امي تبحث عن عريس

البارت التاسع

مساء الخير ..

#امي-تبحث-عن-عريس

البارت9

بقلم ازهار ذابله.
*القصه من وحي الخيال*

اول ايام اتعودت ع الشغل وهم ساعدوني حته اتعلم وكدرت بفترة قصيره اكون علاقات ويه الموظفات وعرفت قصصهم صرت اجتماعيه اكثر من قبل واكدر اميز بين الناس واعرف نوياهم وماانغش بالوجوه ابد .

مره كاعده بالمكتب وكدامي سجلات اهوايه ادقق بيهم وسمعت ابو صلاح يسلم علينا اني ورحمه ومشتاق ...
كلنا ردينا السلام وتركنا شغلنا وكلنا مركزين انتباهنا ع ابو صلاح الرجال الستيني صاحب الابتسامه الدائمه وقصير القامه ونحيف جدااا ويخلي ع راسه شماغ بس يلبسه بشكل غريب يشبه الي يلبسنه البنات هسه (التربون) هيج شي تقريباً ..
كلنا  نعرف ابو صالاح هو يجيبنا الجاي او ينقل الملفات المهمه بين المكاتب هاي شغلته وهم نعرف قصته هو عنده بس بنات سته وكلهم ممتزوجات وزوجته عدها فشل كلوي وكل فتره ياخذها يسويلها غسل كله والكل يساعده ويحبه ..

ـ اتفضل ابو صلاح رايد شي ( طبعاً ماعنده ولد اسمه صلاح بس اول طفل جان ولد ومسمي صلاح وميت اثناء الولاده) .
ـ عمي انين هذا عندي ملف لازم اخذه لـ الطابق الثالث لمكتب المهندس لواء وهذا واحد عصبي واني اتاخرت عليه واخاف يفصلني .. واريد منج انتي توصلينا بمكاني اذا تكدرين...
ـ اي اكيد عمو غالي والطلب رخيص بس المكتب وين بالطابق الثالث ..
ـ مكتوب اسمه هذا الغضب وع ايدج اليمين ..
ـ هههه شدعوه عمو ابو صلاح انت متخاف شنو هذا مخوفك هيج ولا يهمك اني اخذه  اله ..
ـ مشكور عمي الله يرزقج بـ ابن الحلال الي يحميج ويصونج .....

ظل ابو صلاح يدعي وهاي دعوته بصراحه هي عقدتي كلهم يعرفون اني ممتزوجه وابو صلاح دائما يدعيلي الله يرزقني بـ ابن الحلال ...
صعدت لـ الطابق الثالث وشفت مكتوب ع احد ابواب المكاتب المهندس لواء فياض ..
دكيت الباب بس ماكو رد ولا اسمع شي بس الباب مفتوح بس مو كلش هي فتحه بسيطه بس خليت عيني اريد اشوف اكو احد موجود لا" شفت ابنه كاعده ولبسها استغفر الله جداا مفضوح ومكياج فضيع عبالك عروس وحركاتها وتحجي همس واني ظليت حايره ارجع لو افوت ورا اشويه اسمعها طلقت ضحكه مقززه ومقرفه ...
اتراجعت من الخوف بس خفت ع ابو صلاح وثق بيه ولازم اوصل الامانه ..
رجعت دكيت الباب بس هاي المره بقوه واكثر من مره .... سمعت صوت يكول اتفضل ..
ـ سلام..
ـ نعم منو انتي شعندج اهنا ...
ـ استاذ بس ....
ـ منو سمحلج تحجين اوكفي عدل وشعندج اهنا منو انتي ..
ـ اكدر اجاوب بس انطيني مجال احجي.
ـ احجي يله بس بسرعه ..
ـ اتفضل هذا الملف يخصك ...

شمرت الملف ع المكتب وطلعت اسمعه يصيح وراي اوكفي منو انتي بس مارديت ولا جاوبته صدك هذا غضب غير مغرور شكد كرهته ...
شحاله هو قزم ومكعدلي هاي ام كفشه يمه وفرحان بيها رزلني كدامها عود شخصيه كبر اي والله كبر ..
رجعت لمكتبي واني اغلط وادردم ع هذا المتعجرف شكد كرهته مغرور ..
ـ مشتاق هااا انين خير اشو ضايجه ..
ـ رحمه اكيد هذا الغضب ضوجها هو منو ويصل يمه غير هي متعرفه ..
ـ شنو هذا مو بشر شكد مكروه ..
ـ مشتاق :سمعج كلمه ضوجج.. ?
ـ انين :اي يااخي اسلوبه مستفز كلش..
ـ رحمه:انتي شوداج عليه بعد شيخلص انوب متجاهلته ...