" لو تركني كل البشر و أصبحت وحيداً فيكفيني أنّ معي ربّي خالق كل البشر "..
.......................
لمار:لج احجي شكو
رانيا:امج ....امج ماتت
لمار:شنوووو...شدتحجين لتشاقين وياي رانيا
رانيا:والله مدا اكذب
لمار بديت اصرخ بصوت عالي و على اثر صراخي اجى كمال
كمال:شكو شبيج
لمار:بس فهمني كولي صدوك امي ماتت
كمال:وشنو ااي واذا
لمار:شلون واذا شلون لك هاي امي ماعندي احد غيرها .... حرمتوني من كولشي من امي من ابني لك حتى حريتي سلبتوها مني حتى روحي اخذتوها ظليت بلا روح كولة بسببك انت و ذاك الحقير
كمال:لتظلين تجاوزين ترا تشوفين وجهي الثاني
لمار:هذا اللي عندك انت كولة تهديد بتهديد جبت عمري وياك بس تهدد و اني اخاف بس هسة لا كافي تحملتكم هوووواي ارحموني كافي دمرتوني
كمال:لمار كافي حشوفج وجهي الثانية و اقسم بالله مراح يعجبج اللي حيصير
لمار:لغة التهديد وياية بطلها كلساع عندك وجه شكل كم وجه عندك فهمني اعتقد صرت شايفتهم كولهم
كمال: كافي عاد لغيتي هواي و صار وقت انفذ تهديدي
.....................................
صحيت لكيت نفسي بنفس الغرفة المظلمة جان الظلام و السكون يعم المكان ماكو ااي حس برا لا صوت الكلاب وهي تنبح مثل عادتها ولا صوت الرياح هدوووء لدرجة مخيفة واللي خوفني من هالهدوء انه ارجع لتفكير بحياتي واسترجع ذكرياتي لان من اختلي بنفسي افكر واتذكر و يقتلني السكوت احس اكو ثلاث اشخاص بداخل قلبي: الاول يصرخ من شدة الالم والثاني يبجي من الوجع و الثالث يضحك بصوت عالي لحتى محد يعرف بحزنه ......
اوجاعنا بهاي الحياة هواي ... كمت وكفت واباوع ع القمر اللي كشف ظلام الليل اللي جان مختلف هالمرة بعقابي انه ما شدوا ادية و رجلية ....وقفت و اني اباوع ع القمر وتذكرت ابوية جان يحب الليل و هذا الهدوء هاي الاجواء يحبها ودائما جان يكول (بعض البشر يخاف من الليل لسببين الاول قلة ايمانه والثاني ذكرياته الحزينة يلي يتذكرها بمجرد وضعه راسه على وسادته و البعض من البشر يحب الليل لسببين الاول قوة ايمانه اللي تخلي يختلي ويا ربه ويتواصل ويا و السبب الثاني هدوء الليل اللي يخلي الانسان يفكر بحياته وكل اللي مر بي) امي جانت دائما تحب تسمع كلام ابوية اللي جان بي حكمة وعبرة من هاي الحياة .......بمجرد ذكر امي .....اتذكرت خبر وفاتها اللي نزل مثل الصاعقة على راسي
نزلت دموعي وجنت احس بيها تحرك بخدي من حرارتها و بدأ صوت بكائي يعلو شي ورا شي لان مكدرت اكتم صرخات المي ووجعي هسة صار عندي سبب يخليني ابجي بدون خوف حتى اذا احد كلي ليش تبجين اكولة امي ماتت ..... وبدت ذكرياتي وايامي و حياتي ويا امي ترجع لراسي شي ورا شي و جنت كلما اتذكر ذكرى اتالم اكثر الوجع اللي حسيته براسي و بقلبي جان كولش قوي و كانه اكو تحدي بينهم منو اللي راح ياذيني اكثر جانت مهمة عقلي تذكيري و قلبي حنيني لهلايام و بدت الصراع بداخلي صراع الوجع والالم ويا الياس والحزن بديت اشعر كانه هموم الدنيا كولهة فوق راسي
معقولة لهلدرجة الدنيا قاسية بلحظة وحدة انقتل كل الامل اللي جان بداخلي تعبت و مليت من حرب الامل اللي يقودها قلبي و حرب الياس اللي يقودها عقلي ......رغم كل هذا اكو بعد بصيص امل بداخلي لازم ابقى اقاوم ميصير استسلم
اني مو ضعيفة اني انسانة قوية ..... لازم اكون قوية حتى اخلص من الاني بي
نهضت بقوة و مسحت دموعي
و رحت دكيت الباب حيل بعد ربع ساعة اجاني صوت كمال
:شتردين
لمار:اني اسفة اعتذر اعرف غلطت سامحني
كمل:لعد خل اطلعج بس ديري بالج تغلطين مثل هلغلطة مرة ثانية خليج قطة مطيعة واياج تصيرين شرسة وياي لانج اذا صرتي قطة شرسة فاني بلحظة وحدة انقلب اسد يسود عيشتج
لمار:ليش اكو اكثر من هذا
كمال:اكو ليش تردين تشوفين
لمار:لا اشكرك
....................................
