بين الحين والاخر نتمنى لو ان اوقاتنا الحزينة مهنا كانت مدتها لا تحسب من عمرنا .....
لكن هذا مستحيل كل لحظة و ثانية محسوبة من عمرنا ........
لن نستطيع محيها من شريط حياتنا........او حتى ذاكرتنا
و لكن مهما كانت حياتنا مؤلمة كلما زادت من قوتنا و تحملنا لمصاعب هذه الدنيا
..........................
بعد مارحت ويا كمال للبيت تفاجات باللي شفته هناك.......معقولة اكو ناس بهالحقارة .....و هل فعلا اكو هيج ناس دنيئة ..... محد احترم وجودي بهالقصر الملعون ...... ومحد حسب حساب لمشاعري....امي مصارلها 3 ايام من توفت و هم مسوين حفلة و عازمين كل معارفهم واقاربهم .....لحظات مرت علية واني افكر بهاي الطريقة ..... و فجاة كانما اجتني ضربة على راسي و ذكرتني .......لمار ليش انتي بأي يوم احترموا وجودج وحسبوا حساب لمشاعرج .......لتتفاجأين بتصرفاتهم ...... تركتهم ومشيت بدون ااي كلمة .....و اثناء طريقي للغرفة صادفت اثير ... انتبهت على ارتباكه اللي صارله فترة .... كملت طريقي للغرفة ....واول دخولي للغرفة انهاريت من البجي نمت ع السرير وبدا صوتي يعلو شي ورا شي ..... و بدت دموعي تزيد ....... مرت دقائق وسمعت صوت وراية
التفتت ع الصوت شفت .....رائد .....هذا شخص كنت اتمنى يشوفني بهالحالة
رائد:لمار ليش تبجين
لمار:ماما ماتت
رائد:هي راحت يم رب العالمين لتبجين هي دتشوفنا
لمار ابتسمت على برائته
رائد:يلة مسحي دموعج حبااابة
لمار: ماشي....انت ليش هنا
رائد: اني اكره هاي الاصوات المزعجة ...... و اشتاقيتلج اشتاقيت نلعب سوا انتي من زمان متلعبيني
لمار:اسفة حبيبي
رائد: اسالج سؤال
لمار:اسال
رائد:منو ابنج
لمار: ومنو كلك
رائد:انتي كلتي لابوية من جنتي تصيحين اخذتوا ابني مني
لمار: لا حبيبي يجوز متوهم
رائد:مامتوهم
لمار:بعدك صغير على هذا الشي
رائد بدموع: اني مو صغير افتهميني اني كبرت وصرت افهم كولشي عمري راح يصير 8 سنوات
لمار:حبيبي لتزعل بس اصير زينة راح اسولفلك كولشي
..............................
بمكان اخر مو بعيد عن لمار بالقصر الغامض مثل متسمي لمار
بواحدة من الغرف
اثير: كافي اني تعبت منك فهمني شتريد
ماكدر ماكدر اسوي اكثر من هيج صدكني
اللي ردته صار هسة عوفني
ماكدر ماكدر اذا عرف احد راح نروح بيها اني وانت سوا
انطيني كم يوم و احاول واللي تريده يصير
ماشي ماشي خلص
..........................................
نرجع للمار
بعد ما طلع رائد ظلت اصوات الناس عالية و ناس داخلة ناس طالعة و راسي كام ياذيني مر هذا اليوم و اني مختلية بنفسي وماريد اشوف احد و مافكرت بشي بهالليلة سوا كلام رائد .....و ظلت التساؤلات بدماغي كالعادة.......ياترى لو عرف رائد شراح يسوي...زين معقولة يتقبل الموقف اللي هو بي.....راح يستوعب لو لا ........ صح عمره صغير بس عقله اكبر من عمره ........ ياترى راح يعترف انه اني امي .......في ما لو عرف بعد سنين و اني جنت مو موجودة هم راح يدور علية ......لو راح يكمل حياته ويقتنع بزينب ام الة .......
تعبت من التفكير والاسئلة اللي دتدور بعقلي
غفيت من التعب .........
وحسيت على اذا الفجر كمت صليت ورجعت لفراشي ماكدرت ارجع انام ..... مرت دقايق معدودة
وسمعت صوت جاي من برا طلعت للبلكون مال غرفة و شفت واحد يتحرك بس مفرزنت منو هذا مهتميت رجعت نمت .....
...............................
كعدت ثاني يوم الصبح
وكفت ورحت بخطوات بطيئة نحو المرايا لحتى اشوف وجهي اذا بعدها اثار الضرب لو راحت
كشفت المرايا لان جنت مغطيتها حتى لا اشوف وجهي ....... شفت اثار الضرب خفيفة و باقية اثار يم عيني و تحت شفتي بس ابتسمت بالم و امل بنفس الوقت .......ونزلت
اثناء نزولي خطر ببالي سؤال...هو شنو سبب وفاة امي .....مجرد ذكر الموضوع اتالم من داخلي.......صح جانت بعيدة عني بس جنت ضامنة انه هي موجودة بالقت الاحتاجها بي و بنفس الوقت املاكي كولها باسمها الي تركها بابا ......يعني هسة يمكن صارت لزوجها ...لا اكيد راح يبقن الي احنا موكلين محامي شاطر......قاطع حبل افكاري وتساؤلاتي صوت احمد
احمد:صباح الخير لمار
لمار:هلاو صباح النور
احمد:البقية بحياتج
لمار:حياتك الباقية....دخل اثير وكان القلق مبين على وجهة
اثير:صباح الخير احمد صباح الخير لمار
احمد ولمار:صباح النور
اثير: البقية بحياتج لمار
لمار :حياتك الباقية
لمار: بس جنت دا اتساء ل شلون ماتت امي
احمد:بصراحة لحد هسة معرفت وانت اثير متعرف
لمار:ااي صدوك اثير متعرف
اثير: ماتت ....ب.....هذا....ورم ....ورم بالدماغ
لمار عفتهم وصعدت
...............
امي جانت مريضة بهيج مرض بس محد كالي ....... يعني جانوا يعرفون
ومحد كالي ...... بس ليش ليش ماعرف كولشي ليش محد يكولي هاي امي معقولة معقولة جانت دتعاني وحدها واني اخر من يعلم ليش هيج ليش ..... اكيد جانت محتاجة اكون يمها
اكيد رادت تشوفني قبل متموت بس زوجها مخلاها ياربي ارحمني من عذابي يا اللهي اني ماعندي غيرك مامعقول اللي دا اعيشه و الله دا اموت ........ ماكو امل من حياتي راح ابقى حبيسة هذا القصر راح ابقى عايشة بين قضبان الغازه ..... راح اظل ماعرف ااي شي حياتهم مجرد صنم عايش وياهم ما الي ااي دور و مالي احساس و لا اكدر اعبر عن رايي
ربي ارحمني يا اللهي
.................
يتبع
