قلّة الحديث لا تعني عدم الإحساس ، هُناك أشخاص كُلما تعِب إحساسهُم تلاشت كلماتهُم..
...................
جنت دا امشي سمعت اثير يحجي بالتلفون وصلت سمعته يحجي بعصبية
اثير: شتسوي سوي
ااي اني مخايف منك
مشكلتك مو مشكلتي
سوي يلي تريده مراح يهمني
وراها سكت و سمعت صوت خطواته بسرعة ركضت للغرفة
...........................
صعدت للغرفة كالعادة بعد مانظفت و لاحظت اثير اليوم ابدا مو على بعضه .......
نمت على سريري و اني افكر بكلام رائد اليوم .....فعلا حسسني انه اني مذنبة ودا اكذب عليه و اخفي عنه هالشي بارادتي بس ماباليد حيلة ماكدر احجيله ااي شي ...... معناها كمال ... راح ينفيني من الوجود ....... حطيت راسي ع الوسادة و رجعت اتذكر ايامي قبل ورجعتلي كل ذكرياتي القاسية مرة وحدة
.............
رجعت بذاكرتي لما كنت طفلة بعمر ال 7سنين و كان والدي مازال عايش و امي موجودة و بكامل صحتها لما كنا عائلة سعيدة اكعد من النوم اتناول فطوري واروح لمدرستي ويا بابا طبعا يومي كان لا يخبو من نصائح ابوية عن المدرسة وعن حياتي كان دائما يعاملني على انه اني اكبر من عمري بكثير مجنت احب هذا الشي و دائما اكولة اريد اعيش بعمري الي اني بي ماريد اكبر و دائما جان يكولي راح يجي يوم تتمنين تكبرين و تجي ايام اكثر تتمنين ترجعين تصيرين صغيرة لان الحياة في فترة ما راح تكون قاسية وياج ومراح تكدرين تعيشين بيها و جنت اجاوبة انه هو ما دامه موجود ماكو شي ممكن يكون موزين
بس هو جوابه جان الصح انتي هيج تكولين لان بعدج صغيرة بس تكبرين حتفهمين معنى كلامي و شنو فائدته الج كل شعرة براسي لونها ابيض ما اجت من فراغ وانما من تجارب الحياة اللي عشتها بيها الحزين و بيها المفرح و بيها هواي مشاعر مختلطة عندنا بداخلنا لازم نتعلم نعيش حياتنا بحلوها و بمرها لان دنيتج يا بابا يوم الج و يوم عليج يوم تشوفين هاي الدنيا تضحكلج وانتي سعيدة بيها و يوم تشوفيها جدا حزينة ووجودج بيها ماله معنى ..... بس انتي يا بابا تكدرين كولشي تسوين ركزي بدراستج وخلي مستقبلج و طموحاتج ببداية احلامج و خلي هدف واضح كدامج من الصغر راح توصليله وراح تعيشين الحياة اللي تتمنيها لان لا اني و لا امج دايمين الج هم راح يجي يوم واتركج و امج هم تتركج انتي منو راح يبقالج وانتي ماعندج لا اخ ولا اخت ..... لازم توصلين وتكونين (الافضل) .....عيشي حياتج بابا بحزنها وبفرحها كل لحظة عيشيها بلحظتها لتفكرين بالراح لان الفات مات و مراح تكدرين تغيرين اي شي من الراح و لتفكرين بالجاي دائما تاكدي انه ربج مراح يظلم احد بيوم لان الله يمهل و لا يهمل فعليه لازم تفكري بالوقت الانتي عايشته و بالشي يلي ديصير لا بالراح و لا بالجاي
................................
نزلت دموعي واني اتذكر كلام ابوية ماعرفت معنى الا بعد فوات الاوان......ياترى هل فعلا راح تبتسملي الحياة بعد هالمعاناة كولهة معقولة راح ينفتحلي طريق جديد بحياتي و هل من الممكن ان ارجع اكون انسانة سعيدة بدون هموم و بدون دموع و هم راح يجي اليوم اللي تنفتحلي نوافذ الامل من جديد ام راح ابقى مسجونة هنا بهذا القسر اللي مهما كبرت مساحته يبقى بالنسبة الي مثل الزنزانة ...يا ترى راح ابقى مثل الطير المكسور جناحه و حابسيه ام راح تنفتح ابواب قفصي وراح اكدر احلق بسماء حياتي بحرية و سعادة بدون قيود بدون انه اوصل لمسافة و اوكف واتفاجأ انه اني ما مسموحلي احلم اكثر واطير اكثر من هذا الحد
هم راح يجي وقت انام بي بدون ما تكون وسادتي مبللة بدموعي و بدون ما اكون كاتمة صرخاتي و اتخلص من شعور الكتمان و الخوف اللي بداخلي هم راح ترجع تنبت ازهار الامل من جديد بداخل قلبي ويرجع ينبض للحياة من جديد دون الشعور بالخوف والقلق
اتمنى يجي هذا الوقت اللي اطلع من سجني هذا و من هالزنزانة زنزانة الذكريات المؤلمة والمواقف الموجعة و اخلص من سجن الالم و الوجع و اتخلص من كل الوحوش اللي تحاول تاذيني بكل الطرق مهما كانت .......
......................
كعدت ثاني يوم و نزلت لكيت الكل موجود و كاعدين و انتبهت على اثير اللي جان لون وجهه مخطوف ويريد يكول كلام بس مديكدر ... صبحت عليهم ورحت للمطبخ علمود احضر الفطور و لكيت رائد هناك ابتسملي وصبح علية وراح يلعب
كملتاعداد الفطور و اني انتبه على اثير كل شوي يروح و يرجع من باب المطبخ للحديقة بقلق و نظرات الحيرة واضحة بعيونه
ترددت ان اساله ........ ظليت كل شوي اريد اساله لان الفضول ذبحني ..... بس كلت لا ماريد مشاكل
كملت و رحت لغرفة رانيا بعد ما طلبت مني انه اروحلها
.....................
صعدت لغرفة رانيا ونظراتي تتجول على انحاء القصر........ بالرغم من انه صارلي 7 سنوات بهالقصر بس احس بي غموض بي اشياء لحد الان مو فاهمتها ..... تصرفاتهم و مشاكلهم طبيعة عملهم كل هذا ما اعرفه ما اشوف عندهم تواصل ويا احد قليلين كولش و مافد يوم شفت اجه صديق لاي واحد من الولد وزارهم اذا احمد او اثير او كمال دائما يحبون يحجون بالغاز و دائما اكول انه اني مدخلني بحياته و ارجع اكول......اني حاليا زوجة كمال يعني الشخص البي خطر عليه بي خطر علية كذلك
رصلت غرفة رانيا وفتحت الباب
رانيا: لمار شلونج
لمار:زينة احجي شبيج
رانيا:بصراحة .... عندي شي مهم كولش الج
لمار:شنو هو
رانيا:ماعرف شأكولج بس اني وهاجر لحد الان ما متاكدين
لمار بفزع: احجي شصاير
رانيا:لمار .........
...... ........
يتبع
