احببت جارتي ولكن

حب جميل

مرحبا اعزائي اسفه لان نشري قليل لكن متابعين القصه هم قليلين لذلك احس ماكو تشجيع لكن راح استمر الى ان احقق نجاح معكم( مريم التميمي )
احببت جارتي ولكن
اليوم كان يوم جديد حسيت بنشاط غريب وسعادة بداخلي فتحت الراديو سمعت اغنيه لكاظم الساهر  اغازلك غصبا عنك غصبا عنك ترضى ما ترضى
ظليت اشتغل واغني وياه
الله عليك يا قيصر الغناء تجنن كولك احساس
حظرت الريوك كعد بابا كلي صباح الخير بنتي
اني رفعت راسي ابتسمت بوجه بابا وكلتله صباح النور بابا حبيبي
كلي اليوم كاعده من وكت وفرحانه
عاينت عليه وضحكت ودنكت راسي
هو جاوبني الله يسعدج بنتي ..صبيلي جاي اريد اتريك واطلع وخلي امج نايمه لان البارحه تعبت
جاوبته صار بابا صبيتله جاي وانطيته ريوك كعدت يمه تريكت وظلينه نتريك ونحجي بمواضيع عامه بعدين بابا اخذ سويج السيارة وكال بابا اني رايح للدوام
اني جاوبته ..اوك بابا الله معك
طلع بابا حرك سيارته وراح واني دا اسد الباب هي سده للباب وهي دفعه قويه بصراحه ارتبكت وخفت لمن رفعت راسي دا اشوف منو دفع الباب هيج شفت امجد واكف يعاين عليه ومبتسم كلي صباح الخير حبيبتي
اني خجلت منه نزلت راسي ..وجاوبته صباح النور
دنك عليه كلي صباح النور شنو ؟؟؟
اني سكتتت
هو عاد السؤال
ظليت ساكته واحس وجهي صار احمر حيل خجلت والحرارة صعدت بعيوني
كلي ما اسكت اله تكوليلي صباح النور شنو ؟؟
احب اسمعه منج اريد احس بحبج الي يلا كولي
جاوبته بصوت ناصي صباح النور حبيبي حسيت روحي مختنكه من ورة الخجل واحس كلبي يريد يطلع من بلعومي من الخجل
هو نزله راسه وكلي شنو ما سمعتج
جاوبته صباح النور حبيبي
هو ضحك بصوت واضح بس مو كلش عالي بعدين تنهد وكال اااااااه هسه ارتاح كلبي
احبج
احبج
احبج
احببببببببببببببببج
لزمت حلكه كلتله كافي راح تفضحنه اهلي منا والجيران 
هو كلي محد يهمني اللي يهمني انتي وبس انتي صرتي كل حياتي كل روحي كل دنيتي احبج ريم احبج
اني خجلت منه ودنكت راسي
هو تقرب مني ظل يحجي وياي كلي جنت دا اجيب ريوك شفت ابوج يريد يطلع السيارة وسمعتج تكوليله الله معك بابا اني فرحت من سمعت صوتج ظليت ورة بابنه انتظرت ابوج يروح حتى اشوفج بعد ما اتحمل ريم صاير ما ارتاح اذا ما اسمع صوتج واشوفج كلي راح اروح اجيب ريوك وارجع مو تنسين اليوم تجين راح ادز حنان تعزمج ع الغدة يمنه مو ما تجين اريد اشوفج احجي وياج اني كوتله اوك ان شاء الله
هو عاين عليه كلي اللي يكعد من النوم هيج يطلع حلو
انت ابتسمت وسكتت تقرب مني واني ابتعد بعدين ما حسيت اله هو سحبني وحضني خلى ايديه على خصري وتقرب مني وباسني بخدي ردت ابتعد منه مكدرت جان حاضني بقوة وحسيت فاقد لدرجه ميسمعني واني اكوله امجد ابتعد عني ما اسمع منه غير كلمه يكولي انتي الي انتي ملكي مو ملك احد ظل يبوس بوجهي بعدين باسني بشفتي حسيت روحي فقدت نفسي ونسيت روحي وياه بعدين حسيت ع روحي دفعته كلتله امجد هاي شدا نسوي احنه رفع راسه كلي ريم انتي حبيتي وراح تصيرين مرتي وام جهالي
كلتله ميخالف ميصير هيج نتصرف
هو اعتذر مني وابتعد كلي رايح اجيب ريوك تحتاجين مني شيء
كلتله سلامتك
عاين الي وجرني من خدي وغمزلي وراح اني ظليت اعاين وراه وهو يتمشى ويلتفت الي ويضحك بعدين سديت الباب ودخلت جوة
