احببت جارتي ولكن

الحيرة قتلتني

احيانا تصبح معنا  امور تجعلنا في حيرة من امرنا نخشى ان نخطو خطوة للامام وبسبب هذه الخطوة تجعلنا نندم من مستقبل لا نعلم ما هو  مصيرنا فيه
لكن لا بأس من التجربه احيانا التجربة تعلمنا كثير من الامور ..
بهذا اليوم ظل كلام امجد يفتر براسي شنو راح يكون قراري وشنو راح اجاوبه ما اعرف اخيرا لحد ساعه وحده بالليل استسلمت للنوم وما حسيت على روحي اله صايرة ساعه ثمانيه اول مرة هيج اتأخر بالنوم كعدت ونزلت جوة لكيت ماما محظرة الريوك كلتلي تعاي اتريكي رحت غسلت وجهي ورجعت كعدت اكل وكنت اخلي لكمه بحلكي واصفن من اذكر كلام امجد لهناك اندك الباب ماما جانت برة فتحت الباب وجان تطلع هاي حنان بصراحه فرحت بوجوده كلت شويه انسه اللي دا افكر بيه اجت حنان شافتني كاعده اتريك كعدت وياي وحقيقه سوتلي واهس ع الاكل ظليت اكل وياهة ونسولف ونضحك بعدين كمنه رتبنه المطبخ ورحنه اني وهي للصاله كعدنه وحدنه حسيت حنان مو طبيعيه سالته شبيج مجاوبت ظليت الح عليه كلتلي حنان ريم راح اكولج شيء بس لا تفهميني غلط
جاوبته اوك احجي شبيج
كالت حنان اني دزني امجد الج
جاوبته شنوووو شتكولين
هي حسيته مثل اللي خافت او انحرجت كالت والله هو لح عليه لان صديقتج المقربه وصراحه اول مرة اشوف امجد هيج ريم ترة امجد صدوك يحبج ويريد يتقرب منج
ريم ..بس يا حنان انت تعرفين امجد شلون جان يعاملني
حنان ..صح ريم بس ما اعرف ليش حسيت امجد تغير وصار انسان ثاني
نزلت راسي وظليت صافنه وحيرة اكبر من الحيرة السابقه بس حنان اني عندي ثقه بيه ومستحيل تخدعني بشيء رفعت راسي وعاينت عليه هي ابتسمت بوجهي وكالت ريم اني احبج واتمنى يجي اليوم اللي تنورين بيه بيتنه وتصيرين جنه لبيتنه
اني خجلت من كالت الي هيج وبنفس الوقت حسيت بفرح بعدين هي رجعت حجت وياي كالت الي يعني اليوم راح تقابلين اخويه وتحجين وياه
اني نزلت راسي وهزيت اكتافي بانو ما اعرف محتاجه افكر
هي جاوبتني خلاص مراح اضغط عليج بس صدكي امجد يحبج ويموت عليج لتضيعين امجد من ايدج
اني ظليت ساكته واعاين عليه
بعدين هي كامت  تريد تروح
اني كلت اله وين رايحه
كالتلي منطيتيني جواب شافي اني راح اروح للبيت عندي كومه شغل سويت اللي عليه وبقى كولشي بيدج اني سكتت ما جاوبته وهي راحت لبيتهم واني بقيت بحيرتي شنو اسوي وشلون اتصرف المهم التهيت بالشغل واجت ماما كلتلي اليوم بيت خالتج راح يجون يمنه ع العشه ما اعرف اول مرة اضوج ليش وشنو السبب بس ضجت المهم كمت اساعد ماما حظرت الغده تغدينه وكعدت اعاين ع التلفزيون جان باديه مسرحيه حلوة لعادل امام تضحك ظليت اعاين عليه اني وبابا  ومريم
ماما كانت تعبانه راحت نامت واحنه بقينه نعاين ع المسرحيه لحد ما خلصت بعدين رحت سويت جاي لاهلي  وماما كعدت صبيت جاي
وبدينه اني وماما ومريم نحظر البيت ونجهز العشاء ساعه اربع العصر اجتي خالتي ورجله وبناته ثنين
