفوله ربيته على ايدي بحياته ما غلطت بشيء بس هذا الشيطان اللي بداخل عقلي ما راضي يطلع ودا يحجي ويحجي براسي والمشكله اني اسمعه ظلينه نحجي اني وريم لحد ساعه وحده كالت نعست لازم اروح انام اني كلت اله براحتج هي راحت اني بيومه ظليت للساعه ثنتين اراقب سطحهم خاف تطلع وتروح تقابل يوسف بس مصار اللي فكرت بيه وراهة رحت نمت واني بالي مشغول وتفكير دمر عقلي ثاني يوم الصبح كعدت سمعت حنان تكول رايحه لريم خطيه اليوم الفجر واكعه من الدرج ورجله مفصوخه
اني صفنت كلت معقوله تقابله الفجر 🤔🤔🤔
نروح لريم
لمن تركت امجد رحت نمت بس ما ببالي شيء كلت يمكن عصب عليه لان تاخرت عليه نمت وكعدت ع صوت اذان الفجر كعدت دا اروح انزل جوة اصلي واقرة قرآن فما اعرف شلون فقدت التوازن ووكعدت من الدرج وانفصخت رجلي ابويه كعد ع صوت وكعتي واجه يركض اني من الالم ظليت ابجي  وهو يهدي بيه بعدين جابلي باندج وشد رجلي شويه حسيته احسن وانطاني مسكن الالم شربت وطلب مني ابقى جوة لان خاف يتضاعف عليه الالم صليت وقريت قرآن وبقيت جوة لساعه تسعه اجتني حنان تتحمدلي ع السلامه ظلت شويه يمي وراحت

نكمل بقيه القصه ليوم غد ان شاء الله