احببت جارتي ولكن

سألتقي حبيبتي

الحياة تمضي بوجعها بحلوها وبمرها
ونحن بين هذه الايام
مثل فصول السنه
لما امجد طلب مني ان يشوفني اليوم طبعا اني ما اعترضت
بعده سلمت على امجد وطلعت وتركته حتى ينام ويرتاح واني نزلت يم ماما بعده استرخصنه اني وماما ورجعنه للبيت
رجع بابا ومريم من الدوام واني وماما حظرنه اكل وتغدينه  وبعده كمنه رتبنه المطبخ ورحت صعدت راجعت بعض المحاضرات اللي متوقعه اليوم اخذوهة وراجعته دخلت لغرفة مريم لكيته تدرس لان هاي السنه هي عده امتحانات وزاريه تركته وطلعت نزلت جوة لكيت بابا سلمت عليه ورد عليه السلام وطلب مني جاي وفعلا رحت سويت جاي اله     وصبيتله شرب الجاي وظل يعاين تلفزيون واني رحت جهزت عشه وعفته يتهدر وطلعت ظليت اعاين ع التلفزيون لحد ما اجت ماما كعدت يمنه بقو ماما وبابا يحجون سوة واني خليت وطلعت صعدت لغرفتي سمعت صوت فوك جان تقريبا الوقت ساعه سته استغربت يا ترى منو هذا صعدت فوك لكيت حنان تحاول تسوي صوت فوك حتى اصعد اله رحت سلمت عليه شفته مرتبكه
.شبيج حنان صاير شيء
ريم ولج امجد تخربط واني وحدي بالبيت
ليش اهلج وين
صارت عدهم شغله وطلعو وهسه اني محتارة شنو اسوي
رحت ركض للباب سديته ع كيف وعبرت على بيت ابو امجد دخلنه لغرفة امجد لكينه حراراته حيل مرتفعه وجان يهذي بكلام ما مفهوم ومن بين الهذيان حبيبي جان يذكر اسمي رحت للحمام فتحت الماي بالبانيو وكلت لحنان تعالي ساعديني خلينه نسنده كعدنه امجد ونزعناه الكيمونه اللي لابسه والبيجامه ونزلناه بالبانيو وظلينه اني وحنان نخلي ماي فوكاه لحد ما خفت الحرارة بده يستعيد وعيه راحت حنان حظرت اله ملابس ومنشفه وجابته علاج  الحمد لله بده يتحسن   فتح عيونه شافني اني يمه اخلي ماي عليه كمز لمن شافني كال ريم انتي لو اتخيل اني ضحكت كلتله لا دا تحلم صفن بوجهي وكال احلى حلم ما اريد اصحى منه دخلت حنان كلتله يلا اجاك الكابوس يا بطل عاين عليه كال اله انتي صدك كابوس 
حجيت وياه يلا امجد بلا دلال تكدر تغير ملابسك وتطلع
امجد عاين بضحكه كله مكر وقرب راسه يمي كال لا😏انتي غيريلي ملابسي
رفعت راسي ضربته على كتفه ديلا بلا هالدلال كوم غير واطلع
كام يضحك باعلى صوته صح هو تعبان بس حسيته يضحك من كل كلبه
كال صار حياتي تدللين عفناه اني وحنان وطلعنه
بقى امجد يغير ملابسه راحت حنان تجهزله شيء ياكله واني انتظرته كلت اسلم عليه واروح لاهلي خاف يحسون بيه
طلع امجد مخلي المنشفه على راسه ولابس كيمونه وعضلاته جانت بارزه تجنن اني عدلت اله السرير وكلت اله حاول لاتكضيه كوله نوم حتى حالتك متسوء اكثر هو اقترب مني وكلي انتي بس ابقي وياي واني حالتي راح تتحسن
قرب راسه مني راد يبوسني اني قاطعته وكلت اله اني لازم اروح لبيت اهلي خاف يحسون بيه
ومشيت عنه لزمني من ايدي كلي ريم التفت اله بنعم
كال ريم اريد اشوفج اليوم لازم نحجي 
جاوبته اجله لمن تتحسن ونحجي هسه وضعك بعده تعبان
حجه وياي بغضب ريم معليج بوضعي اني من اشوفج اتحسن  
رجعت عليه ولزمت ايده .. كلتله امجد اني عندي اهم شيء صحتك واذا على شوفتي خلاص راح نلتقي  اليوم
لزم خدي وباسني منه وهمس بذني احبج ريم احبج
جاوبته اني هم احبك واموت عليك
خلى ايده على حلكي وكلي اششش لاتجيبين سيرة الموت من عمري على عمرج يا عمري انتي يلا حبيبي روحي بسرعه قبل لا اهلج يحسون اني عفته ورحت وهو ظل يعاين ورايه  عبرت لبيتنه فتحت الباب لكيت الكل مشغولين الحمد لله محد.حس بغيابي نزلت جوة صبينه عشه اني واختي وكملنه عشه لمينه المطبخ   ورحنه نتابع تلفزيون ومريم راحت تكمل دراسته بعدين ترخص بابا راح نام وبقينه اني وماما نتابع بالتلفزيون    شفت ماما كامت تنعس كمت طفيت التلفزيون وطلبت من ماما تروح تنام بسريرهة  هي كامت لغرفته واني صعدت لغرفتي ظليت كاعده لحد ما صارت ساعه عشرة  رحت شفت البيت هدوء  وصعدت ع كيف للسطح حسيت حركه بسطح بيت امجد كلت منو هنا جاوب رفع راسه امجد فديته لاف نفسه ببطانيه وكاعد بسطحهم ينتظرني من شفته منظرة حيل انقهرت عليه رحت ركض عليه وتقربت منه ها حبيبي شلون صرت هسه
كال من شفتج تحسنت هواي يعافيتي
ابتسمت بوجه كال ريم تعالي ندخل جوة خاف نبرد ما اريد تتمرضين دخلت ظلينه كاعدين بصالة بيتهم اللي فوك والكلام كالعاده كان متنوع بس اليوم ما تعاركنه ظل بس يتغزل بيه لحد ساعه 12:00كلتله امجد انت لازم ترتاح واني لازم اروح لان نعست وهم تاخرت كال الي اوك حبيبيتي تقرب مني باسني بكصتي وكلي تصبحين على خير 
ظل يعاين عليه لحد ما عبرت على بيتنه ودخلت جوة وقفلت الباب اله رجع لبيتهم
دخلت لغرفتي وتغطيت ونمت واني فرحانه لان تصالحنه اني وحبيبي

لنا معكم لقاء غدا لنرى الاحداث الجديدة ليوسف مع امجد وريم