ظليت اشتغل وارتب البيت وجهزت غدة صارت ساعه عشرة كعدت ماما ومريم حتى يتريكون كملو ريوك وبهاي اللحظه اندك بابنه كمت فتحت الباب طلعت حنان بوجهي بوستني وسلمت عليه دخلنه اني وهي نسولف ونضحك سلمت على ماما ومريم
ردو عليه السلام وماما كالت اله شلونج خاله حنونه هي ردت اني بخير خاله وانتي
ماما جاوبته بخير الحمد لله خالة تتريكين نصبلج ريوك
جاوبت حنان لا خاله شكرا تريكت واجيت
اكولج خاله اريد ريم تروح ويايه تتغدة عدنه
جاوبته امي كلتله  صار خالاتي اخذيه يووم ريم حظري نفسج وروحي ويه اختج
اني ع السريع رحت بدلت وحظرت نفسي ورحت ويه حنان كلت لمريم تجي ويانه بس هي مقبلت سلمت على ماما ورحت لبيت اهل امجد دخلنه اني وحنان نسولف ونضحك فتحنه الباب لكينه امجد واكف وساند روحه ع السيارة وشابك ايديه ومدنك راسه ويمكن كان يدندن باغنيه بس مسمعته زين لمن دخلنه هو وكف على حيله والابتسامه ماليه كل وجه وواضحه حتى بعيونه شافته حنان وضحكت كالت هاج شوفي واكفلج بالباب ميتحمل
اني خجلت من كلامهة ودنكت راسي
هو صاح عليه امشي لج يلا ولي عبالك مسويتلي فد معضله .
بعدين التفت الي وكلي شلونج ريم
جاوبته بارتباك اني تمام الحمد لله
حنان صاحت  يلا ريم تعاي دخلي وياي انت مو خطار تعاي ساعديني نحظر الغدة
اني هزيت راسي بأي
التافيت اريد اتحرك
امجد سحب ايدي وعاين عليه وكال واني ؟؟
اني عاينت عليه بوسع عيوني 🤤عبالك وحده مخروعه كلتله هااا
كلي شبيج اني اريد احجي وياج
سحبتني حنان من ايدي وكلتله اي تعال للمطبخ واحجي براحتك
مشت حنان وهي تسحبني من ايدي واني امشي وراهة والتفت عليه وهو يمشي ورانه ويضحك ويكول والله هاي حنان خبله
رحنه للمطبخ لكيت خالتي ام امجد هي فرحت من شافتني سلمت عليه وهي ردت عليه السلام ورحبت بيه وهي تضحك ظلينه اني وحنان نتساعد بالطبخ وخالتي وامجد جانو كاعدين على المائدة يسولفون ويضحكون وامجد جان كل فرصه تصير يعاين عليه لو يبتسم الي لو يغمزلي لو يكلي احبج بحركه واضحه بشفايفه لو يدزلي بوسه بالهوة وطبعا كل هذا جان يسبب الي ارتباك واخربط بالشغل من وراه انوب خفت لا اكسر شيء وخالتي ام امجد تكول عليه فاهيه يمه شكد عيب 😳
ما خلصنه الغدة اله بطلاع الروح صبينه وكعدنه كولنه ناكل عمو ابو امجد اتأخر بالدوام
احنه كعدنه على المائده ناكل وصار امجد كدامي كل شويه وضرب رجلي برجله حنان حست بيه كامت اشرتلي هي كاعده يمي كلتلي رفعي رجليج اني رفعتهن
وهي خلت رجليهة يم رجليه لهناك هو نزع حذائه وكام يسوي حركات برجليه على رجل حنان وحنان الخبله طاكه من الضحك واني بصراحه عيوني دمعت من الضحك وهو باله مو يمنه بعدين خالتي صاحت ع حنان ليش تضحكين ويه الاكل ولج كلتله لا ماما مااضحك بس هذا ابنج يدغدغ برجلي واني اضحك امجد انتبه لكلامهة نزل جوة المائده شاف رجله على رجل حنان  عاين عليه خزره وخزرني وكام غسل وطلع ضايج التفت ع حنان كلتله اليوم شيخلصنه
كالتلي استلمي بعد اني معليه وهي تضحك ههههههههه😂😂😂😂😂😂
اني ظليت صافنه كوة جرعت اللكمه لان هو من يعصب يصير غير انسان
المهم حنان غسلت وسوت جاي وخالتي راحت يمه للصاله اسمعه تحجي وياه بس جان مبين عليه شويه ضايج 
