امي تبحث عن عريس

البارت الاخير

مساء المسك

وختامها مسك ..

#امي-تبحث-عن-عريس

البارت 23 والاخيـــــر.

بقلم ازهار ذابله.

القصه من وحي الخيال*

جنت گاعده ماگدرت انام لان كل مااتذكر شلون هاي ام كفشه اتكول خدامه اموت من القهر واتخيلها ماخذه حبيبي اتخيل لواء يضحك وياها ويدلـله مثل ما يدلـلني راسي طگ من القهر لواء معقوله يضحك عليه وفعلا جان معتبرني خدامه وهسه ميحتاجني بعد صوفيا تمشي واتحسن مستواها بالمدرسه مؤمن اتغيير وصار اعقل واكثر هدوء هو هم صار واثق من نفسه بعد كل الحب الي انطيته الا حبيته مثل ما الام اتحب ابنها " نسيت نفسي واني اهتم بيهم وحته اهلي مااشوفهم ومااعرف عنهم شي كرست كل وكتي الهم وبالتالي هذا الناتج باجر لازم ارجع لـ اهلي واگلهم بكل شي والي يصير يصير ..
دگ موبايل خالتي سعاد وردت بس طلعت مو يمي عرفتها حتگولهم انين يمي واني اول وتالي رايحتلهم بس ردت اليوم اصفي بالي واعرف اتخذ قرار ..
رجعت خالتي واني ما حجيت بعد وياها بس بعد ساعه اندگ الباب وهي طلعت تركض واسمع لواء وكريم يحجون وياها ..
ظليت بمكاني وما تحركت ورجع الم ظهري لـ درجة ردت اصرخ بس اتحمل وهذا الالم صار فتره اعاني منه بس مااحجي يمكن محد يهتم حته لو حجيت ماكو داعي احد يعرف شنو يوجعني المهم محد متوجع مني ...

ـ لواء : خاله صيحي انين اريد احجي وياها ..
كريم : خاله غير تكولين انين يمج ماخلينه مكان مادورنه بي ليش هيج ..!
سعاد : ماقبلت اگول الكم وهسه هي يمي وضايجه حيل عوفها اليوم وباجر بلكي اتصير احسن ..
لواء : اريد بس احجي وياها كلمه وحده بس اريد اعرف ليش طلعت من البيت بدون متگول ...

اسمعه يصيح ولا كانه مسوي شي وهو صاحب الزايد انوب فوگها ..بس گلت لازم اوجهه ليش خايفه منه ..

انين : نعم استاذ شتريد مني ..?
لواء : ولج شلون اطلعين بدون متگولين فريت الدنيه عليج ردت ابلغ الشرطه انتي مو گلتي راجعه قبلك .. ليش اجيتي اهنا?
ـ لان بساطه رجعت مثل ماگتلك ولگيت زوجتك او طليقتك وگالت رجعني وگال انين خدامه عندج .. مو صح هذا انت هيج گايللها لو شنو ..
لواء : كله جذب ولا مرجعها ولا ابد وضحكت عليج وحته هاي البنيه هي دازتها وهذا الشي اني اليوم عرفته بس ليش اتركين البيت غير لازم تنتظريني لو مو مهم عندج ...
انين : لا اني الي مو مهمه عندك والدليل كل مره اتفشلني ومتحترمني واتحسسني اني فعلا خدامه عندك .. اني بعد مااتحمل خلص صبري ...
لواء : المطلوب شنو انتي مترديني مو وبالناقص منج ..
كريم : لواء هذا غيير اسلوب هيج تحجي وياها وهي زعلانه غير اتفهمها تعتذر منها ..
لواء : والله هذا العندي وخلوها يمكم اشبعوا بيها المراه الي ماتحترمني ماتصرف الي ..
انين : هههههههه وانت تحترمني وشلون متمسك بيه بس كلمتين اتنازلت عني وتركتني واني اعرف هذا من البدايه شخص مثلك مغرور ومتكبر ميگدر يحس بمشاعر غيره .......