احببت جارتي ولكن

ايامي تمر بدون طعم

ايامي تمر بوجع كبير
ولا اشعر بها
هل انا من صنع هذا الالم لنفسه
ام هي الظروف من تفعل فعلها

ظليت متمدد والحسبات تدور براسي واهسي بالاكل انقطع بصراحه لمن تزعل اقرب انسان الك يصير واهسك مقطوع وحتى رغبتك بالحياة تقل وخاصه لمن تكون انت ظالمه لهذا الانسان  خليت راسي لحد ما غفيت وما كعدت الا على صوت حنان وهي تكولي امجد اكعد تكول ماما خلي يكعد صار الغروب فتحت عيوني شفت الوكت صاير قريب الليل والشمس دا تغيب كمت غسلت وجهي ورحت توضيت وصليت المغرب وطلبت من حنان تصبلي اكل لان احس جسمي شويه نحلان  راحت حنان وحظرت النه العشه رحت كعدت شفت الاكل انواع بس مكدرت اكل غير بس شيء قليل بس علمود اسند نفسي  خلصت اكل ابويه سألني شبيك امجد اشو ما كملت اكل جاوبت ابويه لا يابه مالي واهس بالاكل كلي خاف مريض جاوبته لا ما بيه شيء ترخصت منهم وصعدت لغرفتي رحت للغرفه تمددت ع السرير واني كل واهس ما عندي واتذكر اليوم ريم شلون ما اهتمت الي حسيت بكمية الزعل اللي بكلبهه حيل انقهرت لان دا احس جزء من روحي مفصول عن الدنيه وينج ريم وينج ياروحي سامحيني ..
ظليت كاعد لحد ما صارت الساعه عشرة رحت ركض للسطح على امل اشوف حبيبتي  عاينت شفت غرفته ظلمه وباب السطح مفقول ظليت كاعد بيومه جو حيل بارد بس بقيت انتظره لحد ساعه بالوحده وقطعت الامل ورحت لغرفتي لكيته دافيه  نمت وتغطيت بس حسيت ببرد شديد اخذت حبايه فاليوم ونمت لان بيومه ما اخذت عيني نوم وظليت نايم لوكت متأخر حتى للجامعه ما رحت بيومه صعدت حنان لغرفتي كعدتني بس مكدرت اكوم
حنان تكمل الكم
لمن صعدت لغرفة امجد لكيته متغطي ونايم ويهذي بكلام ما مفهوم   لزمت راسه لكيت حرارته مرتفعه  حجيت وياه ما رد عليه نزلت ركض كلت لماما عن امجد صعدت ماما اله كالت امجد مريض حرارته مرتفعه رحت جبت كمدات وخليت على راسه وهو يصيح اريد غطه غطوني بردان  كمت خليت عليه غطه وسويتله كمدات وشربته ماي وانطيته علاج وظليت كاعده يمه ماما نزلت تحظر اله ريوك واني بقيت  يمه  بعدين تذكرت ريم رحت اله وحجيت اله الصار واني ما اكدر ادوام ورجعت ظليت يم امجد كل شويه اغير اله الكمادات حسيته حرارته شويه نزلت فتح عيونه كلتله راح اجيب الك شيء تاكله كال لا ما اكدر  كلتله لا لازم تاكل كال مالي خلك للاكل بعدين جذبت عليه وكلتله لازم تاكل لان ريم تريد تجي تشوفك هو سمع اسم ريم وكعد ع حيله كال جبيلي شيء اكله اني كمزت من مكاني وكلتله عفيه باخويه البطل  رحت جبت اله الاكل وخليته يمه كعد ياكل ويسال شوكت تجي ريم واني اكوله العصر وحسيته فرحان (صح لو كالو كل انسان اله عافيه وحسيت ريم هي عافيت اخويه بس المشكله ريم لسا زعلانه من اخويه اني ليش كذبت عليه )  نروح لريم
