#امي-تبحث-عن-عريس
البارت10
بـ قلم ازهار ذابله
*القصه من وحي الخيال*
بعد صدر قرار جمهوري لازم انفذ والله تعبت هم رجعنا انوب هاي المره سحار يله همه وحد هم خلي يستفادون مو بس السحارات ...
بدأ نهار جديد كل الامنيات جديد تفائل وحب وروح ثائره تطالب بالعيش بسلام قلب يريد ينبض بكل وقت بدون قيود عيون ناعسه وتنظر للعالم بعين جديده ..
طلعت من البيت واليوم فعلا اكو تحدي بحياتي بعد ماعشت الروتين المُمل والحياة المتكرره اليوم اعيش يوم مختلف بي تحدي اكو شي يدفعني للامام اكو قوه عجيبه تحرك كل هذا الجمود وتحوله الحركه ديناميكيه احس بروحي مثل الانسان الي انولد من جديد نسيت كل التعب وكل المعاناة وحته طلب امي انفذه بس مو انين القديمه الي تستلم وتمشي مثل النعجه ورا امها لا اليوم الكل لازم يشوفون انين الجديده ..
وصلت لـ الدوام بعد معاناة وازدحام بس وصلت ع الوكت ومااتخر كل يوم اوصل بنفس الوكت ..
دخلت المكتب مشتاق ورحمه بعدهم مواصلين رتبت المكتب وبديت اشتغل شغلي حته اكدر اخذ اجازه ومايبقه عندي شغل متراكم ...
ورا نص ساعه وصلوا رحمه ومشتاق وسلموا وبدوا همه بشغلهم ..
يوم عادي بالنسبه للناس اي كلهم نفس الروتين ونفس الشي بس اني عندي يوم مختلف بي طعم خاص اشم بي ريحة انتقال تحول احس بالتحدي بعد ماعشت كل عمري مااعرف ولا مجربه هذا الشعور اي مجنت اعرف التحدي جنت بس انفذ وبس الصمت وصمت واخضع بدون نقاش مااتحده حته نفسي واليوم اني مستعده اتحدا العالم بس حته اثبت الهم اني انين عمري بعد كم شهر يصير ثلاثه وثلاثين وانا غير متزوجه وحياتي سعيده بعيد عن تدخلكم وانا اتحداكم اتكدرون تدخلون بحياتي من اليوم ...
الساعه ادعش ونص خابرت امي اتذكرني وتكلي هي وصلت لبيت خالي واني هم طمئنته وكتله ع الموعد وابد مااتأخر عليها وفعلا بس صارت الثانيه عشر ضبط...
كلت لـ رحمه اريد اخذ اجازه وهي هم كالت حتكمل الشغل الباقي بمكاني شكرتها ورحت اخذ اجازه ....
وصلت لـ مكتب المسؤول عنا وسلمت وطلبت اجازه لـ ظروف مرضيه وكتله عندي موعد مهم ..
كدرت اخذ الاجازه وطلعت من الوزاره بسرعه مستعجله لان اعرف ازدحام ومنا لمن اوصل لبيت خالي احتمال اتاخر ع امي.
امشي بدون ماانتبه فعلا جنت مستعجله ومااحس الا سياره سحبت بريك بسرعه صار بيني وبين السياره خيط رفيع وصوتها من وكفت خلتني انتبه لو اشويه جان داستني ...
مااعرف بس خفت واسمع السايق نزل وطبك باب سيارته بقوه فزيت من الصوت ورفعت راسي ...
هذا انت ....
ـ لج انتي تردين تبليني بموتج مجنونه عاجبج اتموتين روحي هذاك الشارع بعدلج كم متر وتوصلين .
ـ انت شنو ماعندك احساس هااا انت بشر حالك من حالاً بس اريد افتهم انت ليش وين مااروح تطلع بوجهي وعيب عليك اتكول مجنونه.
ـ اشششش مااريد اسمع صوتج فوكها السانها طويل وراي عائله واطفال مااريد انسجن من وراج .. وملاحظه لحضرتج اني مااركض وراج انتي وين مااروح الكاج .
أنت تقرأ
امي تبحث عن عريس
Romansaقصه منقوله للكاتبه ازهار ذابله عندما يكون مجتمعك هو سجن وانت المتهم الوحيد ...عندما تسجنك الظروف عندما تغتال الضحكات عندما تقتل الطفوله عندما تموت الروح ويبقى الجسد عندما تذهب لـ عالم اخر لا مكان لك معهم عندما تهرب وانت تعلم بـ انك سـ تسجن في اخر م...
