احببت جارتي ولكن

اصبحت غريبة 💔

تره الخانوك ذوله زغار
ارحم كلبك وانسه
انته تحبهم من روح
بس همه بغرض ونسه..!🖤

صعدت لغرفتي حتى ما اشوف امجد ردت انسه بس صعب تحب انسان وتعيش اجمل ايام وياه بعدين تكتشف هذا الانسان كل هدفه المتعه وبس ليش هيج صارت مشاعر الناس ليش صرنه لعبه حتى بمشاعرنه يتلاعبون خليت راسي على مخدتي وحضنته حيل وبجيت الالم اللي بداخلي كوله حسيت مو دموعي تبجي حسيت كلبي كان يبجي وينزف بنفس الوقت اووووووووووووف 😢😢😢هيجي دموعنه رخيصه هيج حياتنه تافه بالنسبه للغير ليش احنه مو بشر ليش هيج خان الزاد والملح جنت عايشه حياتي براحه ليش دخل حياتي وحطمه 💔ليش ؟؟؟؟؟؟!اسئلة هواي دارت ببالي وما لكيت اله اجوبه لمن سمعت صوت امجد يريد يطلع خليته لمن طلع رحت غسلت وجهي وخليت مكياج خفيف ورحت يم مريم حتى ابين انو اني ميهمني شيء لازم اثبت للكل اني انسانه قويه مو ضعيفه ماكو احد يكدر يهزني اي احد ميكدر يزعزع ثقتي بنفسي واليوم اللي ما لكيت اله اجابه باجر راح اعرف كولشي بس لمن اعرف بنفسي مراح اسامحه واغفرله اللي سواه وياي ابد ما راح اسامحه
من هذا اليوم حاولت احول حبي لامجد الى حقد وكراهيه لكن مو انتقام منه لان تركت الانتقام لرب العالمين هو ياخذ حقي منه حسبي الله ونعم الوكيل حسبي الله ونعم الوكيل 😢😢😢😢😢😢😢💔

لو #ضاحك عليهم چان #حبوني...

ولو مستغل #حبهم مايخونوني....

بس اني #الغشيم الماحسبت #حساب...

ينطوني #الظهر وأنطيهم #عيوني....
💔

ها مريومه
التفت الي مريم والفرحه مبينه بعيونه قويه وضحكته وابتسامته ساحرة هالمريومه طيرت عقلي اختي حبيبتي ونور عيوني
اجت عليه تركض وحضنتني
وطلعت جهازهة جان كولش حلو ووطبعا ذوق امجد يجنن
حضنت مريم وباركت اله واتمنيت اله حياة حلوة وسعيدة
هي شكرتني نزلت جوة ساعدت ماما بتحضير الغدة اجت ماما ظلت تحجي ويايه خاف اني تضايقت لان اختي الزغيرة انخطبت واني لا ابتسمت اله وحضنته وكلت اله لا بالعكس اني جدا فرحانه لاختي حبيبتي بعدين شنو ماما تريدين تخلصين منه حتى يخلالج الجو واشر على بابا .
ماما ضربتني وكالت الي متجوزين من سوالفج ظلينه نضحك اني وماما اجت مريم وبابا كعدنه على المائدة نتغدة وكانت مريم جدا فرحانه اني حاولت اكل بس كان اكو الم بمعدتي اكلت شيء قليل بس حاولت ما ابين لاهلي اني اتوجع حتى ميظل بالهم يمي خلصنه الغدة لميت اني وحنان المطبخ ورتبناه هي راحت واني ظليت اسوي جاي لاهلي بس جنت احس سجاجين بمعدتي تدك   كملت الجاي صبيت لاهلي وترخصت منهم وصعدت لغرفتي وتمددت لشويه حسيت الالم خف ظليت متمددة الى ان نمت

نروح لبيت امجد لمن كملنه الخطوبه رجعنه للبيت وتعاركت وياي حنان حبت تعرف ليش تركت ريم بس ما حاولت اقدم اي توضيح اله
حنان ..ولك ليش هيج تسوي مو هاي ريم حبيبتك
تعوفه وتاخذ اخته شلون
امجد ..حنان خليج بحالج هاي حياتي واني حر بيه
حنان ..لا مو حر ريم اعز صديقاتي ميصير تطعنه بظهرة وتاخذ اخته
امجد ..اعتبريه نزوة وعدت واني معجب بأخته وراح اخذه والماضي خلاص انتهى وراح ابدي حياة جديدة ويه وحدة تصون بيتي مو اله علاقه بأحد بدون علم اهله
حنان..متوقعتك هيج حقير
رفع امجد ايده وضرب حنان راشدي رفعت راسه وكلتله متهمني الضربه اللي ضربته الي انت كسرت قلب 💔حبك باجر الله راح يحاسبك عليه حسبي الله ونعم الوكيل
امجد..ولج تحسبنين عليه علمود وحده ناقصه
حنان ..ريم مو ناقصه وباجر راح تتندم ع كل كلام حجيته روح استغفر ربك وصحح غلطك قبل ما يفوت الاوان ساعته الندم ميفيدك
امجد ..اني متأكد من اللي سويته وما ندمان على شيء
حنان ..الايام تدور وتثبتلك غلطك وراح تعض اصابعك ندم لان انت خسرت حب حياتك
تركتني حنان وطلعت ورة شويه صعدت فوك السطح حتى انهي كولشي ويه ريم وابدي حياة جديدة ويه اخته حقيقه لما شفته انكسر كلبي عليه لكن من اتذكر الموقف كلبي يقسي عليه مو اني اللي تريد بنت تذلني ذليته قبل لا هي تكسرني كدام الناس وتخليني اعض اصابع الندم