لا شيء يذهب تماما، ولا شيء يبقى، فقط صورة مشوهة لكل شيء تكبر وتكبر، حتى يتلاشى الحدث الأصل.
..........
كعدت ثاني يوم الصبح على الم كولش قوي براسي من اثر الضرب مالت البارحة ....حاولت اخذ نفس عميق حتى اكدر اتنفس بس من الاوجاع اللي بجسدي مجنت اكدر اتنفس بسهولة
باوعت جان اكو اثار مال دم بالكاع بالمكان اللي اتعلكت بي وانضربت بالحزام ......تذكرت انه الحياة اللي جنت اريدها متشبه هاي الحياة... مجانت الي اي كلمة او قرار يخصني الكل جان يقرر عني.....نزلت دموعي من جديد و رفعت راسي و باوعت فوك و استنجدت برب العالمين
لمار: ربي ارحمني كافي اني تعبت بحياتي الى متى راح اظل هيج ليش محد يريدني وحد يساعدني ليش كولشي راح من بين ادية بثانية واحدة! شنو الي سويته اني ياربي يغضبك يا الله ارحمني اني ماعندي غيرك يا الله و انت اعلم بحالي جنت ادعي بصوت عالي وابجي و جان بين كلامي وبكائي غصة
وشهكات مكدرت اكتمها اكثر
سكتت من البجي بصوت ظلت بس دموعي تنزل بحرارة فكرت وفكرت وفكرت كلت اني لازم اتصرف خلص مايصير ابقى طول عمري هيج
قررت انه اني لازم اسوي يلي يردوه حتى اكدر اخلص ....و نزلت دموعي ..انفتحت الباب الحديد و دخل الحقير نفسه
كمال:واو كاعدة ع بالي متكعدين جنت مفكر انه متي بسبب البارحة
لمار: هه لتخاف كل واحد يموت بيومه
كمال: خلي لسانج طويل و راددي اصلا اني مستفاد يومية اتونس اكعد و اشبعج كتل
لمار: الله يخليك اعتقني وعوفني بحالي الله يخليك تعبت والله ماريد شي منك بس عوفني حتى لو تشمرني بالشارع ميخالف بس اني تعبت من هذا الظلم العايشة اني بي
كمال:بعد مشفتي شي
لمار: رجعني لاهلي وشتريد راح انطيك الله يخليك عوفني بحالي
كمال: لو يريدوج مجان شمروج علية
عموما انتي ظلي هنا و باجر راح اطلعج منا و قسما عظما يذات الله اذا غلطتي مرة ثانية او تطاولتي على احد هنا صدكي مراح ارحمج لا اني ولا ابوية
لمار: ماشي ماشي
كمال يلة اني طالع شوية ويدزولج اكل
لمار هزت راسها بالموافقة
طلع كمال ورجعت افكر واتذكر ذاك اليوم الاسود قبل سبع سنوات و فجأة انفتحت الباب ودخلت رانيا
...........
رانيا: لمار شلونج اليوم
لمار:شدتشوفين حالتي
رانيا:شبيدي عليج زين شوكت حتطلعين منا
لمار:باجر
رانيا:ااي زين لعد راح انظفلج الغرفة وانتي اكلي هذا الاكل حتى انطيج علاج بلكي تصيرين زينة
لمار: رانيا انتي الوحيدة من سبع سنوات تهتمين بية وتساعديني اني كلش ممتنة الج على الي داتسوي
رانيا:لمار شنو هذا الكلام احنا خوات
لمار:ونعم الاخت حبيبتي
رانيا: حبيبتي انتي يلة اني حروح هسة
...........
يتبع