اني كمت غسلت وساعدت حنان بالمطبخ رتبناه واخذن الجاي للصاله رحنه ظلينه كاعدين شفته وجه ثكيل وميحجي بعدين حنان كالت تعالي ريم جهزت غراض من السوك تعرفين دوام راح يبدي خلي اراويهن الج رحت وياهة لغرفته ترخصنه وطلعنه هو ما جاوبنه ظل مخلي اهتمامه يم امه اني خليت وطلعت من يمهم وخالتي كالت براحتجن رحت يم حنان بس بالي كوله يمه يا الله هذا الولد ميتحمل شقه وهاي الخبله داست وياه
لحظات وشفته دخل لغرفته صايرة كدام غرفة حنان
بس ما عاين ولا اهتم الي
اني حسيت بحزن ونزلت راسي سويت نفسي مهتمه لكلام حنان لهناك خالتي صاحت لحنان
حنان ترخصت مني وراحت واني ظليت مخليه بالي يم الاغراض اللي مشتريتهن حنان ما احس اله واحد دخل وسد الباب وراه وعاين عليه وكلي ها تضحكين عليه
اني اعلمج شلون تضحكين
رفعت راسي وشفته واكف كدامي
حسيت جسمي انتفض وصراحه خفت منه
هو يمكن حس بيه اني خفت رأسا سوة حركه بعينه وابتسم
اني اطمنت شويه
اتقرب مني وباسني بخدي
وكلي لا تخافين حبيبتي اني ما زعلان منج
كلتله احنه كنا نتشاقه وياك هو كال اي اعرف
لهذا السبب اني ما زعلان
تقرب مني لزم ايدي وكعدني ع الجربايه وكعد يمي
اني كعدت ودنكت راسي شعري نزل على وجهي
هو التاف بكل جسمه ورفع راسي بيده وايده الثانيه رفع شعري وهمس الي لا تنزلين راسج يمي اريد راسج دوم مرفوع  اني ابتسمت اله واحنه بهذا المنظر دخلت حنان وكالت احم احم نحنو هنا
هو عاين عليهة وكال اله مو اكو اختراع اسمه باب متعرفين تدكين الباب هي تخوصرت وكلتله والله يا حبيبي هاي غرفتي اللي انت كاعد بيهة
هو عاين وضحك ههههه كال اي والله ما منتبه ست حنان  جرني من ايدي كلي تعاي نروح لغرفتنه
اني ظليت كاعده خجلانه
حنان صاحت هي هي وين ماخذه لمن تخطبه وتتزوجه اله ساعته اقبل اني ست حنان تروح وياك لغرفتك
هو ضحك كل قوته هههههههههههههه وعاين عليه كال انوب ما بقت عليه غير بس هاي الخبله عاين عليه وكلي ريم حبيبتي
اني رفعت راسي وكلتله ها
كال اشو بس ها
اني خجلت وسكتت
هو كال ميخالف لا تكولين شيء كدام هاي الخبله خاف تحسدنه
حنان كامت تدردم وتدفع بيه وتكوله يلا اطلع من غرفتي  وهو بس يضحك ويكلي حبي اريد اشوفج يوميه ساعه تسعه بالليل انتظرج فوك وخله وطلع
واني وحنان بقينه وحدنه نسولف ونضحك بعدين ترخصت منه كلت اله لازم اروح للبيت طلعت اريد انزل شفته مدد ع السرير مالته اول ما شافني نزلت طلع يركض صاح وراي وين
جاوبته تاخر الوقت لازم اروح لاهلي
كلي انتظري اني اوصلج
جاوبته لا ماكو داعي البيت قريب
خزرني وكلي من اكول انتظري يعني انتظري وراح يجيب قميصه ويرجع
يمه فدوة شكد حلو وهو يتحكم بيه شعور حلو لمن تحس نفسك انت ملك لشخص واحد وبس
نزلت انتظره اجه يركض ع الدرج وعاين عليه وكلي يلا تعاي اوصلج
سلمت على حنان وخالتي وطلعت
وحنان بس تشمر حجي عليه
وهو يضحك ويصيح عليه خبله شسويلج
طلعت اني وهو نتمشه كلي ريم
جاوبته عيوني
كلي الله تسلم عيونج الحلوة
كلي ريم اتمنى اخلي ايدي بيدج ونمشي سوة اني خجلت ودنكت راسي وجاوبته ميصير الناس تاكل وجهنة  نزل راسه وكلي اللي يجيب سيرتج ادوسه برجلي وانسيه حليب امه
طلعت اتمشى وهو ظل واكف بالباب يعاين عليه لحد ما طلعت ووصلت للبيت فتحت الباب واشرتله مع السلامه
وهو هم اشر الي بمع السلامه
ودخلت جوة لكيت ماما ومريم سلمت عليهن وصعدت فوك غيرت ملابسي وسبحت ونشفت شعري ونمت  على امل يصير الليل والتقي بحبيبي

لهنا خلصت الكم البارت السادس نلتقيكم وبارت جديد ونشوف قصة ريم وامجد وين توصل