امي تبحث عن عريس

البارت التاسع عشر

#امي-تبحث-عريس

البارت 19

بقلم ازهار ذابله ..

القصه من وحي الخيال ..

سديت الخط بوجه اريد اخذ ثاري كل مره الصفاره تصفر بوجهي خلي يجرب نفس الشعور ...
خرررررب هذا ازعجني من الصبح عكر مزاجي ...

خلص الصبح بسرعه ولازم اروح لـ الصالون هاي شلون ورطه هاي صارت صدك يعني لازم ايصير شي لازم يرجع بكلامه ويكلهم بطلت هذا من كل عقله مصدك...

رجعت من الصالون ومنو يشوفني ينصدم شكل ثاني وحده ثانيه ابد متشبهني مااعرف شلون اتغيير هيج شكلي ابد مااكو شي يشبهني مكياج صارخ واني مااعرف ادخل بشغلهم سلمتهن وجهي وطلعت بغير وجه مو ميكاب لا قناع وحته عدسات ورموش وجهي ثگل وعيوني مغوشه وحالتي يرثۍ لها بس الكل متعجبين ويكولون حلوه اتجننين شنو هذا الجمال ومن هاي المجاملات واني وكفت اكبال المرايه اتذكرت الفلم الكارتوني مولان من رادوا يزوجوها وترسوا وجها بس صبغ ابيض ...
تركني وحدي بغرتي ارتاح واني احس اريد اغيير او اخفف من هذا الجبل الي ع وجهي ....اخذت اكلينس وبديت امسح ولون الحمره غامق جداا مسحته وخليت لون فاتح مسحت الظل كله وبقه بس اثر بسيط اي هسه هاي انين والتسريحه ماادخلت بيها لان حلوه وبسيطه واهم شي مريحه بس سرحت شعري ورفعت منه جزء وخلت اكسسوار والباقي خلته ع جتفي لان فستاني كل جه شكل والي مابي شغل صار عليه شعري وكعب عالي حته اشويه اطول لان طولي مو هل كد اي اني قزومه بس مو كلش يعني وسط مو سنفوره ..
بعدني اسولف ويه روحي واني متعجبه ومتحيره هذا اليوم هو اخر يوم بحياتي واني احمل لقب عانس يعني بعد محد يكول انين العانس العجوز خلص هذا الكابوس بس اني اعرف بداية كابوس اكبر واخطر كابوس لواء واسراره الي محيرتني وتصرفاته الغريبه يوم يكون عاقل ومحترم وباقي الايام مجنون مغرور طايش مااعرف اي واحد منهم لواء الحقيقي..

دخلت شهامه وكالت يلا اطلعي ...
طلعت وگعدت وبدوا الگرايب يوصلون وريم من شافتني صاحت بوجهي فززتني ..
ـ ليش هيج مخربه المكياج جان احلا. .
ـ وين مسويت شي بس ماحبيته هيج افضل ..
ـ ابراحتج عيني شوفي مكياجي مو حلو ..
  ـ اي حلوو.
ـ شوفي هاي شهامه هي طويله وجنها نخله ومكياجها يبزع ..
ـ استغفر الله ريم عوفيني الله يخليج عوفيني بظيمي ..
ـ يااا ولج ياظيم مهندس وشكله يجنن وبيت وسياره وبنيه ولد جاهزين بعد شتردين ههههه.
ـ خلف الله عليج ماقصرتي عوفني بحالي ..

بالكوه خلصت منها ابد ميعجبها شي انوب اتقلد .... اسمع يكولون وصلوا اهل العريس ... ودخلن اخواته تلاثه اكبار ومتزواجات وجايبات بناتهن وزوجات ولدهن وياهن ومريم وبنتها بس صوفيا ماكو ... وبعد نسوان مااعرفهن وكلهن يباوعن عليه واني مااعرف شنو صار بحالي ارتبكت اريد ابطل شنو هاي صارت صدك .... يجوز هذا حلم من احلامي القديمه اي لان اني تركت العلاج بكيفي يجوز هذا كله خيال يلا هسه منو يصيحيني من هذا الحلم اريد اصحه هسه اغمض عيوني وارجع للواقع ..
وفتحت عيوني ع صوت الهلاهل وينتظرون يدخلون لواء والشيخ حته يعقدلنا ولبسوني عبايه ودخلني بالغرفه ودخل كريم ولواء والشيخ وبعد وياهم مراه جبيره ماعرفتها وامي واكفه فوك راسي ..

