THE GENERAL'S DAUGHTER

APPROVED PROPOSAL

LEMUELA'S POV

Dinalaw kami ng aking mga anak ng linggong iyon. Pagdating namin galing sa pagsisimba ay nakita ko ang hilera ng kanilang mga sasakyan sa aming garahe. Dinig ko ang sigawan ng mga bata sa likod bahay at may nagkakantahan na sa aming bulwagan.

"Justice..."

"Yeah...naisip ng mga anak mo na puntahan tayo. Masyado ka daw kasing na-stress kay Jazzy lately."

"Hala, Papa. Hindi naman. Okay naman kami ni Mama."

"Eh ang mama mo, okay na kaya?"

Pero hindi namin inaasahan ang pagdating ng isang bisita. Ang mga bisita na matagal ng nakalimutan ng panahon dahil sa mga pangyayari. Napakapit ako kay Justice ng makita ko si Homer sa loob ng mahabang panahon.

"Anong ginagawa nila dito?" Apat sila. Ang panganay ni Guineverre na nakita ko noong may salu-salo sa headquarters, may baby carrier ito, si Hugo at nakakapit sa kanyang ina...Nakahawak si Guineverre kay Homer. Tinatapik-tapik niya ito habang naglalakad palapit sa amin.

Si Jazzy ay nakikipagkulitan kay Leeah. Parang noon lang sila ulit nagkita. Kausap niya si Ava ng lingunin ko. Hindi niya napansin ang aming bisita.

"Guineverre..."

"Lemuela..." Nagyakapan kaming dalawa. Bumati ang kanilang mga anak at hindi ko naiwasan si Hugo this time.

"Pare, Kumusta?" Yumakap na si Justice kay Homer. "Doon muna tayo sa loob ng mansion para mas makapag-usap tayo ng masinsinan. Medyo maingay dito." Sabi kaagad ni Justice at sabay-sabay kaming pumasok sa loob.

"Anong mayroon?" Tanong ni Homer, habang naglalakad kami.

"Ah , may salusalo kami tuwing linggo...lalo na at medyo may pinagdadaanan ang aming pamilya." Sabi ni Justice.

"We hope that we are at the proper timing to patch up everything with you , Lemuela, Justice." Sabi ni Guineverre.

Lahat kami ay naupo sa sopa. Wala doon ang mga anak nila. Iniwan namin sila sa bulwagan. Mahigpit akong humawak kay Justice. Parang nararamdaman ko na naman ang takot kay Homer. Magkakatapat kami ng mga oras na iyon.