لمن اجت حنان وكالت امجد مريض اني حيل تأذيت وتمنيت لو اشيل عنه المرض بيومه ما داومت ظليت بالبيت ما رحت للدوام وظليت محتارة شلون اكدر اوصل لامجد وخاف امجد لسا زعلان مني  ظليت احوم بالبيت مثل طير مكسور جنحه ويدور على امل بعدين كمت لهيت نفسي بالشغل كملت شغل البيت وماما حظرت غدة صارت ساعه 10:30بعد وكت رحت كلت لماما ابن جيرانه امجد متخربط ليش ما نروح نشوفه كالت ماما اي لازم نروح الهم عيب من اهله خوش ناس بدلت اني وماما ورحنه  دكيت الباب طلعت ام امجد سلمنه ودخلنه كعدنه بالصاله واني عيني على الدرج على امل اشوف امجد او حنان بعدين دار حديث بين ماما وخالتي عن امجد
ها دادة ام امجد سمعنه امجد مريض خيره
جاوبت خالتي كلتله اي حرارته مرتفعه وميكدر يتحرك ونايم بفراشه
كلتله نكدر نشوفه لو لا ( اني سمعت هيج طرت من الفرحه )
جاوبته اي دادة تعاي نصعدله فوك
رحنه صعدنه دخلت خالتي كلتله ام ريم اجت تشوفك سمعته يكول اله هلا بيه خليه تتفضل
بس سودة عليه صوته جان كولش تعبان دخلت ماما واني دخلت وراهة سلمنه عليه وهو كعد عدل نفسه وابتسامه تخبل على وجهة كلتله ماما الحمد لله على السلامه وليدي
امجد ..الله يسلمج خاله
ام ريم ..خيرك يمه ليش هيج حرارتك
امجد ..بعد هذا اللي صار وامر الله
كولنه والنعم بالله
ترخصت ماما منه هي وخالتي ونزلن بقيت اني وهو وحنان
كلتله الحمد لله على سلامتك ما تشوف شر بس بدون اي ابتسامه مني  حنان كالت تعاي اكعدي كلتله لا لازم اروح ورة ماما بعدني دا اريد اطلع صاح وراي امجد ريمووو
شكد ارتاح من يكول هيج
التفتت اله جاوبته بنعم
كال الي ريم بعدج زعلانه مني
سكتت ما جاوبته
كال يعني بعدج زعلانه
ريم والله اسف سامحيني وشوفي هذا حالي بسبب زعلج والله زعلج ميهون عليه 
حنان بس فاكه حلكه وصافنه
اني كلتله لا ما زعلانه عليك كال لعد تعاي اكعدي يمي خلي اشبع منج مشتاقلج
حنان كامت تصيح احم احم نحنا هنا شويه حسووو
هي جانت كاعده يم على السرير هو دفعه برجله ومد ايده الي وكعدني يمه هي وكعت وكامت تدردم والله انت تستاهل المرض كاعده اسوي كمدات وكاتله روحي عليك وعلمود الحب تدفعني اني ضحكت
عاين عليه امجد وكال يمه فديت هاي الضحكه
كالت حنان اروح اتريك احسن نزلت وظلينه اني وامجد
كام يتغزل بيه ويتعذر من تصرفه وياي ويسحب خصلات شعري ويلعب بيه
اني حيل خجلت منه وعاين الي وكلي تدرين من وراج تمرضت كلتله من وراي ليش
كال الليل كوله كاعد انتظرج للوحده وانتي ماكو
كلتله اني كلت انت لساتك زعلان وخفت اجي
كال لا ما زعلان منج لج انتي حبيبتي وروحي وقلبي شلون ازعل عليج
لزم خدي وكلي ريم
جاوبته عيوني
امجد ...تسلم عيونج
اريد اشوفج اليوم ونحجي سوة
هزيت راسي بأي

نكمل قصتنه باجر 😍😍😍