كمل العقد وكريم طلع هو والشيخ واني بقيت بمكاني مااريد اتحرك ليش كل هذا وهسه لازم شنو اسوي وليش مااصحه من الحلم ... امي سحبت العابيه وكدام لواء وهو مبتسم اي هاي ابتسامه شريره صفره وسحبني من ايدي وكعدني بالكوشه وبقه لازم ايدي بكل قوه... تقرب يحجي وياي وهو صاك اسنانه ..
ـ ليش مالبستي الي اني جبته هااا من البدايه اعناد وراس يابس بس اني اعرف اكسره ..
ـ خلص مو قصدي بس ميناسبني ..
ـ شنو ميناسبج خلص بعد ناس وعيب هسه بعدين اعرفج الله حق ..

ترك ايدي اشوفها بقت اثر اصابعه محفوره بـ ايدي ... هذا شبي والله ورطوني بي شلون اخلص من هذا الكارثه.

مريم جابت الذهب قدمته الا حته يلبسني وهذا رادها فرصه ..
سحب ايدي بكل قوه ودخل الحلقه ورجع لبسني باقي الذهب بس جنت اتوجع من طريقته والخبيث يضحك ولا جنه .. واني هم مااگدر ابين ظليت متحمله ردت بس تخلص هاي الحفله باي شكل ..

اخذنا صور واني بكل الصور مصدومه وهو يبتسم ويجامل امي ويحجي ويه اخواته ولا مبين عليه يكرهني والله عجيب ..

خلصوا كل هاي المسرحيه وطلعوا بعد ما روحي طلعت وقبل لا يطلع يگلي حشتاقلج ... نعم يمكن قصده يشتاق لـ تعذيبي ...

بس اشويه ظليت يم الگرايب وكل وحده تسٲل شكل وتگول شي شكل واني بس صافنه واريد اغيير وارجع لوجهي القناع ازعجني مو قناع واحد قناع الميكاب وقناع الابتسامه الي ارسمها بين حين واخر مجامله بوجهم ...
دخلت الغرفتي شمرت الذهب كله حته الحلقه وخربت التسريحه ومسحت وجهي كله واني ابجي والكحل كله نزل ع وجهي وصرت اخوف وبدون اي شي قفلت الباب وظليت ابجي وحدي ومااريد اسمع شي بعد اتحملت اهوايه وهذا مو حلم واني هسه زوجة هذا المغرور وبعد لازم من يحجي ابقه اسمعه مجبوره مجبوره اگابل وجه اربعه وعشرين ساعه واتذكر كلماته اكسر راسج اي يكول يكسر راسي اقلها جان احترمني بس اليوم اقل شي يمكن يقدمه هو احترامي
..
اسمع امي تحجي وفرحانه هذا الشي اشويه واساني وقررت بعد ماارد عليه مهمه يكون وشنو يحجي ماارد عليه وهم اتذكرت اگدر اعتني بـ صوفيا واخوها وبعد ماافكر بشكل سلبي لان تعبت
خلي كلشي ياخذ حقه واني اخذت حقي من التعب ومن الهم لازم اسلم
اي ارفع رايه الاستسلام ...خلص انين لا تضعفين مو وكتج هسه ...
بدلت وغسلت وجهي احس اشويه براحه مااعرف منين دخلت گلبي ...
دگ الموبايل اشوف هذا منو يبوووو
استوني گلت يا الله ..
ـ الووو هلا شلونك ..
ـ شوفي ولج هاي سوالف النسوان مو عليه ومسويه روحج مسكينه وتحجين بهدوء.
ـ اي وبعد شتعرف عني اكثر ...
ـ اششش شعرف عنها مااعرف شي ولا اريد اعرف فهمتي بس اريدج خدامه لـ صوفيا لان حبتج ومالكيت غير طريقه اخليج بيها يمها اربعه وعشرين ساعه غير اتزوجج واعرف عنج كل شي هههههههه نسيتي اخوي عالجج وملفج وتسجيلات الصوت كلها عندي فعلا حالتج المرضيه غريبه شنو يسمونها يلا مو مهم بالاخير من اخلص من مشكلتي وبنتي ترجع توكف ع رجلها اشمرج بـ اقرب مصح ..
ـ ميخالف اذا هيج اني موافقه ..
ـ هههه هو انتي الج كلمه وياي يا مستفزه نسيتي انتي الي تسميني قزم وانتي الي من تشوفيني بس تهدين بوجهي اني اعلمج منو اني ..

يتبع ...

نلتقي غداً ان شاء الله ..😘