مساء العافيه ..
#امي-تبحث-عن-عريس
البارت11
بقلم ازهار ذابله
*القصه من وحي الخيال*
ـ والله مااعرف شنو لازم اكول بس لازم اخذ رأي امي وبعدين اردلج خبر واحاول اقنعها ..
سديت الخط واني مو مستعده اتقبل الفكره فـ شلون اكول لـ امي اكيد ترفض بس ست مريم هي والدكتور الهم فضل عليه ماعدا العلاج همه ساعدوني شخصياً فما اكدر ارد الهم طلب ابد.
سمعت خالتي صحت وطلعت يم امي بالصاله واني جنت بالمطبخ حضرتلها ريوك وكعدنا يم امي ردت افتح الموضوع واترددت بعد اكو خوف بعد انين القديمه مسيطره وهذا الشي يضوجني اني اريد اتخلص منها فـ كدرت اقوي نفسي واحجي ...
ـ يوم" عندي موضوع وياج ...
ـ اي احجي شعندج خير ان شاء الله
ـ اتعرفين ست مريم مدرسة العربي الي زوجها الدكتور هااا عرفتيها ....?
ـ اي گولي شبيها ..?
ـ امممم هي .... قبل اشويه جانت تحجي وياي وعدها الي شغل بس هو انساني يعني .... بنت حماها خطيه معاقه ومحد يقبل ينطيها دروس رياضيات وهي متگدر تطلع من البيت ورادتني اني اروح ادرسها ..
ـ هاااا وتالي عمرج تفترين بالبيوت ولج من جنتي مدرسة ما طلعتي لبيت طالبه هسه من عفتي التدريس اتردين تفترين بالبيوت ...
ـ يوم " هي مو هيج السالفه ولا افتر بالبيوت هو درس ساعتين بالسبوع مره لو اثنين وسياره تاخذني وترجعني بس انتي وافقي ولا تنسين ما اگدر ارفض طلب لـ ست مريم والله استحي منها ..
ـ والبيت ياهو بي ..?
ـ كلهم بالبيت هو نفس البيت العايشه بي ست مريم بس البنيه امها وابوها عدهم مشاكل ويمكن امها زعلانه ..
ـ خلي اگول لـ كريم ...
ـ اي اني اگول الـ كريم اذا انتي اتقبلين.
ـ يمه اذا مريم ورجلها موجودين بالبيت اني مطئنه عليج وهم صاحبين فضل خلف الله عليهم ..
ممصدگه امي قبلت رحت ركض لـ كريم وهم نفس الاسئله واكثر وهم من عرف مريم وزوجها بالبيت وافق...
صار العصر رجعت ست مريم خابرت وگلتلها موافقه وان شاء باجر اول درس وع الساعه اربعه العصر ...
صار المغرب وكريم عازمنه اني وخالتي كال نطلع مطعم ونفتر اشويه ونرجع لان خالتي خطيه بيت خالي محبوسه حته من يطلعون يخلونها بالبيت مثل الحارس ..
شهامة هم رادت تجي ويانه وخلت فروحه ويه اخوانها الصغار ...
اني انزعجت منها بس مااريد احجي ع مود خالتي واتحملتها واكيد متگدر تحجي لان تخاف من كريم ..
طلعنا ورا صلاة المغرب والطريق كله شهامة اتحاول بس تحجي وياي وتستغل فرصه لان يم خالتي واستحي وارد عليها.
وصلنا المطعم وحجزنه كريم مكان وكلمن طلب شكل وبعدنا مبادين ناكل وشفت علي ...
اي هو علي اگدر اميزه من بين الف شخص هو نفسه ابد ممتغير بس شنو الي جابه اهنا اكيد صدفه اي صدفه ...دنكت وسويت نفسي مشايفته اصلا مااريد اعيد الماضي غلطه وبعد ابد ماتكرر اني غلطتها و وثقت بواحد مثل علي واخته شهامة رادوا يكسرون رگبتي مايخافون الله ..بس شكيت شهامة متعمده هي اتريد اترجعنا مو هي بكيفها اتخرب وهسه رجعت حبتني ..
نزلت راسي وبعد مااريد اشوف احد بس الصدمه علي وصل يم الميز الگاعدين عليه وسلم ..
ـ سلام" شنو هاي الصدفه ..
ـ وعليكم السلام اي خوش صدفه اتفضل ويانه ..
ـ شهامة : هه فدووه شكد جنت مشتاقتلك تعال اهنا اتفضل ..
ـ علي :شلونج انين ..
ـ انين: الحمد لله.
سعاد : انين شبيج ...?
انين : اشش خاله فدووه لا يسمع مابيه شي بس ضجت اشويه بس خلي خمس دقايق اتعدي وگولي لـ كريم راسي وجعني وخلي نطلع وبعدين افهمج ..
ـ سعاد :ان شاء الله.
أنت تقرأ
امي تبحث عن عريس
Romanceقصه منقوله للكاتبه ازهار ذابله عندما يكون مجتمعك هو سجن وانت المتهم الوحيد ...عندما تسجنك الظروف عندما تغتال الضحكات عندما تقتل الطفوله عندما تموت الروح ويبقى الجسد عندما تذهب لـ عالم اخر لا مكان لك معهم عندما تهرب وانت تعلم بـ انك سـ تسجن في اخر م...
