امي تبحث عن عريس

البارت الخامس عشر

#امي-تبحث-عن-عريس.

البارت 15

بقلم ازهار ذابله

*القصه من وحي الخيال*

ـ ليش هي المشاكل غير بسببج ..
ـ عزااا انوب هاي هم بسببي?
ـ شوفي اذا متعرفين هسه اكلج اي انتي اساس المشاكل يردونج لـ ابنهم واني مااريدهم ولا اريد علاقتهم ...
تعرفين هذا عمج سعد شسوه بيه وين مااخذكم واحط بديره يجي وراي ويسويلي طلابه ومشاكل ويريدكم واني وكريم وكفناه ..

ـ يوم" ليش يريدنا بس اني واحمد وشلون ياخدنا مو من حقه ..
ـ هسه هاي الي انتبهتي عليها ..
ـ يمه من زمان منتبهه للفرق بينا وبين كريم وهسه اجه عمي يٲكد ....
ـ شنو وين تردين توصلين ...?
ـ كريم هم اخونا ...?
ـ اي يبزر بطني اخوج بس مو من ابوكم وسالفه طويله ومااريد احد يعرفها وهذا عمج يريد يرد الماضي ..
ـ اي بس لازم اعرف ترا اني مو طفله لازم اعرف كل شي ..
ـ بعدين مو هسه ..
ـ لا هسه لازم اعرف ..
ـ السالفه طويله وانتي مريضه لازم اخذج بالطريق احجيلج ..
ـ وين تاخذيني مااروح لمكان ..
ـ ياظيم كلبي اخذج لدكتور يا وجعي يالماعرفت شلون تاليها وياج والله تعبت منكم ..
ـ اني اسفه مااريدج اتزعلين مني تدرين من زعلتي مني شصار بيه يمه فدوووه لا تضمين عليه شي ليش ممعتبرتني بنتج واشيل همج ويمكن اكدر اساعدج ..
ـ انتي مو بس بنتي ورفيجتي بهاي السنين من شبيتي ولـ هذا اليوم ممفارگتني ...
ـ يمه خليني يمج ولا تعوفيني ابد اني انحرمت من حنان الاب وانتي عوضتيني عن الكل وعمري ماحسيت بروحي ضايعه بس من عفتيني ومااريد اعوفج يمه لا تعوفيني ابد ..

ظليت حاضنه امي وابجي واحس من البجي راسي ثكل اكثر ..
بعدها اخذتني امي وسجل الدكتور ابر وعلاج ...
رجعنا وامي رفضت تحجي القصه بس اني عرفت كريم اخونا بس من الام يعني ابوه مو نفسه ابونا لعد ليش مسجل بـ اسم ابونا ..?
كومه اسٲله ومحد يكدر يجاوب عليها بس كريم يعرف بكل شي لان امي متضم عليه وهو هم اكبر من عدنا بهوايه يعني كريم هسه اخر الاربعين واني بداية الثلاثين واحمد اصغر مني بسنتين من ابوي ميت امي جانت حامل بي ..

من اخذت العلاج وكل هذا التفكير تعبت ردت انام وباجر هم دوام بعد لازم اداوم ميصير هي افلاونزا ..

صار الصبح احس روحي افضل بهواي والصداع راح بدلت وطلعت ...

وصلت المكتب قبلهم وبديت اشتغل وخطيه رحمه مخليتلي ملاحظات ع الملفات وهم مشتغله بمكاني بس خطيه مملحكه تكمل ...
بديت اشتغل و وصلوا رحمه ومشتاق وهم اشويه اتوقفت وسوالف وهم سالوني شلون صرت المهم فتره واحنا انسولف دخل لواء بدون سلام ..
ـ ست انين انتظرج بالمكتب لو سمحتي لا تتاخرين ..

وخلاني صافنه هذا شبي من كل عقله
والله اني ورطت روحي وساعة السوده الي قبلت اروح بمكان ابو صالح ...
شنو هذا غضب وقزم ومغرور وماادري شنو شايف نفسه ...