وابنه الكبير عصام دخلو كمت رحبت بيهم اني واهلي ودخلناهم للاستقبال ورحنه احنه وبنات خالتي للمطبخ نتعاون حتى نجهز الاكل ونصب وبين سالفه وضحكه والوكت جان يمر واني محسيت بشيء الى ان   صارت ساعه فوك التسعه ونص صدفه عاينت ع الساعه ما اعرف ليش حسيت بندم لان مرحت اله وظليت الوم نفسي  واني احجي والوم نفسي ترخصت من بنات خالتي ورحت صعدت فوك ما اعرف ليش بس يمكن جان عندي امل الكاه فوك رحت وكل خطوة كانت تاخذني الف فكرة الى اي مصير دا يسوقني القدر بس كنت واثقه انو اني ع الطريق الصحيح ومشيت واني اريد المسافه تكصر بس حسيته جانت كلش طويله وبعيده الى ان  وصلت فوك عاينت مشفت شيء جان ضلام في ضلام تقربت واني كولي امل الكاه تقربت يم سياج السطح وجان اكو رجفه بجسمي ودكات قلبي كامت تتسارع الى ان وصلت عاينت مشفت شيء حسيت بالم قوي عاينت مرة ثانيه مشفت شيء  كلت يمكن اجه ولما شاف اني ماكو راح من حقه لان اني تأخرت عنه كمت سحبت ايدي من سياج بيتهم ودرت ظهري ونزلت بهدوء وكعدت وخليت ظهري على سياج بيتهم وظليت صافنه حسيت برغبه بالبكاء بس ما بكيت ظليت ساكته وكلت اني مهمله مكان لازم اتاخر خليت راسي على رجليه وظليت صافنه شويه سمعت باب سطحهم ينفتح فرحت حسيت بسعاده كلت يمكن هاي حنان خلاص اني افهمهة على كولشي كمت بسرعه وفريت جسمي قوي ما حسيت اله امجد ورايه واكف مبتسم ويعاين اليه ويكولي قلبي حس انتي فوك واجيت ركض اني ابتسمت ودنكت راسي هو تقرب مني وكلي رفعي راسج خلي اشوف عيونج رفعت راسي شفت عيونه وحسيت بخجل رجعت دنكت راسي هو تقرب ورفع راسي بيده وكلي بصوت قريب الهمس احبج ..احبج ..احبج
اني ضحكت ونزلت راسي ردت افلت من يمه هو سحبني صح كان بيني وبينه سياج بسيط بس كان سياج ناصي وهو كان مسيطر محسيت روحي اله اني صرت بين ايديه وصار وجهي قريب صدره شميت عطره كان يجنن كلي لا ترحين اريد اسمع منج كلمه جاوبته بارتباك شششنو
كال اريد اعرف اني تحبيني
جاوبته انت مو كلت اذا اجيتك معناه وسكتت ..
كال اي معناه شنوووو
كلتله معناهة ونزلت راسي وحجيت بصوت ناصي معناهة احبك
هو كال شنو ما سمعتج
كلت اله احبك
كال شنو وجاب اذنه و خلاهة يم حلكي وكلي شنو
كلتله احبك
عاين عليه وضحك ضحكه قويه وكال واني اموت عليج
بصراحه فرحت من كال هيج بعدين سألته كلتله توقعت انت جيت بالتسعه
عاين عليه وكال ومنو كال الج ما اجيت اني اجيت وظليت هنا عشرين دقيقه ضبط ورحت اشرب ماي لان جنت ناوي اليوم ابات بالسطح من سمعت عدكم خطار
عاينت عليه وكلتله من كل عقلك تنام فوك
كال اي ابات وليش ما ابات علمود حبيبتي كلشي اسوي
صفنت عليه واني اسمعه يكول كلمة حبيبتي
ياربي شكد حلوة تطلع من حلكه
بعدين كولتله امجد
رد عليه عيوني
كولتله عدنه خطار لازم اروح خاف يفقدوني
كال اوكي حبيبتي بس باجر لازم تجين يمنه اريد اشوفج ونحجي فوك هم بعد ما اكدر على فراكج
اني عاينت عليه وابتسمت اله وكلتله اوك ان شاء الله على باجر ردت اروح سحبني اله وطبع بوسه بخدي وكلي احبج حبيبتي
اني بصراحه حسيت روحي تكهربت ما اعرف شنو صار وياي اريد امشي ما اكدر حسيت روحي مخربطه واني امشي واشوفه واكف وهو يضحك ويعاين الي وكل ما التفت يغمزلي بعيونه اخيرا نزلت وبقيت جوة يحجون ويايه بس بالي مو يمهم ظل بالي كوله يم امجد وتمنيت ارجع احجي وياه ما عبالي الحب هيج يسوي بالواحد بعدين راحو بيت خالتي واحنه هم رتبنه البيت ورحنه نمنه بس اي نومه هاي اللي نباكت من عيني وباجر شنو ينتظرني بهاي العلاقه الجديده الله اعلم