وَلَنَا فِي فرَاقِ الأحِبّة ؛ وَجعٌ لَا يَزُول وَألَمٌ لَا يَنتَهِي ..!
.............
لمار
من رحت لهناك ....دخلت لمنطقة بيتهم جانت منطقة حلوة و كولهة خضار و اشجار عالية ظليت اتامل المكان الى ان وصلنا للبيت او القصر ....جان بيت ولا بالاحلام دخلت وشفت الحديقة جانت جبيرة و بيها انواع الورود من دخلت اني و زوج امي ماقبلت امي تجي ويانا شفت الكل موجود بس جانت الاجواء هادئة و البعض جان يباوعلي بعين الاحتقار و الكراهية و البعض يباوع عليه بحقد وخباثة و انتبهت انه جان اكو اثنين بنات يطلعن من عمري واكفات على صفحة انتبهت لنظرتهن الي جانت الدموع متجمعة بعيونهن و نظرة حزن بيها وصلت للصالة وعقدت كل هذا واني مشايفة منو هذا الشخص يلي راح يكون ...زوجي...
تركني وراح زوج امي بدون ااي كلمة ....مرت دقائق جان الصمت بيها هو سيد الموقف ...بعدها نزلت مرأة تطلع نهاية الثلاثينات تصيح و تشتم وتغلط و اول ما دخلت سالتني اذا جنت اني العروسة او لا جاوبتها ااي ...مباشرة وبدون ااي سابق انذار هجمت علية و ضربتني استمرت هيج دقايق الى ان سمعنا صوت سكت الكل
كمال:كافي عاد اسكتوا
زينب :لا مراح اسكت كمال هاي شلون تاخذك مني
كمال: اني مو لعبة وتاخذني منج لتنسين احنا ليش جبناها لهنا وليش اني تزوجتها
لمار بصدمة:لحظة افهم انه انت زوجي
كمال:ااي نعم
لمار: بس انت جبير بالعمر هوااي
كمال:شوفي لج لتكعدين تشرطين براسي راح تكعدين هنا مجرد تجيبين ولي العهد الولد اللي العائلة كولهة منتظرته
لمار:يعني شنو
ابوكمال: شوفي عاد لتسوين نفسج متدرين بشي
لمار:لحظة ليش هو شصاير
ابو كمال:اسمعي انتي ابوج انطاج النة وجان يعرف من البداية انه احنا نريدج بس تجيبين الطفل وناخذه وتربي زينب بنت اخوي و ميعرف انه انتي امه و بس
لمار جنت مصدوومة من اللي سمعته نزلت دموعي بقوة و بديت ابجي بصوت على حياتي اللي تحولت جحيم و تهدم كولشي بيها قبل اسبوع جنت عايشة حياة طبيعية مثل ااي بنية ....
رانيا:يلة كومي عيني خليني اخذج لغرفتج
صعدت ويا رانيا و مشت الايام والاسابيع و اني عايشة بجحيم الوحيدات اللي زينات وياي هم رانيا وهاجر
وبدا الكل يلح على موضوع الولد و فعلا مرت كم يوم عرفت انه حامل و الكل فرح و ام كمال تغيرت معاملتها وياي للافضل و كلت بلكت راح تمدلي غصن الزيتون ولكن بعد مجبت الولد انتهت المعاملة الزينة وياي واخذوا مني الولد و حتى مشفته و مرت الايام واني عايشة حياة تعيسة ضرب واهانات و تنظيف و اشكال القسوة
مرت سنوات واني اشوف ابني رائد يكبر كدام عيني و اني بعيدة عنه رغم كل هذا جان هو يميل الي و يحب يجي يمي يظل يحجي و مشت حياتي على هذا المنوال
..................
انقطع حبل ذكرياتي بدخول زينب لغرفتي
زينب:يلة كومي شنو ناوية تبقين هنا
لمار:صار اجيت و مسحت دموعي
زينب نظرتلي بنظرة حقيرة كولش وراحت طلعت
نزلت نظفت البيت و سويت الكل و طبعا يومي ما كان خالي من بسامير زينب و كراهية ام كمال
مع ذلك حاولوا البنات بكل الطرق يضحكوني ويساعدوني يختلفن كل الاختلاف عن ابوهن وامهن و اني كولش احبهن واتمنى الهن كل الخير ع الاقل ما اذني بشي
خلصت وصعدت لغرفتي
.........................
اكيد صار لازم تعرفون اني منو و ليش هيج حياتي و وين ابوية
اني لمار عمري هسة 24 سنة ابوية متوفي بحادث سيارة من جان عمري 8 سنوات بعد ماتوفى ابوية وتركلنا هواي املاك و شركات امي تزوجت اول شخص تقدملها اهلها جبروها انه تتزوجه لان عندهم ميصير المرأة تكعد بلا زواج زوجها و عاشت امي ايام عادية لا تخلو من المشاكل ويا هذا زوجها وطبعا اني جان يعاملني بحقارة ومايخليني اكعد وياهم على نفس السفرة طبعا هو جان متزوج قبل امي و منفصل وعنده ثنين اولاد
اني احب دراستي كولش و احلم انه اكون شخصية مرموقة والي بصمتي بالمجتمع و دائما اطمح اكون (الافضل) مثل ما اتذكر بابا جان يكولي اريدج تكونين انتي الافضل بين الكل وترفعين راسنا اني وامج
لكن (تجري الرياح بما لاتشتهي السفن) صار اللي صار ومكدرت احقق حلم واحد من احلامي
........................
كعدت ثاني يوم من الصبح وطلعت اغسل الطرمة لكيت رائد يلعب واول ما شافني اجه يركض
رائد:لمار وين جنتي وليش وجهج هيج مضروب
لمار:مجنت موجودة بالبيت و اني مامضروبة بس وكعت وهيج صرت
رائد:لمار انتي منو ليش محد يحبج هنا
لمار:حبيبي ليش محد يحبني الكل يحبني وبعدين شنو اني منو
رائد:لا محد يحبج دائما الكل يصيح عليج اني مو صغير وبس اني و رانيا وهاجر نحبج
لمار اتغير الموضوع: حبيبي شنو رايك نروح نلعب بالالعاب اني وياك هسة و بعدين عود نحجي
رائد: ااي ماشي بس راح اكبر واعرف كولشي
لمار:ههه حبيبي ميخالف من تكبر راح تعرف
..................
لعبت رائد جنت اشوف بي امل يمكن رائد من يكبر يكدر يعرف اني امه و انه هو مو ابن زينب و راح يكون الي سند بهاي الدنيا الي ما رحمتني ظليت اباوع عليه و هو يلعب الى ان قاطعني صوت احمد اخو كمال
احمد:صباح الخير لمار ادخلي قبل ليجي كمال وشوفج طالعة ويسويلنا مشكلة
رائد:لا خليها
احمد: حبيبي بعدين تلعبون.....يلة ادخلي لمار
لمار:صار
مشيت ودخلت سمعت صوت اثير اخو كمال يحجي ويهدد وكفت و سمعته يكول ......
...................
